লূকে লেখ্যে গম্ হবর্ 6:18 - Chakma Bible

¹⁸ তারা তা কধানি শুনিবাত্তে আর পীড়েত্তুন্ গম্ অবাত্তে সিয়েনত্ এচ্চ্যন্। যিগুনে বজং আত্মালোই দুঘ্ পাদন্ তারা গম্ অদন্।

লূকে লেখ্যে গম্ হবর্ 6:18 Iomraidhean Croise

মথি লেখ্যে গম্ হবর্ 15:22

সিদুগোর্ এক্কো কনানীয় মিলে এইনে রঅ ছাড়িনে কুয়ো ধুরিলো, “ও প্রভু, দায়ূদোর্ গুট্টি, মরে দোয়্যে গর্। ভান্ন্যেই আত্মায় পেইনে মঅ ঝিবো অমকদ দুঘ্ পার্।”

মথি লেখ্যে গম্ হবর্ 17:15

“প্রভু, মঅ পুয়োবো উগুরে দোয়্যে গর্! তে কেরেঙা রুগে অমকদ দুঘ্ পার্। প্রায়ই তে আগুনোত্ আর পানিত্ পড়ি যায়।

লূকে লেখ্যে গম্ হবর্ 6:17

যীশু তা শিচ্চ্যগুন্ সমারে লোইনে মুড়োত্তুন্ লামিনে এক্কান্ সং জাগাত্ যেইনে থিয়্যেল। সিয়েনত্ তার ভালোক্কুন্ শিচ্চ্য এগত্তর্ ওইয়োন্। ইগুন বাদেয়ো যিহূদিয়াত্তুন্, যিরূশালেমত্তুন্ আর সোর আহ্ সীদোন নাঙে সাগর পারর্ দ্বিয়েন্ শঅর চাগালাত্তুন্অ বোউত্ মানুচ্ সিয়েনত্ এলাক্।

লূকে লেখ্যে গম্ হবর্ 6:19

সেক্কে বেক্ মানুচ্চুনে যীশু কিয়্যেগানত্ বাঁজিবার্ চেষ্টা গরা ধুরিলাক্, কিত্যে তা ভিদিরেত্তুন্ খেমতা নিগিলিনে বেক্কুনোরে গম্ গুরিলো ।

প্রেরিত্‌ 5:16

যিরূশালেম কায়কুরে আদামত্তুন্ বোউত্ মান্‌জ্যে তারার্ পিড়েল্ল্যেগুনোরে আর ভান্ন্যেই আত্মা আদত্ দুঘ্-পেইয়্যে মানুচ্চুনোরে আনিনে ভিড় গরা ধুরিলাক্, আর তারা বেক্কুনে গম্ অলাক্।