লূকে লেখ্যে গম্ হবর্ 6:7 - Chakma Bible

⁷ ধর্ম-মাষ্টরুনে আর ফরীশীগুনে যীশুরে দুষ্ দিবাত্তে এক্কান্ সুযোগ তগাদন্। সেনত্তে জিরেবার্ দিনোত্ তে কাররে গম্ গরে না হি সিয়েন্ চেবাত্তে তারা তা উগুরে গমেডালে খিয়েল্ গরা ধুরিলাক্।

লূকে লেখ্যে গম্ হবর্ 6:7 Iomraidhean Croise

গীতসংহিতা 38:12

মরে যিগুনে মারে ফেলেবাত্তে চান্ তারা মত্তে ফাল্ পাত্যন্; যিগুনে মরে ক্ষেতি গুরিবাত্তে চান তারা মরে ভস্ত অবার্ দর্ দেগান; পুরো দিন্নো তারা বানা মরে ঠোগেবার ফন্দি গরন্।

যিশাইয় 29:21

তারা মিজে কধালোই মান্‌জ্যরে দুষি গরন্, শঅর-গেদোত্ নিদ্দুযির তপ্পেদি থেইয়্যে মানুচ্চোরে ফালত্ ফেলান্ আর মিজে সাক্ষি দিইনে নিদ্দুযিবোরে ন্যায়বিচের্ পেবাত্তে ন-দুয়োন।

যিরমিয় 20:10

মঅ চেরোকিত্তেদি অমকদ দর্, কিত্তে মুই এ কধানি বোউত্ মানজ্যে চুবে চুবে গুরি কধে শুনোং, “তা নাঙে আবিত্তি গরঅ; আমি তা নাঙে আবিত্তি গুরিই।”‌‌‍‍ মর্ বেক সমাজ্যেগুনে ইয়েন কোইনে মুই বিজিদি যেবাত্তে বাজ্জেই আগন, “অয়ত আমি তারে ঠোগেই পারিবোং, আর সেক্কে আমি তা উগুরে জিদিবোং আর হেনা সুজিবোং।”

মথি লেখ্যে গম্ হবর্ 5:39

মাত্তর্ মুই তমারে কঙর্, তমা সমারে যে কনজনে ভান্ন্যেই বেবহার গরে তা বিরুদ্ধে কিচ্চু ন-গোজ্য; বরং যে কনজনে তঅ ডেন্ গালত্ চুয়োড়্ মারে তারে বাঙ্‌অ গালানত্অ চুয়োড়্ মারিবাত্তে দিস্।

লূকে লেখ্যে গম্ হবর্ 13:14

যীশু জিরেবার্ দিনোত্ গম্ গোজ্যে বিলি সমাজ-ঘর নেতাবো তোচ্চ্যে পেইনে মানুচ্চুনোরে কলঅ, “কাম্ গুরিবাত্যে দঅ ছয় দিন আঘে। সেনত্তে জিরেবার্ দিনোত্ ন-এইনে সেই ছয় দিনো ভিদিরে এইনে গম্ অ।”

লূকে লেখ্যে গম্ হবর্ 20:20

সেনত্যে তারা যীশুরে চোগে চোগে রাগেলাক্ আর এস্পাই পাধেই দিলাক্। যীশুরে তার্ নিজো কধা ফালত্ ফেলেবাত্যে সেই এস্পাইয়ুনে গম্ মান্‌‌‌‌জ্যর ভান্ গরা ধল্ল্যাক্, যেন তারা তারে আঝল্ শাসনগুরিয়্যেবোর্ বিচেরত্ ফেলেই পারন্।

যোহন 9:16

সেক্কে ফরীশীগুনোত্তুন্ কয়েকজনে কলাক্, “সে মানুচ্চো গোজেনত্তুন্ ন-এজে, কিয়া তে জিরেবার্ দিন ন-পালায়।” অন্য ফরীশীগুনে কলাক্, “যে মানুচ্চো পাপী তে কেধোক্ক্যেন্ গুরি এবাবোত্যে আমক্ অইদে কাম্ গুরি পারে?” এবাবোত্যেগুরি তারা ভিদিরে কধার্ অমিল্ দেগা দিলো।