লূকে লেখ্যে গম্ হবর্ 7:44 - Chakma Bible

⁴⁴ পরেদি যীশু সেই মিলেবো ইন্দি মুয়োন্ ফিরেইনে শিমোনরে কলঅ, “তুই এ মিলেবোরে দঅ দেগর্। মুই তঅ ঘরত্ এজানার্ পরেদি তুই মরে টেঙ্ ধবার্ পানি ন-দুয়োচ্, মাত্তর্ তে চোগো পানিয়ে মঅ টেঙানি ভিজেইনে তা চুলানিলোই পুযি দিয়্যে।

লূকে লেখ্যে গম্ হবর্ 7:44 Iomraidhean Croise

পত্থম 18:4

মুই এক্কানা পানি আনি দুয়োঙর্‌, তুমি টেঙানি ধোই নেযঅ। সে পরেদি তুমি এ গাজ্‌সো তলাত্‌ কানক্কণ্‌ ঝিরো।

পত্থম 19:2

“শুনো, আর উজেই ন-যেইনে তুমি দোয়্যে গুরি তমার এ চাগরবো ঘরত্‌ এজঅ আর আত্‌-টেং ধোইনে রেত্তো কাদঅ। নয়দ বেন্যে পোত্যে উদিনে আরঅ যাহ্ ধুরিবা।” জোবত্‌ তারা কলাক্‌, “না, আমি এ শঅর ভিদিরে রেত্তো কাদেবং।”

পত্থম 43:24

সে পরেদি তে বেক্কুনোরে যোষেফ ঘরঅ ভিদিরে নেযেইনে পানি হেবাত্তে দিলো আর তারা টেং ধুয়োলাক্‌। তে তারার্‌ গাধা গুনোরেয়ো হেবাত্তে দিলো।

২ শমূয়েল 11:8

সে পরেন্দি তে ঊরিয়রে কলঅ, “তুই নিজো ঘরত্‌ যেইনে আত্‌-টেং ধোইনে জিরেগোই।” ঊরিয় রাজঘরত্তুন্‌ নিগিলিলো আর রাজা তাত্তে কিজু ভেদ পাধেই দিলো।

লূকে লেখ্যে গম্ হবর্ 7:38

পরেদি তে যীশু পিজেদি তা টেঙ কুরে যেইনে থিয়্যেল আর কানি কানি চোগো পানিয়ে তা টেঙান্ ভিজেল। সে পরেদি তে তার্ মাঢাবো চুলানিলোই তা টেঙান্ পুযি দিলো আর তা টেঙ উগুরে চুমিনে সেই আতরান্ ঢালি দিলো।

লূকে লেখ্যে গম্ হবর্ 7:43

শিমোনে কলঅ, “মর্ মনে অয়, যিবের্ বেশ্ কজ্জ খেমা গরা অলঅ সিবেই।” যীশু তারে কলঅ, “তুই ঠিগ্ কোইয়োচ্।”

যোহন 13:5

সিয়েন পরেদি তে গাবালাত্ পানি ঢালিনে শিচ্চ্যগুনো টেঙানি ধুয়ো ধুরিলো আর ফার্‌বোত্ বেড়েইয়্যে গান্‌জাকানিগান্দোই সিয়েনি পুযি দিয়্যে ধুরিলো।

১ তীমথিয় 5:10

ইয়েনিবাদে গম কামত্যে তার্ সুনাঙ্ থাহ্ পরিবো। এ গম কামানির্ ভিদিরে আঘেদে-পুয়ো-ছা মানুচ্‌ গরানা, গর্‌‌বা লবিয়োত্ গরানা, গোজেন মানুচ্চুনোরে টেং ধোই দেনা, যিগুনে দুঘোত্ পোজ্জ্যন তারারে এজাল্ দেনা, আর অন্য গম কামত্ মিজেনা।

যাকোব 2:6

অদচ সেই নাঢা মানুচ্চুনোরে তুমি অগমান গোজ্জ্য। মাত্তর্ তাগোয়্যে মানুচ্চুনে কি তমারে দুঘ্ ন-দুয়োন্ আর আদালদত্ টানি ন-নেযান্?

বিচের গুরিয়্যেগুন 19:21

ইয়েন কোইনে বুড়ো মানুচ্চো তা ঘরত্‌ তারারে নেযেল আর তারার গাধাগুনোরে হেবাত্তে দিলো। তারা টেং ধোইনে হানা-দানা গুরিলাক্‌।

১ শমূয়েল 25:41

এ কধাগান শুনিনে অবীগলে মাদিত্‌ মাদা নিগিরি পড়িনে দায়ূদোর নাঙে কলঅ, “মুই তর্‌ চাগরানী; তর্‌ চাগরুনোরে সেবা গুরিবাত্তে আর টেং ধবাত্তে মুই যুক্কোল্‌ আগং।”