লূকে লেখ্যে গম্ হবর্ 8:18 - Chakma Bible

¹⁸ উজিয়ার্ অ, সেনত্তে কিবাবোত্যেগুরি শুন্ন্য সে পৌইদ্যেনে মনযোগ্ দুয়ো, কিয়া যিবের্ আঘে তারে আরঅ দিয়্যে অবঅ, মাত্তর্ যিবের্ নেই তার্ যিগুন্ আঘন্ বিলি তে মনে গরে, সিগুন্অ তাত্তুন্ নেযা অবঅ।”

লূকে লেখ্যে গম্ হবর্ 8:18 Iomraidhean Croise

গম্ উপদেজ্ 14:12

এক্কান পথ আঘে যিয়েন মান্‌জ্য চোগেদি ঠিগ্ মনে অয়, মাত্তর্ সে পথ্‌তানর শেজদি থায় মরণ।

মথি লেখ্যে গম্ হবর্ 13:12

কিয়া যিবের্ আঘে তারে আরঅ দিয়্যে অবঅ, আর সেক্কে তার্ বোউত্ অবাক্। মাত্তর্ যিবের্ নেই তার যিগুন্ আঘন্ সিগুন্অ তাত্তুন্ নেযা অবঅ।

মথি লেখ্যে গম্ হবর্ 25:29

যিবের্ আঘে তারে আরঅ দিয়্যে অবঅ আর সেক্কে তার্ বোউত্ অবাক্। মাত্তর্ যিবের্ নেই তার্ যিগুন্ আঘন্ সিগুন্অ তাত্তুন্ নেযা অবঅ।

মার্ক 13:14

সর্বনাজ ঘিনাইদ্যে জিনিস যিয়েনত্ থানা উচিত নয়, তুমি যেক্কে সিয়েন থাগদে দেগিবা-যে পড়ে তে বুঝোক্-সে অক্তত্ যিগুনে যিহূদিয়াত্ থেবাক্ তারা মুড়োমুড়ি চাগালাত্ ধেই যাদোক্।

লূকে লেখ্যে গম্ হবর্ 19:26

“তে কলঅ, ‘মুই তমারে কঙর্, যিবের্ আঘে তারে আরঅ দিয়্যে অবঅ, মাত্তর্ যিবের্ নেই তার যিগুন্ আঘন্ সিগুন্‌‌‌‌অ তাত্তুন্ নেযা অবঅ।

লূকে লেখ্যে গম্ হবর্ 9:44

“মুই কি কোইয়োং এ কধাগান্ ভুলি ন-যেইয়ো, মান্‌জ্য পুয়োবোরে খেমতাবলা মানুচ্চুনো আঢত্ ধুরি দিয়্যে অবঅ।”

যোহন 15:2

মর্ যিদুক্কুন্ ডেলাত্ গুলো ন-ধরন্ সিগুন তে কাবি ফেলায়, আর যিদুক্কুন্ ডেলাত্ গুলো ধরন্ সিগুন তে ছাজিনে সাব্ গরে যেন আরঅ ভালোক্কুন্ গুলো ধুরি পারন্।

প্রেরিত্‌ 10:33

সেনত্তে মুই সেক্কে তরে ডাগি আনিবাত্যে মানুচ্‌ পাধেলুং, আর তুমি এইনে গম্ ওইয়্যে। ইধু আমি বেক্কুনে ইক্কিনে গোজেন মুজুঙোত্ আঘিই। প্রভু তরে আমা ইধু যিয়েনি কবাত্তে উগুম দিয়্যে আমি সিয়েনি বেক্কানি শুনিবোং।”

প্রেরিত্‌ 17:11

থিষলনীকীর্ যিহূদীগুনোত্তুন্ বিরয়া শঅরর্ যিহূদীগুনো মনানি বোউৎ বেশ্ খুলোমেলা এলঅ। তারা জদবদে আওচ্ গুরিনে গোজেনর্ কধা শুনিনে সিয়েনি মানি ললাক্। পৌলে যিয়েনি কোইয়্যে সিয়েনি সত্য নাহি চেবাত্যে পত্তিদিন্ তারা বোইয়োত্ তোগেদাক্।

রোমীয় 12:3

মুই গোজেনত্তুন্ যে বিশেষ দোয়্যে পেইয়োং সিয়েনর্ মাধ্যমে মুই তমা বেক্কুনোরে কঙর্, নিজোরে যেত্তমান্ দাঙর্ মনে গরানা উচিত্ সিয়েনত্তুন্ বেশ্ দাঙর্ তুমি নিজোরে মনে ন-গোজ্য, বরং যেত্তমান্ যগাজ্যে সেত্তমান্ মনে গোজ্য। গোজেনে যিবেরে যেত্তমান্ বিশ্বেজর্ খেমতা দিয়্যে তাত্তুন্ বেশ্ কনজনে যেন নিজোরে মনে ন-গরন্।

১ করিন্হীয় 14:37

যুনি কেঅ নিজোরে ভাববাদী কয় বা আত্মিক্ মানুচ্ বিলি মনে গরে সালে তে স্বীগের্ গোরোক্ যে, মুই তমা ইধু যিয়েনি লিগিলুং সিয়েনি বেক্কানি প্রভুর উগুম্।

১ করিন্হীয় 3:18

তুমি কেঅ নিজোরে ফাগি ন-দুয়ো। তমাত্তুন্ যুনি কেঅ এ যুগোর চিন্তেলোই নিজোরে জ্ঞানী মনে গরে সালে তে মূর্খ ওক্‌ যেন তে ঘেচ্চেকগুরি জ্ঞানী ওই পারে,

১ করিন্হীয় 8:2

যে কিজু হবর্ পায় বিলিনে মনে গরে, তে যেবাবোত্যে হবর্ পানা উচিত সেবাবোত্যেগুরি এজঅ হবর্ ন-পায়।

ফিলিপীয় 3:4

মুই খালিক্ সিয়েন গুরি পাত্তুং। যুনি কেঅ মনে গরে, আচার-অনুষ্ঠান উগুরে নির্ভর্ গুরিবার্ তার কারন আঘে সালে তে হবর্ পোগ্ যে, মর্ তাত্তুন্ বেশ্ আরঅ কারন আঘে।

ইব্রীয় 2:1

ইয়েনত্যে আমি যিয়েনি শুন্ন্যেই সিয়েনি পালন গুরিবাত্যেই আমার আরঅ মনযোগ দেনা উচিত, যেন সিয়েনিত্তুন্ আমি দূরোত্ সুরি ন-যেই।