লূকে লেখ্যে গম্ হবর্ 7:27 - Chakma Bible

²⁷ যোহনে সেই মানুচ্চো যিবে পৌইদ্যেনে পবিত্র বোইবোত্ লেগা আঘে, ‘চাহ্, মুই তঅ আগেদি মঅ হবর্ কোইয়্যেবোরে পাদাঙর্। তে তঅ আগেদি যেইনে তঅ পথ্‌তান্ যুক্কোল্ গুরিবো।’

লূকে লেখ্যে গম্ হবর্ 7:27 Iomraidhean Croise

যিশাইয় 40:3

একজনর রঅ দাঙর্ গুরি ফগদাং গরের্, “তুমি ধূল্যেচর চাগালাত্ লগেপ্রভুর পথ্‌তান ঠিগ্ গরঅ;‍‍ ধূল্যেচরত্ আমা গোজেনত্তে এক্কান পথ্ সোজা গরঅ।

মালাখি 3:1

বেগত্তুন খেমতাবলা লগেপ্রভু কত্তে, “চঅ, মুই মর্ হবর্ কোইয়্যেবোরে পাদাঙর্; তে মঅ আগেদি যেইনে পধ্‌তান যুক্কোল্ গুরিবো। সে পরেদি যে প্রভুত্তে তুমি বাজ্জেই আগঅ তে অদাদৎ তা ঘরত্ এবঅ; সুদোম কামত্ সেই দূত্‌তো, যিবেরে তুমি চর্, তে এজের্।”

মথি লেখ্যে গম্ হবর্ 11:10

যোহনে সে মানুচ্চো যিবে পৌইদ্যেনে বোইয়োত্ লেগা আঘে: চাহ্, মুই তঅ আগে মঅ হবর্ কোইয়্যেবোরে পাদাঙর্। তে তঅ আগে যেইনে তঅ পথ্‌তান যুক্কোল্ গুরিবো।

মার্ক 1:2

ভাববাদী যিশাইয় বোইয়োত্ গোজেনর্ কোইয়্যে এ কধাগান্ লেগা আঘে: চাহ্, তঅ আগেদি মুই মর্ হবর্ কোইয়্যেবোরে পাদাঙর্। তে তঅ পথ্‌তান্ যুক্কোল্ গুরিবো।

লূকে লেখ্যে গম্ হবর্ 1:76

পুয়োবো মর্, তরে দাঙর্ গোজেনর্ ভাববাদী কুয়ো অবঅ, কিয়া তুই তা পথ্‌তান্ ঠিগ্ গুরিবাত্তে তা আগে আগে আঢিবে।

লূকে লেখ্যে গম্ হবর্ 7:26

সিয়েন ন-অলে কি চেবাত্তে যেইয়ো? কনঅ ভাববাদীরে নাহি? অয়, মুই তমারে কঙর্, তে ভাববাদীত্তুন্অ বেশ্ দাঙর্।

লূকে লেখ্যে গম্ হবর্ 7:28

মুই তমারে কঙর্, মান্‌জ্য ভিদিরেত্তুন্ কনজনে যোহনত্তুন্ দাঙর্ নয়; মাত্তর্ গোজেন রেজ্য ভিদিরেত্তুন্ বেগত্তুন্ যে চিগোন্ তেয়ো যোহনত্তুন্ দাঙর্।”

যোহন 1:23

যোহনে কলঅ, “মুয়ই সেই রবুয়ো, যিবে পৌইদ্যেনে ভাববাদী যিশাইয় কোইয়্যে, ধূল্যেচর-চাগালাত্ একজন রঅ দাঙর্ গুরিনে কত্তে, তুমি প্রভুর্ পথতান্ উজু গরঅ।”