লূকে লেখ্যে গম্ হবর্ 7:21 - Chakma Bible

²¹ সেক্কে যীশু বোউত্ মান্‌জ্যরে পীড়েত্তুন্ আর অমকদ যন্ত্রণাত্তুন্ গম্ গুরিলো আর ভান্ন্যেই আত্মায় পেইয়্যে মানুচ্চুনোরে গম্ গুরিলো আর বোউত্ কান্ মান্‌জ্যরেয়ো দেগিবার্ খেমতা দিলো।

লূকে লেখ্যে গম্ হবর্ 7:21 Iomraidhean Croise

১ রাজাবলী 8:37

যুনি দেজত্‌ ভাদঅ রাত্‌ বা পিড়ের্‌ ভানা দেঘা দে, যুনি ফসল শুগে-যেইয়্যে পিড়ে বা আঙা যেয়ে পিড়ে অয়, যুনি ফসলত্‌ ফিরিং বা পুগ্-যুগ্ পড়ন্‌, যুনি শত্রুয়ে তারার্‌ কনঅ শঅর্‌ ঘিরি ফেলান্‌-যে কনঅ বাবোত্যে দজা বা পিড়ে দেঘা দিদো সাৎ,

লেবীয় 14:48

“মাত্তর্‌ সে ঘরান্‌ লিবি দেনার্‌ পরেদি ধর্মগুরুবো সিয়েন্‌ চাগি চেবাত্তে এইনে যুনি দেগেদে ফারাঙিগান ছিদিনে ন-পড়ে সালে ঘরান তে সুদ্ধো-সাংগ বিলি ফগদাঙ্‌ গুরিবো, কিত্তে সে ঘরান্‌ আর ফারাঙি-ধোজ্যে অবস্থায়্‌ নেই।

মথি লেখ্যে গম্ হবর্ 4:23

গালীল রেজ্যর্ বেক্ জাগানিত্ ঘুরি ঘুরি যিহূদীগুনোর নানান্ সমাজ-ঘরত্ যীশু শিক্ষ্যে দিয়্যে ধুরিলো। ইয়েনি বাদেয়ো তে স্বর্গ-রেজ্যর্ গম্ হবরানি ফগদাং গুরিবাত্তে আর মানুচ্চুনোর নানান্ বাবোত্যে পীড়ে গম্ গরা ধুরিলো।

মথি লেখ্যে গম্ হবর্ 4:24

গোদা সিরিয়া দেজত্ তা কধা ছিদি পড়িলো। যিদুক্কুন মান্‌জ্যে নানান্ বাবোত্যে পীড়েত্ আর অমকদ যন্ত্রনাত্ দুঘ্ পাদন্, যিগুনোরে ভান্ন্যেই আত্মায় ধোজ্যে আর যিগুনে মির্‍‍‍গি আর অবস্ রুগোত্ ভুগোদন, মানুচ্চুনে তারারে যীশু ইধু আনিলাক্। তে তারারে বেক্কুনোরে গম্ গুরিলো।‍

মার্ক 3:10

তে বোউত্ মান্‌‌‌‌জ্যরে গম্ গোজ্যে বিলি পীড়েল্যেগুনে তারে ধুরিবাত্তে ঠেলাঠিলি গত্তন্।

মার্ক 5:29

যীশুর কাবড়ান্ ধরানার্ লগে লগে তার মাসিক্ অনাগান্ বন্ধ অলঅ আর তে তার নিজো কিয়্যেগান ভিদিরে বুঝিলো তা অসুগ্‌কান গম্ ওই যেইয়্যে।

মার্ক 5:34

যীশু তারে কলঅ, “মা, তুই বিশ্বেজ্ গোজ্যস্ বিলি গম্ ওইয়োচ্। সুগে-শান্দিয়্যে যাহ্, তর্ আর এ দুঘ্‌কান ন-ওক্।”

লূকে লেখ্যে গম্ হবর্ 7:20

সেই মানুচ্চুনে যীশু ইধু এইনে কলাক্, “বাপ্তিস্মদিয়্যে যোহনে তইধু আমারে পুযোর্ গুরিবাত্তে পাধেয়্যে, যিবে এবার্ কধা আঘে তুই কি সিবে, না আমি অন্য কারত্তে বাজ্জেই থেবং? ”

ইব্রীয় 12:6

কিয়া প্রভু যিবেরে কোচ্‌পায় তারে শাসন গরে, আর পুয়ো ইজেবে যিগুনোরে মানি লয়, তারারে পত্তিজনরে তে সাজা দে।