লূকে লেখ্যে গম্ হবর্ 6:42 - Chakma Bible

⁴² তঅ নিজো চোগোত্ যে পেজাগান্ আঘে সিয়েন যেক্কে খিয়েল্ ন-গরর্ সেক্কে কেধোক্ক্যেন্ গুরি তঅ ভেইবোরে কোই পারচ্, ভেই, তঅ চোগোত্ যে পেজাগান্ আঘে, আয়, সিয়েন নিগিলেই দুয়োং? ফক্কর্, পত্তমে তঅ নিজো চোগোত্তুন্ পেজাগান্ নিগিলেই ফেলা, সালে তঅ ভেইয়ো চোগোত্ যে পেজাগান্ আঘে সিয়েন নিগিলেবাত্তে গমেডালে দেগিবে।

লূকে লেখ্যে গম্ হবর্ 6:42 Iomraidhean Croise

গম্ উপদেজ্ 18:17

মগদ্দমা চলিবার অক্তত্ যে পত্তমে নিজোর তপ্পেদি কধা কয় তা কধাগান সত্য বিলিনে মনে অয়, যেদক্কন সং আর এক্কো এইনে তারে পুযোর্ ন-গরে।

মথি লেখ্যে গম্ হবর্ 26:75

যীশু যিয়েনি কোইয়্যে সিয়েনি পিতরর্ মনত্ পড়িলো, “রাধাকুড়ো ডাগ্ কারিবার আগেদি তুই তিন পল্লা কবে, তুই মরে ন-চিনোস্।” সেক্কে পিতরে বারেদি যেইনে জদবদে কানা ধুরিলো।

মথি লেখ্যে গম্ হবর্ 7:3

তঅ ভেইয়ো চোগোত্ যে ফেজাগান্ আঘে বানা সিয়েনই দেগর্, অদচ তঅ নিজো চোগো ভিদিরে যে ফেজাগান্ আঘে সিয়েন রিনি ন-চর্ কিত্তে?

মথি লেখ্যে গম্ হবর্ 7:4

যেক্কে তঅ নিজো চোগো ফেজাগান্ আঘে সেক্কে কেধোক্ক্যেন্ সাহস গুরি তঅ ভেইবোরে এ কধাগান কর্, ফোক্কোজ্যে! আয়, তঅ চোগোত্তুন্ ফেজাগান্ নিগিলেই দুয়োং?

লূকে লেখ্যে গম্ হবর্ 13:15

সেক্কে প্রভু যীশু সেই নেতাগুনোরে কলঅ, তুমি ফক্কর্! জিরেবার্ দিনোত্ তুমি বেক্কুনে কি তমার্ বলদ্ গোরু বা গাধাবোরে গোরু ঘরত্তুন্ খুলিনে পানি খাবেবাত্যে লোই ন-যঅ?

লূকে লেখ্যে গম্ হবর্ 22:32

মাত্তর্ মুই তত্যে তবনা গোজ্যং যেন তঅ বিশ্বেজত্ ভাঙন্ ন-ধরে। তুই যেক্কে মইধু ফিরি এবে সেক্কে তর্ এই ভেইয়ুনোরে খেমতাবলা গুরি তুল্।”

লূকে লেখ্যে গম্ হবর্ 6:41

তর্ ভেইয়ো চোগোত্ যে পেজা আঘে সিয়েন বানা দেগর্, অদচ তঅ নিজো চোগোত্ যে পেজা আঘে সিয়েন ন-দেগর্ কিত্তে?

লূকে লেখ্যে গম্ হবর্ 6:43

গম্ গাজত্ বজং গুলোগুলি ন-ধরন্, আরঅ বজং গাজত্অ গম্ গুলোগুলি ন-ধরন্।

প্রেরিত্‌ 13:10

“তুই শদানর্ পুয়ো আর যিয়েনি গম্ সিয়েনির শত্রু। তঅ ভিদিরে নানান্ বাবোত্যে ছলনা আর থগামি রোইয়্যে। প্রভুর উজু পধ্‌‌তানরে বেঙা গুরিবার কামান্ কি তুই কনঅ দিনঅ ন-থামেবে?

প্রেরিত্‌ 2:38

জোবত্ পিতরে কলঅ, “তুমি বেক্কুনে পাপর্ ক্ষেমা পেবাত্যে পাপত্তুন্ মনানি ফিরো আর যীশু খ্রীষ্টর্ নাঙে বাপ্তিষ্ম লঅ। তুমি দান ইজেবে পবিত্র আত্মারে পেবা।

প্রেরিত্‌ 8:21

আমা এ কামত্ তর্ কনঅ ভাগ বা অধিকার নেই, কিয়া গোজেনর্ চোগেদি তঅ মনান্ ঠিগ্ নয়।

রোমীয় 2:1

কেঅ যুনি ইয়েন্দোই অন্যগুনোরে দুষ্ দুয়োন সালে মুই তারে কোম্, তর্ নিজো অজুহাত্তান্ কুধু? তুই যেক্কে অন্যগুনোরে দুষ্ দুয়োচ্ সেক্কে কি তুই নিজোরে দুষি বিলিনে প্রমাণ্ ন-গরচ্? তুই অন্যগুনোরে দুষ্ দুয়োচ্ অদচ তুই সেই একই কাম্ গুরি থাচ্।

২ করিন্হীয় 5:18

ইয়েনি বেক্কানি গোজেনত্তুন্ অয়। তে খ্রীষ্টর্ মাধ্যমে তার্ নিজো সমারে আমারে এগত্তর্ গোজ্জ্যে, আর তা সমারে অন্যগুনোরে মিলেই দিবার্ কামান্ আমা উগুরে দিয়্যে।

২ তীমথিয় 2:21

যিগুনে এবাবোত্যে নিচু কামর বাজোন ধোক্ক্যেন, তারাত্তুন্ সুরি এইনে যুনি কেঅ নিজোরে সিজি গরে সালে তে এমন্‌ বাজোন ধোক্ক্যেন অবঅ যিবেরে সর্মানর কামত্ বেবহার গরা অয়। পবিত্র উদ্দেচ্যে তারে যুদো গুরি থুয়ো অবঅ, তে প্রভুর কামত্ লাগিবো আর নানান্ বাবোত্যে গম কাম গুরিবাত্যে তে যুক্কোল্ থেবঅ।

২ পিতর 1:9

যে মানুচ্চো ভিদিরে এই গুণানি নেই তে বেচ্‌ দূরোত্ ন-দেগিবো, তে কান্। তারে যে তার্ আগ পাপত্তুন্ সিজি গরা ওইয়্যে সিয়েন তে ভুলি যেইয়্যে।