লূকে লেখ্যে গম্ হবর্ 7:22 - Chakma Bible

²² ইয়েনি বেক্কানি গুরিবার্ পরেদি যীশু যোহন শিচ্চ্যগুনোরে জোব্ দিলো, “তুমি যিয়েন্ দেগিলে আর শুনিলে সিয়েন্ যেইনে যোহনরে কঅ। তারে কঅ, কান্ মানুচ্চুনে দেগদন্, আঢুরুনে আঢদন্, ফারাঙিবলাগুনে সিজি অদন্, বহ্‌রা মানুচ্চুনে শুনোদন্, মরা মানুচ্চুনে জেই উদোদন্ আর নাঢা মানুচ্চুনো ইধু গম্ হবর্ ফগদাং গরা অর্।

লূকে লেখ্যে গম্ হবর্ 7:22 Iomraidhean Croise

ইয়োব 29:15

মুই এলুঙ্ কান্ মানুচ্চুনোর চোগ্ আর আদুরুনোর টেং।

গীতসংহিতা 146:8

লগেপ্রভু কান্ মানুচ্চুনোরে রিনি চেবার খেমতাগান দে; যিগুনে লুঙি পোজ্যন্ লগেপ্রভু তারারে তুলি ধরে; লগেপ্রভু গম্ মানুচ্চুনোরে কোচ্‌পায়।

যিশাইয় 42:16

মুই কান্ মানুচ্চুনোরে তারার হবর্ ন-পেইয়্যে পধেদি নেযেম্, যে পথ্‌তান তারা হবর্ ন-পান সে পধেদি তারারে চালেম্। তারার্ আগে আগে মুই আন্ধারানরে পহ্‌‌র গুরিম আর সং নেইয়্যে জাগানরে সং গুরি দিম্। ইয়েনি বেক্কানি মুই গুরিম, ঘেচ্চেকগুরি গুরিম।

যিশাইয় 43:8

যিগুনে চোগ্ থাগদেয়ো কান্ আর কান্ থাগদেয়ো বহ্‌‌রা তারা নিগিলি এজোদোক্।

যিরমিয় 31:8

চঅ, মুই উত্তরর্ দেজত্তুন ইস্রায়েলীয়গুনোরে আনিম আর পিত্‌থিমীর শেজ্ দুযিত্তুন তারারে তুবেম্। তারা ভিদিরে থেবাক কান্, আদুড়্, পিদিলী মা আর পুয়ো পুদোবার্ পিড়ে উঠ্যে মিলে; দাঙর্ এক্কো দল ফিরি এবঅ।‌‌‌

সফনিয় 3:12

যিগুনে লগেপ্রভু উগুরে বিশ্বেজ্ গুরিনে সেবাবোত্যে নত আর নম্র মানুচ্চুনোরে মুই তইদু বাগি রাগেম্।

মথি লেখ্যে গম্ হবর্ 11:5

তারে জানঅ, কান্ মানুচ্চুনে দেগদন্, আঢুরুনে আঢদন্, ফারাঙিবলাগুনে সিজি অদন্, বহ্‌রা মানুচ্চুনে শুনোদন্, মরা মানুচ্চুনে জেঁই উদোদন্ আর নাঢা মানুচ্চুনো ইধু গম্ হবর্ প্রচার গরা অর্।

মথি লেখ্যে গম্ হবর্ 21:14

ইয়েনর্ পরেদি কান্ আর লেং মানুচ্চুনে উবোসনা-ঘরত্ যীশু ইধু এলঅ, আর তে তারারে গম্ গুরিলো।

লূকে লেখ্যে গম্ হবর্ 4:18

“গোজেন আত্মাগান্ মঅ উগুরে আঘে, কিয়া তেয়ই মরে নেযেয়্যে যেন মুই নাঢা মানুচ্চুনো ইধু গম্ হবর্ ফগদাং গরং । তে মরে বন্দীগুনো ইধু স্বাধীনতার্ কধা, কান্ মানুচ্চুনো ইধু দেগিবার্ কধা ফগদাং গুরিবাত্তে পাধেয়্যে। যিগুনো উগুরে অত্যেচার্ অর্, তে মরে সিগুনোরে উদ্ধোর্ গুরিবাত্তে পাধেয়্যে।

লূকে লেখ্যে গম্ হবর্ 7:21

সেক্কে যীশু বোউত্ মান্‌জ্যরে পীড়েত্তুন্ আর অমকদ যন্ত্রণাত্তুন্ গম্ গুরিলো আর ভান্ন্যেই আত্মায় পেইয়্যে মানুচ্চুনোরে গম্ গুরিলো আর বোউত্ কান্ মান্‌জ্যরেয়ো দেগিবার্ খেমতা দিলো।

লূকে লেখ্যে গম্ হবর্ 7:23

আর তেয়ই বর্‌পেইয়্যে, যে মরে নিইনে মনত্ কনঅ সন্দেহ ন-গরে।”

যোহন 1:46

নথনেল ফিলিপরে কলঅ, “নাসরতত্তুন্ কি গম্ কনকিজু এই পারে?” ফিলিপ তারে কলঅ, “এইনে চাহ্।”

প্রেরিত্‌ 8:7

ভালোক্ জন ভিদিরেত্তুন্ ভান্ন্যেই আত্মাবো রঅ ছাড়িনে নিগিলি গেলঅ আর ভালোক্কুন্ বেশৎ রুগি আর লেং গম্ অলাক্।

যাকোব 2:5

মর্ কোচ্‌‌পেইয়্যে ভেইয়ুন্, শুনো। এই জগদর্ চোগেদি যিগুনে নাঢা মানুচ্, বিশ্বাজে তাগোয়্যে অবাত্যে গোজেনে কি তারারে বেঈ ন-লয়? যিগুনে গোজেনরে কোচ্‌পান সিগুনোরে তে যে রেজ্যগান দিবার্ এগেম্ গোজ্জ্যে সেই রেজ্যগানর্ অধিকারী অবাত্যে এই নাঢা মানুচ্চুনোরে কি তে বেঈ ন-লয়?