লূকে লেখ্যে গম্ হবর্ 8:24 - Chakma Bible

²⁴ তারা যীশু ইধু যেইনে তারে জাগেইনে কলাক্, “প্রভু, প্রভু, আমি দঅ মল্লং!” সেক্কে যীশু উদিনে বোইয়্যের্ আর পানির্ তুবোলানরে ধমক্ দিলো। সেলক্কে বোইয়্যের্ আর তুবোলান্ থামেল আহ্ বেক্কানি জুরঅ ওই গেলঅ।

লূকে লেখ্যে গম্ হবর্ 8:24 Iomraidhean Croise

গীতসংহিতা 65:7

তুই দোজ্যে সাগরর্ গুজুরোনিগান অলর্ গুরি দুয়োচ্, অলর্ গুরি দুয়োচ্ তার তুবোলর্ গুজুরোনিগান আর জাদ্‌তুনোর বেজালানি।

যিশাইয় 50:2

মুই এজানার্ পরেদি কনজনে সিয়েনত্ ন-এলঅ কিত্তে? মুই ডাগানার্ পরেদি জোব্ দিবাত্তে কনজন ন-এলঅ কিত্তে? তমারে উদ্ধোর্ গুরিবাত্তে মঅ আঢ্‌‌‌তান কি বেশ্ বাদি? তমারে উদ্ধোর্ গুরিবাত্তে মর্ কি খেমতার্ অভাব ওইয়্যে? বানা ধমক্ দিইনে মুই সাগরান শুগেই ফেলাং আর গাঙানি ধূল্যেচর গুরি দুয়োং; সিদুগোর মাছ্‌‌‌‌চুন পানি অভাবে পুযি যান আর পানি তিরেজে মুরি যান।

যিরমিয় 5:22

তুমি কি মরে ন-দোরেবা? মঅ মুজুঙোত্ কি তুমি গির্‌ ন-গিরেবা? মুয়ই এক্কান উমরর্ মানা ইজেবে কোরোলিলোই সাগর দুযিগান ঠিগ্ গোজ্যং, যেনে সাগরানে সিয়েন পার্ ওই ন-পারে। সিয়েনর তুবোলুন্ জোরে এলেয়ো সিয়েন ফোলেই ন-পারিবো; সিয়েন গুজুরি উদিলেয়ো পার্ ওই যেই ন-পারে।‌‌‍

নহূম 1:4

তে সাগরানরে ধমক্ দিইনে শুগেই ফেলায়; বেক্ গাঙানিরে তে পানি নেইয়্যে গুরি দে। বাশন আর কর্মিলান্ শুগেই যায় আর লেবাননর্ বেক ফুলুন্ শুগেই যান।

মথি লেখ্যে গম্ হবর্ 14:30

মাত্তর্ জোর্ বোইয়্যের্ দেগিনে তে দোরেইনে ডুবি যাহ্ ধুরিলো আর রঅ ছাড়িনে কলঅ, “প্রভু, মরে বাজা।”

মথি লেখ্যে গম্ হবর্ 8:25

সেক্কে শিচ্চ্যগুনে তাইদু যেইনে তারে জাগেইনে কলাক্, “প্রভু, বাজা; আমি যে মুরিলোং!”

মার্ক 4:39

যীশু উদিনে বোইয়্যেরানরে ধমক্ দিলো আর সাগরানরে কলঅ, “থাম্, জুরঅ অ।” সেক্কে বৌইয়্যেরান্ থামেল আর বেক্কানি জদবদে জুরঅ ওই গেলঅ।

লূকে লেখ্যে গম্ হবর্ 4:35

যীশু সেই ভান্ন্যেই আত্মাবোরে ধমক্ দিইনে কলঅ, “জুরো অ, তা ভিদিরেত্তুন্ নিগিলি যাহ্।” সেই ভান্ন্যেই আত্মাবো সেক্কে মানুচ্চোরে বেক্কুনো সংমোধ্যে সলা মারি থলঅ আর তারে কনঅ ক্ষতি ন-গুরিনে তা ভিদিরেত্তুন্ নিগিলি গেলঅ।

লূকে লেখ্যে গম্ হবর্ 4:39

সেক্কে যীশু শিমোন শুড়িবো কায়কুরে থিয়্যেইনে জ্বরানরে ধমক্ দিলো। সেক্কে তা জ্বরান্ গম্ অলঅ, আর তে সেক্কেনে উদিনে তারারে হানা-দানার্ বেবস্থা গরা ধুরিলো।

লূকে লেখ্যে গম্ হবর্ 5:5

শিমোনে কলঅ, “গুরু, সারা রেত্তো অমকদ কাম্ গুরিনেয়ো কিচ্চু গুরি ন-পারিই; তুয়ো তঅ কধাত্তে মুই জালান্ ফেলেম্।”

লূকে লেখ্যে গম্ হবর্ 8:25

তে শিচ্চ্যগুনোরে কলঅ, তমা বিশ্বেজ্‌চান কুদু? শিচ্চ্যগুনে ভোক্তিবলা দরে আমক্ ওইনে নিজো ভিদিরে কুয়ো কি গরা ধুরিলাক্, “ইবে কন্না, যিবে বোইয়্যের্ আর পানিগানরে উগুম্ দিলে পর তারায়ো তা কধা শুনোন্?”