লূকে লেখ্যে গম্ হবর্ 6:12 - Chakma Bible

¹² ইয়েনর্ পরেদি যীশু তবনা গুরিবাত্তে এক্কো মুড়োত্ গেলঅ আর গোদা রেত্তো গোজেন ইধু তবনা গুরিনে কাদেল।

লূকে লেখ্যে গম্ হবর্ 6:12 Iomraidhean Croise

গীতসংহিতা 22:2

ও মর্ গোজেন, দিনোত্ মুই তরে ডাগং, মাত্তর্ তুই জোব্ ন-দুয়োচ্; রেদোত্‌অ মুই জুরো গুরি ন-থাং।

যিশাইয় 26:9

রেদোত্ মঅ পরাণানে তত্তেই কানের্; মঅ আত্মাগানে তত্তেই ওলোমোত্য অয়। পিত্‌‌থিমীত তর্ ন্যায়বিচেরান্ এলে পরেদি সংসার মানুচ্চুনে গম্ শিক্ষ্যে পেবাক্।

দানিয়েল 6:10

উগুমানত্ দস্তক্ দিয়্যে ওইয়্যে শুনিনে দানিয়েলে তা ঘরানর্ উগুরে তলা ঘরত্ গেলঅ; সেই ঘরানর্ জানালাগানি যিরূশালেম ইন্দি খুলো এলঅ। তে নিজোর অভ্যেস্ মজিম দিনে তিনবার আঢু পাড়ি তবনা গুরিনেই তার গোজেনরে ভালেদি জানেল।

মথি লেখ্যে গম্ হবর্ 5:1

যীশু ভালোক্কুন্ মানুচ্ দেগিনে মুড়ো উগুরে উদিলো। তে বজানার্ পরেদি তা শিচ্চ্যগুনে তাইধু এলাক্।

মথি লেখ্যে গম্ হবর্ 6:6

মাত্তর্ তুই যেক্কে তবনা গরচ্ সেক্কে ঘর ভিদিরে যেইনে দোরান্ বানিবে আর তঅ বাপ্পো, যিবেরে দেগা ন-গেলেয়ো মুজুঙোত্ আঘে, তাইধু তবনা গর্। তঅ বাপ্পো, যিবে গুমুরোত্ বেক্কানি দেগে, তেয়ই তরে বক্‌শিজ্ দিবো।

মার্ক 1:35

তার কেল্যে বেন্যেপোত্যে আন্ধার্ থাগদে যীশু উদিলো আর ঘরত্তুন্ নিগিলিনে এক্কান্ নিরিবিলি জাগাত্ যেইনে তবনা গরা ধুরিলো।

মার্ক 3:13

ইয়েনর্ পরেদি যীশু মুড়ো উগুরে উদিলো আর নিজোর আওজ্ মজিম্ কিজু মান্‌‌জ্যরে তাইধু ডাগি নেযেল। তারা যীশু ইধু এযানার্ পরেদি তে বারজনরে অভিষেক্ গুরিনে নেযেল যেন তারা তা সমারে সমারে থান্ আর ভুদ্ ধাবেবার্ ক্ষেমতালোই তে তারারে প্রচার-কামত্ পাধেই পারে।

মার্ক 6:46

মানুচ্চুনোরে বিদেই দিইনে পরেদি তে তবনা গুরিবাত্তে মুড়ো উগুরে উদি গেলঅ।

লূকে লেখ্যে গম্ হবর্ 5:16

যীশু পেরায় মানুচ্ জন নেইয়্যে জাগাত্ যেইনে তবনা গুরিদো।

লূকে লেখ্যে গম্ হবর্ 6:11

সেক্কে তারা অমকদ রাগ্ গুরিলাক্ আর যীশুরে নিইনে কি গরা যায় সিয়েন্ নিজো ভিদিরে কুয়ো-কি গরা ধুরিলাক্।

লূকে লেখ্যে গম্ হবর্ 6:17

যীশু তা শিচ্চ্যগুন্ সমারে লোইনে মুড়োত্তুন্ লামিনে এক্কান্ সং জাগাত্ যেইনে থিয়্যেল। সিয়েনত্ তার ভালোক্কুন্ শিচ্চ্য এগত্তর্ ওইয়োন্। ইগুন বাদেয়ো যিহূদিয়াত্তুন্, যিরূশালেমত্তুন্ আর সোর আহ্ সীদোন নাঙে সাগর পারর্ দ্বিয়েন্ শঅর চাগালাত্তুন্অ বোউত্ মানুচ্ সিয়েনত্ এলাক্।

লূকে লেখ্যে গম্ হবর্ 9:18

একদিন্যে যীশু এক্কান্ নিরিবিলি জাগাত্ গায় গায় তবনা গরের্। তা সমারে বানা তা শিচ্চ্যগুনে এলাক্। তে তারারে পুযোর্ গুরিলো, “মুই কন্না, এ পৌইদ্যেনে মানুচ্চুনে কি কন্?”

লূকে লেখ্যে গম্ হবর্ 9:28

এই বেক্ কধানি কনার্ এক সাপ্তা পরেদি যীশু তবনা গুরিবাত্তে পিতর, যোহন আর যাকোবরে লোইনে এক্কো মুড়োত্ গেলঅ।

লূকে লেখ্যে গম্ হবর্ 9:29

তবনা গুরিবার্ অক্তত্ যীশুর মুয়ো চেঙারাগান্ বুদুলী গেলঅ আর তা কাবড়-চুগোড়ানি অমকদ ধুব্ ওই গেলঅ,

যোহন 6:3

যীশু তা শিচ্চ্যগুনোরে লোইনে এক্কো মুড়ো উগুরে উদিনে বলঅ।

কলসীয় 4:2

তুমি কৃতজ্ঞ আর সজাগ্ ওইনে তবনা গুরিনে নিজোরে কামত্ রাগেয়ো;

ইব্রীয় 5:7

যিবে তারে মরণ আদত্তুন রোক্ষ্যে গুরি পারিদো সেই গোজেন ইধু যীশু এ জগদত্ থেবার অক্তত্ জোরে রঅ ছাড়িনে কানি কানি কোজোলী গোজ্জ্যে আর ভিক্ষ্যে মাক্যে। তার্ ভোক্তিগান সমারে বাধ্যতা এলঅ বিলিনে গোজেনে তার্ তবনাগান শুন্ন্যে।

১ শমূয়েল 15:11

“শৌলরে রাজা বানানা মর্‌ দুঘোর্ বেপার্ ওইয়্যে, কিত্যে তে মত্তুন্‌ সুরি যেয়েগোই আর মর্‌ উগুমান অমান্য গোজ্যে।” এই কধাগান শুনিনে শমুয়েলে তাদি উদিলো আর পুরো রেত্তো তে লগেপ্রভুর ইদু কানাকুদি গরা ধুরিলো।