লূকে লেখ্যে গম্ হবর্ 8:13 - Chakma Bible

¹³ শিলো ভূইয়োত্ পোজ্যে বীজ্‌চুনোর্ মাধ্যমে সিগুনো পৌইদ্যেনে কুয়ো ওইয়্যে যিগুনে সেই কধানি শুনিনে হুজিয়ে মানি লন্, মাত্তর্ তারা ইধু সিগুনোর্ শিঙোরানি গমেডালে ন-বজে। সেনত্তে তারা থরা কয়েক দিনোত্তে বিশ্বেজ্ গরন, মাত্তর্ যেক্কে পোরোক্ষ্যে এজে সেক্কে পিজেদি যান্।

লূকে লেখ্যে গম্ হবর্ 8:13 Iomraidhean Croise

ইয়োব 19:28

যুনি তুমি কঅ, ‘দুঘোর্‌ গড়াগান তা ভিদিরে রোইয়্যে বিলিনে আমি তারে দুঘ্‌ দির্‌,’

গম্ উপদেজ্ 12:12

পাজিগুনে বজং মানুচ্চুনোর লুদেয়্যে জিনিস্‌চানি পেবাত্তে চান, মাত্তর্ গোজেন ভক্ত মানুচ্চুনোর জিংকানিত্ বর্ এজে।

গম্ উপদেজ্ 12:3

বজং কাম্বোই কনঅ মান্‌জ্যর জিংকানিত্ থিদেবর্ ন-এজে, মাত্তর্ গোজেন ভক্তগুনোর্ জিংকানির গড়াগান অদে অদে থায়।

যিশাইয় 58:2

তারারে দেগিলে মনে অয় দিনকে দিন যেন তারা মঅ আওজ্ মজিম চলদন্ আর মঅ পথ্‌তান জানিবাত্তে তারার আওজ্ আঘে; তারা যেন এমন এক্কো জাদ্ যিগুনে ঠিগ্ কাম গরন্ আর তারার গোজেন উগুমান্ ন-ছাড়ন্; তারা যেন মইদু ন্যায় বিচের পৌইদ্যেনে জানিবাত্তে চান্ আর যেন গোজেন ইদু এবাত্তে আওজি।‌

যিহিষ্কেল 33:32

এ কধাগান সত্য যে, তুই তারা ইধু বানা মিদে সুরে গমেডালে বাজনা বাজেইয়্যে কোচ্‌‌‌‌‌‌পানার গান গেইয়্যে এক্কো মানুচ্ বাদে আর কিচ্চু নয়, কিত্তে তারা তঅ কধা শুনোন ঠিগ্, মাত্তর্ সিয়েনি কামত্ ন-লাগান।

হোশেয় 6:4

লগেপ্রভু কত্তে, ও ইফ্রয়িম, মুই তরে নিইনে কি গুরিম? ও যিহূদা, তরে নিইনে বা মুই কি গুরিম? তর্ বিশ্বেজ্‌‌‌‌চান বেন্যেমাদান কুয়ো ধোক্ক্যেন, সিয়েন বেন্যেমাদান শিরো পানি ধোক্ক্যেন যিয়েন যাদিমাদি শুগেই যায়।

মার্ক 6:20

মাত্তর্ হেরোদে যোহনরে দোরেদ বিলি তে সিয়েন গুরি ন-পারে। যোহনে যে এক্কো গোজেন্‌ভক্ত আর পবিত্র মানুচ্ হেরোদে সিয়েন হবর্ পেদঅ, সেনত্তে তে যোহনরে দযাত্তুন্ রোক্ষ্যে গুরিদো। যোহনর্ কধা শুনিবার সলাত্ মনত্ খুব দুঘ্ পেলেয়ো হেরোদে তা কধানি শুনিবাত্তে গম্ পেদঅ।

লূকে লেখ্যে গম্ হবর্ 8:12

পধ পাজারাত্ পোজ্যে বীজ্‌চুনো মাধ্যমে তারা পৌইদ্যেনে কুয়ো ওইয়্যে যিগুনে সেই কধানি শুনোন্ ঠিগ্, মাত্তর্ পরেদি শদানে এইনে তারা মনত্তুন্ সিয়েনি তুলি নেযায়। সেক্কে তারা সিয়েন বিশ্বেজ্ গুরি ন-পারন্ বিলি পাপত্তুন্ উদ্ধোর্ ন-পান্।

লূকে লেখ্যে গম্ হবর্ 8:14

কাদা ঝুবো ভিদিরে পোজ্যে বীজ্‌চুনোর্ মাধ্যমে সিগুনো পৌইদ্যেনে কুয়ো ওইয়্যে যিগুনে সিয়েনি শুনোন্, মাত্তর্ জিংকানির-পধত্ যাদে যাদে সংসারর্ চিদে-চজ্জালোই, ধন-সোম্বোত্তি আর সুগে থাগদে থাগদে সিয়েনি চাপা পড়ি যায়। সেক্কে তারা জিংকানিত্ কনঅ পাগানা ফল দেগা ন-যায়।

যোহন 15:2

মর্ যিদুক্কুন্ ডেলাত্ গুলো ন-ধরন্ সিগুন তে কাবি ফেলায়, আর যিদুক্কুন্ ডেলাত্ গুলো ধরন্ সিগুন তে ছাজিনে সাব্ গরে যেন আরঅ ভালোক্কুন্ গুলো ধুরি পারন্।

যোহন 15:6

যুনি কেঅ মঅ সমারে ন-থায় সালে কাপ্প্যে ডেলা ধোক্ক্যেন্ তারে বারেদি ফেলেই দিয়্যে অয় আর সিবে শুগেই যায়। সেক্কে সেই ডেলাগুন্ কুড়েইনে আগুনোত্ ফেলে দিয়্যে অয় আর সিগুন পুড়ি যান্।

যোহন 5:35

যোহনে এলদে সেই জোল্-জোল্যে চেরাক্কো যিবে জ্বলিনে পহ্‌র দের্; তুমি খানক্‌কনত্যে তার্ সেই পহ্‌রত্ হুজী গুরিবাত্তে রাজী ওইয়ো।

১ করিন্হীয় 13:2

যুনি ভাববাদী ইজেবে কধা কবার্ খেমতা মত্তুন্ থায়, যুনি মুই বেক্‌ গুমুরো সত্যর্ পৌইদ্যেনে বুঝি পারং, আর যুনি মর্ নানান্ বাবোত্যে জ্ঞান থায়, এন্‌ কি, মুড়োগুনোরে এক জাগাত্তুন্ অন্য জাগাত্ সোরেই দিবার পুরো বিশ্বেজ্‌‌চান থায়, মাত্তর্ মত্তুন কোচ্‌পানা ন-থায়, সালে মর্ কনঅ-ই দাম্ নেই।

১ করিন্হীয় 15:2

যে কধাগান্ মুই তমা ইধু ফগদাং গোজ্জ্যং সিয়েন যুনি তুমি দরমর গুরি ধুরি রাগেই থাগঅ সালেই তুমি সেই গম্ হবরানর্ মাধ্যমে পাপত্তুন্ উদ্ধোর্ পর্-খালিক্ যুনি তমার বিশ্বেজ্‌চান বানা বারেদি ন-অয়।

গালাতীয় 3:1

ও অবুঝ্ গালাতীয়গুন! কন্না তমারে যাদু গোজ্জ্যে? তমা ইধু দঅ গমেদালে প্রচার গরা ওইয়্যেদে যে, যীশু খ্রীষ্টরে ক্রুশোত্ দিয়্যে ওইয়্যে।

গালাতীয় 3:4

তুমি কি মিজে মিজে এদক্ দুঘ্ ভুগোর্? মুই আজা গরং তমার্ সেই দুঘ্ ভুগোনা অনত্তক্ ন-অয়।

ইফিষীয় 3:17

আর বিশ্বেজর্ মাধ্যমে খ্রীষ্ট তমা মনানি পুরোপুরি গুরিনে অধিকার গরে। মুই আরঅ তবনা গরং যেন খ্রীষ্টর্ কোচ্‌পানার মাধ্যমে তুমি গভীন গুরিনে ডুবিইনে থির্ অ,

কলসীয় 1:23

খালিক্ ইয়েনত্যে খ্রীষ্ট পৌইদ্যেনে গম হবরানত্তুন্ যে ঘেচ্চ্যেকগুরি আজাগান তুমি পেয়ো সিয়েনত্তুন্ দূরোত্ সুরি ন-যেইনে তমার বিশ্বেজে থির্ থা পড়িবো। সেই গম হবরান সারা জগদত্ প্রচার গরা ওইয়্যে আর তুমি সিয়েন শুন্ন্য। মুই পৌল এ গম হবরানর্ প্রচারক ওইয়োং।

কলসীয় 2:7

খ্রীষ্ট ভিদিরে মূরোত্ পুরিনে তা ভিদিরে তুমি বাড়ি উদোনাত্ থাগঅ। তুমি শিক্ষ্যে পেইনে যিয়েন বিশ্বেজ্ গোজ্জো সিয়েন্দোই থির্ থাগঅ আর গোজেনরে নিত্য ভালেদি জানেই থাগঅ।

১ থিষলনীকীয় 3:5

সেনত্যে মুই যেক্কে আর সোজ্জ্য গুরি ন-পারিলুং সেক্কে বিশ্বেজ্ ইন্দিত্তুন্ তুমি কি অবস্থায় আঘঅ সিয়েন জানেবাত্যে তীমথিয়রে পাধেয়োং। মত্তুন্ দর্ গরেত্তে, অয়ত শদানে তমারে লুভ্ দেগেয়্যে আর আমার কামানি বেক্কানি ব্যত্ত ওই যেইয়্যে।

১ তীমথিয় 1:19

আর সে লগে বিশ্বেজ্ আর সাব্ বিবেক রোক্ষ্যে গর্। কুদুক্কুন মান্‌জ্যে বিবেগর্ কধানি ন-শুনিনে তারার্ বিশ্বেজত্ যাগুলুগ্ গুরি দুয়োন।

ইব্রীয় 10:39

যিগুনে ফিরি যেইনে ভস্ত অন্ আমি দঅ সেই দলর নয়; যিগুনে বিশ্বেজ্ গুরিনে উদ্ধোর্ পান আমি সেই দলর্।

যাকোব 2:26

পরাণান্ বাদে কিয়্যেগান যেধোক্ক্যেন মরা ঠিগ্ সেধোক্ক্যেন কাম বাদে বিশ্বেজ্‌চান মরা।

২ পিতর 2:20

আমার প্রভু আর উদ্ধোর গুরিয়্যে যীশু খ্রীষ্টরে গমেডালে চিনেনার্ ফলে জগদর্ ভান্ন্যেয়ত্তুন্ ধেই যেইনেয়ো যেক্কে তারা আরঅ সেই একই ভান্ন্যেই কামত্ পড়িনে তাইধু উদিই যেইয়োন, সেক্কে তারার্ পত্তম দজাত্তুন্ শেজ্ দজাগান আরঅ ভান্ন্যেই ওইয়্যে।

২ পিতর 2:22

তারা পৌইদ্যেনে এই ঢাগঅ কধাগান সত্য ওইনে উঠ্যে, “কুগুরে নিজো ওগোল্ল্যে ইন্দি ফিরোন্,” আর, “শুগররে ধলেয়ো তে পেগত্ গজ্জায়।”

১ যোহন 2:19

খ্রীষ্টর্ এ শত্রুগুন আমা ভিদিরেত্তুন্ নিগিলি যেয়োন। মাত্তর্ তারা আমা মানুচ্‌ ন-এলাক্। যুনি তারা আমার্ অদাক্ সালে আমা সমারে থেদাক্, মাত্তর্ তারা নিগিলি যেইয়োন বিলিনে বুঝো যার্, তারা কেঅই আমার নয়।

যিহূদা 1:12

এ মানুচ্চুনে যেক্কে দুঘ্ সাহচ্‌‌সোই তমার কোচ্‌পানার-হানাত মিলোন্ সেক্কে তমার সেই হানা ভিদিরে তারা কাজর ধোক্ক্যেন অন্। ইগুনে বানা নিজো পৌইদ্যেনে চিন্তে গরন্। ইগুনে বৈয়্যেরত্ ভাজেই নেযেইয়্যে পানি-নেইয়্যে মেঘ ধোক্ক্যেন। গুলোগুলি পাড়িবার অক্তত্ গুলোগুলি নেই বিলিনে শিঙোর্ সুদ্ধো উগুরেই ফেল্ল্যে গাজ ধোক্ক্যেন ইগুনে দ্বি'কিত্যেদি মরা।