লূকে লেখ্যে গম্ হবর্ 7:29 - Chakma Bible

²⁹ বেক্ সাধারন মানুচ্চুন্ আর খাজানা-তুলিয়্যেগুনে যোহন প্রচার্ শুন্ন্যন্ আর তাইধু বাপ্তিস্ম লোইনে গোজেনরে ন্যায়বলা বিলি হাম্ হেইয়োন্।

লূকে লেখ্যে গম্ হবর্ 7:29 Iomraidhean Croise

গীতসংহিতা 51:4

তর্ বিরুদ্ধে, বানা তর্ বিরুদ্ধে মুই পাপ গোজ্যং আর তর্ চোগেন্দি যিয়েনি ভান্ন্যেই সিয়েনি গোজ্যং। সেনত্তেই তর্ রায়ান্ ঠিগ্, তর্ বিচেরান গম্।

মথি লেখ্যে গম্ হবর্ 5:46

যিগুনে তমারে কোচ্‌পান বানা তারারে যুনি তুমি কোচ্‌পঅ সালে তুমি কি বক্‌শিজ্ পেবা? খাজানা-তুলিয়েগুনেয়ো কি সে বাবোত্যে ন-গরন্?

লূকে লেখ্যে গম্ হবর্ 20:6

মাত্তর্ যুনি কোই, ‘মান্‌‌‌‌জ্যত্তুন্,’ সালে মানুচ্চুনে আমারে পাত্তর্ মারিবাক্, কিয়া তারা যোহনরে ভাববাদী বিলি বিশ্বেজ্ গুরিদাক্।”

লূকে লেখ্যে গম্ হবর্ 3:12

কয়েক্কো খাজানা তুলিয়্যে বাপ্তিষ্ম লবাত্তে এইনে যোহনরে কলাক্, “মাষ্টর্‌বাবু, আমি কি গুরিবোং?”

লূকে লেখ্যে গম্ হবর্ 7:28

মুই তমারে কঙর্, মান্‌জ্য ভিদিরেত্তুন্ কনজনে যোহনত্তুন্ দাঙর্ নয়; মাত্তর্ গোজেন রেজ্য ভিদিরেত্তুন্ বেগত্তুন্ যে চিগোন্ তেয়ো যোহনত্তুন্ দাঙর্।”

লূকে লেখ্যে গম্ হবর্ 7:35

মাত্তর্ জ্ঞান্দোই যিগুনে চলন্ তারার্ জিংকানিগানি প্রমাণ গরেদে যে, জ্ঞানান্ খাটি।

প্রেরিত্‌ 18:25

প্রভুর্ পধঅ পৌইদ্যেনে তে শিক্ষ্যে পেয়্যে। তে অমকদ আওজ্ গুরিনে কধা কদঅ আর যীশু পৌইদ্যেনে গমেডালে শিক্ষ্যে দিদো, মাত্তর্ যোহনর্ বাপ্তিষ্ম বাদে আর কনঅ বাপ্তিষ্ম কধা তে কোই ন-পাত্ত।

প্রেরিত্‌ 19:3

সেক্কে পৌলে কলঅ, “সালে তুমি কন্ বাপ্তিষ্ম পেইয়ো?” তারা কলাক্, “যোহনর্ বাপ্তিষ্ম।”

রোমীয় 10:3

গোজেনে মান্‌জ্যরে কেধোক্ক্যেন্ গুরিনে নিদ্দুজি বিলি মানি লয় সে কধাগান মনযোগ্ ন-দিইনে নিজো চেট্ট্যায় তারা তার্ মানি লয়দ্যে ধোক্ক্যেন্ অবাত্তে চেইয়োন। সেনত্তে গোজেনে যেবাবোত্যেগুরি মান্‌জ্যরে নিদ্দুজি বিলি মানি লয় সিয়েন তারা ন-মানন্।

ফগদাং পেইয়্যে 15:3

তারা গোজেনর্ চাগর মোশির আর সেই ভেড়া-ছবোর্ এ গান্‌নো গাদন্: “বেগত্তুন্ খেমতাবলা প্রভু গোজেন, কত্তমান দাঙর্ আর আমক্ অবার্ তর কামানি! ও বেক্‌ জাদ্‌তুনোর্ রাজাবো, কত্তমান ন্যায় আর সত্য তঅ পধতান্!

ফগদাং পেইয়্যে 16:5

পানি উগুরে যে স্বর্গদূত্‌তোর খেমতা এলঅ মুই তারে এ কধাগান কধে শুনিলুং: “ও পবিত্র, তুই আঘচ্ আর তুই এলে। তুই ন্যায়বান, কিয়া তুই এই সাজাগানি দুয়োচ্।

বিচের গুরিয়্যেগুন 1:7

সেক্কে অদোনী-বেষকে কলঅ‌, “মুই সত্তুরজন রাজার আঢ্ আর টেঙর্‌ বুজ্যে আঙুলুন্‌ কাবি দুয়োং। তারা মঅ‌ টেবিলোর তলেত্তুন ফেলাসেলানি তোগেনেই খেদাক্‌। মুই তারা উগুরে যিয়েনি গোজ্যং গোজেনেয়ো মঅ‌ উগুরে সেধোক্কেন্‌ গুরিলো।” পরেন্দি তারা অদোনী-বেষকরে যিরূশালেমত্‌ নেযানার পরেন্দি তে সিদু মুরি গেলঅ‌।