লূকে লেখ্যে গম্ হবর্ 7:16 - Chakma Bible

¹⁶ ইয়েন্দোই বেক্কুনো মনত্ ভোক্তি আর দর্ লাগিলো। তারা গোজেনরে বাঈনী গুরিনে কুয়ো ধুরিলাক্, “আমা ইধু এক্কো দাঙর্ ভাববাদী আজির্ ওইয়্যে। গোজেনে দোয়্যে গুরিনে তা মানুচ্চুনো ইন্দি মনযোগ্ দিয়্যে।”

লূকে লেখ্যে গম্ হবর্ 7:16 Iomraidhean Croise

গীতসংহিতা 65:9

তুই পিত্‌থিমীর মাঢিগান উগুরে খিয়েল্ রাগাচ্ আর সিয়েনত্ পানি দি থাচ্; তুই তার বোলবোল্যেগান্ বোউত্ বাড়েই দে; তত্তুন্ ঝড়র ফুদোগুন লামি এজন্; তুই মান্‌জ্যরে খেত্-খেত্তি দি থাচ্- এবাবোত্যেগুরি মাঢিগান যুক্কোল্ গুরি রাগাচ্-

যাত্রা 4:31

সেক্কে মানুচ্চুনে বিশ্বেজ্ গুরিলাক্। তারা যেক্কে শুনিলাক্, লগেপ্রভু ইস্রায়েলীয়গুনোর্‌ দুখ্‌কানি দেক্ক্যে আর তারা কধানি চিদে গোজ্যে সেক্কে তারা মাদিত্‌ মাঢা নিগিরিনে লগেপ্রভুরে তারার্‌ মনর্ ভোক্তি জানেলাক্।

যিরমিয় 33:9

সেক্কে এ শঅরানে পিত্‌‌থিমীর বেক জাদ্‌তুনো মুজুঙোত্ মরে হুজি আর সর্মান গুরিবো আর বাঈনী দান গুরিবো। মুই তার যেদক্কানি ভালেদি গুরিম সে জাদ্‌তুনে সিয়েন শুনিবাক্, আর তারে দিয়্যে অমকদ ভালেদি আর সুগ্ শান্দি দেগিনে দরে গির্‌‌গিরেবাক্।

মথি লেখ্যে গম্ হবর্ 15:31

মানুচ্চুনে যেক্কে দেগিলাক্ ববা কধা কর্, আঢুড়ে গম্ অর্, লেঙ্ মান্‌জ্যে আঢাউদো গত্তন্ আর কান্ মান্‌জ্যে দেগদন্, সেক্কে তারা আমক্ অলাক্ আর ইস্রায়েলীয়গুনোর গোজেনরে বাঈনী গরা ধুরিলাক্।

মথি লেখ্যে গম্ হবর্ 21:11

মানুচ্চুনে কলাক্, “তে গালীলোর্ নাসরত্ আদামর্ ভাববাদী যীশু।”

মথি লেখ্যে গম্ হবর্ 28:8

সেই মিলেগুনে ঘেচ্চেকগুরি দোরেয়োন্, মাত্তর্ তো হুজিয়ে রাজিয়ে যাদিমাদি গোর ইত্তুন্ গেলাক্কোই আর যীশুর্ শিচ্চ্যগুনোরে এ হবরান্ দিবাত্তে ধাবা দিয়্যে ধুরিলাক্।

মথি লেখ্যে গম্ হবর্ 9:8

মানুচ্চুনে এ ঘটনাগান্ দেগিনে দোরেলাক্, আর গোজেনে মান্‌জ্যরে এমন্ খেমতা দিয়্যে বিলিনে গোজেনরে বাঈনী গরা ধুরিলাক্।

লূকে লেখ্যে গম্ হবর্ 1:65

ইয়েন্ দেগিনে পাড়াল্যেগুনে বেক্কুনে দোরেলাক্, আর যিহূদিয়ার্ বেক্ মুড়োমুড়ি চাগালার্ মানুচ্চুনে ইয়েনি পৌইদ্যেনে কুয়োকি গরা ধুরিলাক্।

লূকে লেখ্যে গম্ হবর্ 1:68

“ইস্রায়েলর প্রভু গোজেনরে নাঙ্ গিনে ওক্, কিয়া তে তার্ নিজো মানুচ্চুনো ইন্দি মনযোগ্ দিয়্যে আর তারারে উদ্ধোর্ গোজ্যে।

লূকে লেখ্যে গম্ হবর্ 19:44

তারা তরে আর তঅ ভিদিরে বেক্‌ মানুচ্চুনোরে ধুরিনে মাদিত্ আঝার্ মারিবাক্ আর এক্কো পাত্তর উগুরে আর এক্কো পাত্তর্ ন-থবাক্, কিয়া গোজেনে যে অক্তত্ তইন্দি মনযোগ্ দিয়্যে সেই সময়ান্ তুই ন-চিনোচ্।”

লূকে লেখ্যে গম্ হবর্ 2:20

স্বর্গদূত্তুনে গরগ্‌কুনো ইধু যিয়েনি কোইয়োন বেক্কানি সেবাবোত্যেগুরি দেগিনে আর শুনিনে তারা গোজেনরে নাঙ্ গিনিলাক্ আর বাঈনী গত্তে গত্তে ফিরি গেলাক্।

লূকে লেখ্যে গম্ হবর্ 24:19

যীশু তারারে কলঅ, “কি কি ঘোট্যে?” তারা কলাক্, “নাসরত্ আদামর্ যীশুরে নিইনে যিয়েনি যিয়েনি ঘোট্যে। তে ভাববাদী এলঅ। তে কামে আর কধায় গোজেনর্ আর বেক্‌ মানুচ্চুনো চোগোত্ খেমতাবলা এলঅ।

লূকে লেখ্যে গম্ হবর্ 5:26

সেক্কে বেক্কুনে অমকদ আমক্ অলাক্ আর ভোক্তিবলা দরে গোজেনরে বাঈনী গুরিনে কলাক্, “এইচ্চ্চ্যে আমি কি আমক্ অইদ্যে বেপার দেগিলোং!”

লূকে লেখ্যে গম্ হবর্ 5:8

ইয়েন্ দেগিনে শিমোন-পিতরে যীশু মুজুঙোত্ মাঢা নিগিড়ি পুড়িনে কলাক্, “প্রভু, মুই পাপী; মত্তুন্ যাগোই।”

লূকে লেখ্যে গম্ হবর্ 7:15

সেক্কে যে মুরি যেইয়্যে সে মানুচ্চো উদিনে বুজিলো আর কধা কুয়ো ধুরিলো। যীশু তারে তা মাবো ইধু ফিরেই দিলো।

লূকে লেখ্যে গম্ হবর্ 7:39

যে ফরীশীবো যীশুরে বাত্ত্যেয়্যে তে ইয়েন্ দেগিনে মনে মনে কুয়ো ধুরিলো, “যুনি এ মানুচ্চো ভাববাদী অদঅ সালে হবর্ পেদঅ, কন্না আর কি বাবোত্যে মিলে তা টেঙানি ধরের্; মিলেবো দঅ বজং।”

লূকে লেখ্যে গম্ হবর্ 8:37

সেক্কে গাদারীয়গুনো চাগালাত্ বেক্ মানুচ্চুনে যীশুরে তারাত্তুন্ যেবাত্তে কোজোলী গুরিলাক্, কিয়া তারা অমকদ দোরেয়োন্। সেক্কে যীশু ফিরি যেবাত্তে নত্ উদিলো।

লূকে লেখ্যে গম্ হবর্ 9:19

শিচ্চ্যগুনে কলাক্, “কেঅ কেঅ কন্ তুই বাপ্তিস্মদিয়্যে যোহন; কেঅ কেঅ কন্ এলিয়; আরঅ কেঅ কেঅ কন্ ভালোক্ দিন আগে এক্কো ভাববাদী জেই উঠ্যে।”

যোহন 1:21

সেক্কে তারা যোহনরে পুযোর্ গুরিলাক, “সালে কন্না? তুই কি এলিয়?” তে কলঅ, “নয়, মুই এলিয় নয়।” তারা কলাক্, “সালে তুই কি সেই ভাববাদীবো?” জোবত্ তে কলঅ, “নয়।”

যোহন 1:25

“যুনি তুই মশীহয়ো নয়, এলিয়য়ো নয় বা সেই ভাববাদীয়ো নয়, সালে কিত্ত্যে তুই বাপ্তিষ্ম দুয়োর্?”

যোহন 4:19

সেক্কে মিলেবো যীশুরে কলঅ, “মুই ইক্কিনে বুঝি পারিলুং তুই এক্কো ভাববাদী।

যোহন 6:14

যীশুর এ আমক্ কামানি দেগিনে মানুচ্চুনে কুয়ো ধল্ল্যাক্, “পিত্‌থিমীত্ যে ভাববাদীবোর্ এবার্ কধা আঘে ইবে ঘেচ্চেক্‌‌গুরি সেই ভাববাদীবো।”

যোহন 9:17

সেক্কে তারা সে মানুচ্চোরে আরঅ পুযোর্ গুরিলাক্, “তুই তা পৌইদ্যেনে কি কচ্? কিয়া তে দঅ তঅ চোগ্‌কুন্ মিলি দিয়্যে।” মানুচ্চো কলঅ, “তে এক্কো ভাববাদী।”

প্রেরিত্‌ 5:5

এ কধাগান শুনোনার্ লগে লগে অননিয় মাদিত্ পড়িনে মুরি গেলঅ। এ ঘটনাগান কধা যিগুনে শুনিলাক্ তারা বেক্কুনে অমকদ দোরেলাক্।

প্রেরিত্‌ 7:37

ইবে সেই মোশি যিবে ইস্রায়েলীয়গুনোরে কোইয়্যেদে, তমার গোজেনে তমা ইস্রায়েলীয় ভেইয়ুনো ভিদিরেত্তুন্ তমাত্তে মঅ ধোক্ক্যেন্ এক্কো ভাববাদী বানেব।

গালাতীয় 1:24

আর তারা মত্যেই গোজেনর্ বাঈনী গরা ধুরিলাক্।

দ্বি’লম্বর বিররণ 18:15

তমার গোজেন লগেপ্রভু তমার ইস্রায়েলীয় ভেইয়ুনো ভিদিরেত্তুন তমাত্তে মঅ ধোক্ক্যেন এক্কো ভাববাদী যুক্কোল্‌ গুরিবো। তার কধামঝিম তমাত্তুন চলা পুরিবো।