লূকে লেখ্যে গম্ হবর্ 5:21 - Chakma Bible

²¹ ইয়েন্দোই ধর্ম-মাষ্টর আর ফরীশীগুনে মনে মনে কুয়ো ধুরিলাক্, “এ মানুচ্চো কন্না, যে গোজেনরে অগমান্ গরের্? গোজেনে বাদে আর কন্না পাপ খেমা গুরি পারে?”

লূকে লেখ্যে গম্ হবর্ 5:21 Iomraidhean Croise

গীতসংহিতা 103:3

তর্ বেক পাপ্পানি তে খেমা গরে; তে তর্ বেক পিড়েগানি গম্ গুরি পারে।

গীতসংহিতা 130:4

মাত্তর্ তইদু খেমা জিনিস্‌ছান আঘে, যেন মান্‌জ্যে তরে ভোক্তি গরন্।

গীতসংহিতা 32:5

সেক্কেনে মঅ পাপ্পান্ মুই তইদু স্বীগের্ গুরিলুং, মঅ অন্যেয়ান্ মুই আর্ ঢাগি ন-রাগেলুং। মুই কোইয়োংগে, “মর্ উল্লোমির কধা মুই লগেপ্রভু ইদু স্বীগের্ গুরিম।” সেনত্তে পাপর্ কারনে মঅ দুষ্‌ছানি তুই খেমা গুরি দিলে।

গীতসংহিতা 35:5

তারা বোইয়্যের মুয়োত্ তুজো ধোক্ক্যেন্ উড়ি যাদোক্; অয়, লগেপ্রভুর দূত্‌তো তারারে ধাবেই দুয়োক্।

যিশাইয় 1:18

লগেপ্রভু আরঅ কোইয়্যেদে, “ইক্কিনে এজঅ, আমি বুঝোপাড়া গুরিই। যুনিয়ো তমার্ বেক্ পাপ্পানি দোক্ দোক্ক্যে রাঙা ওইয়্যে তো সিয়েনি বরফ ধোক্ক্যেন ধুব্ অবঅ; যুনিয়ো সিয়েনি রাঙা রঙর্ ওইয়্যে তো সিয়েনি ভেড়া কেশ ধোক্ক্যেন্ ধুব্ অবঅ।

যিশাইয় 43:25

“মুই, মুয়ই মর্ নিজোত্তে তঅ অন্যেয়ানি ফুজি ফেলাং; মুই তঅ পাপ্‌‌‌‍পানি আর ইদোত্ ন-তুলিম।‍

যিশাইয় 44:22

মেঘ ধোক্ক্যেন গুরি তর্ বেক অন্যেয়ানি আর বেন্যে মাঢান্ কুয়ো ধোক্ক্যেন গুরি তর্ বেক পাব্‌‍পানি মুই দূর্ গুরি দুয়োং। তুই মইদু ফিরি আয়, কিত্তে মুয়ই তরে উদ্ধোর্ গোজ্যং।” ‍‍

দানিয়েল 9:19

ও প্রভু, শুন। ও প্রভু, খেমা গর্। ও প্রভু, মনযোগ দে, কিজু গর্। ও মর্ গোজেন, তর্ সুনাঙান্ রোক্ষ্যে গুরিবাত্তে আর দেরি ন-গুরিচ্, কিত্যে তর্ শঅরান আর তঅ মানুচ্চুন তঅ নাঙেই চিনেজানা।”

দানিয়েল 9:9

আমা প্রভু গোজেন দোয়্যেলু আর খেমাবলা, যুনিয়ো আমি তঅ বিরুদ্ধে উল্লোমী গোজ্যেই।

লেবীয় 24:16

ভান্ন্যেই নাঙে যে লগেপ্রভুর নাঙ্‌ নিবো তারে মারে ফেলা অবঅ। ইস্রায়েলীয়গুনে তারে পাত্তর মেলা দিইনে মারে ফেলেবাক্। ইস্রায়েলীয় ওক্‌ বা তারা ভিদিরে বজত্তি গোজ্যে অন্য জাদর মানুজোই ওক্‌, যে কনজনে ভান্ন্যেই নাঙে লগেপ্রভুর নাঙান্‌ নিবাক্‌ তারে মারে ফেলা অবঅ।

মীখা 7:19

তুই আরঅ আমা উগুরে মেয়্যে গুরিবে; তুই আমা বেক্ পাপ্‌পানি টেঙোই উড়িবে আর আমা বেক্ অন্যেয়ানি সাগর গভীন পানিত্ ফেলেই দিবে।

মথি লেখ্যে গম্ হবর্ 26:65

সেক্কে দাঙর্ ধর্মগুরুবো তা কাবড়ান্ ফাদি ফেলেইনে কলঅ, ইবে গোজেনরে অগমান্ গুরিলো। আমাত্তুন্ আরঅ বেশ্ সাক্ষীর দরকার্ নেই? ইক্কিনে দঅ তুমি শুনিলা, তে গোজেনরে অগমান্ গোজ্জ্যে।

মথি লেখ্যে গম্ হবর্ 9:3

ইয়েন্দোই কয়েক্কো ধর্ম-মাষ্টরে মনে মনে কুয়ো ধুরিলাক্, “এ মানুচ্চো গোজেনরে অগমান্ গরের্।”

লূকে লেখ্যে গম্ হবর্ 3:8

তুমি যে পাপত্তুন্ মনানি ফিরেয়ো সিয়েনির্ যগাজ্যে ফল্ তমা জিংকানিত্ দেগঅ। নিজে মনে ন-গোজ্য যে, তুমি অব্রাহাম গুট্টির্ মানুচ্। মুই তমারে কঙর্, এ পাত্তরুনোত্তুন্ গোজেনে অব্রাহামর গুট্টি বানেই পারে।

লূকে লেখ্যে গম্ হবর্ 5:17

একদিন্ন্যে যীশু যেক্কে শিক্ষ্যে দের্ সেক্কে ফরীশীগুনে আর ধর্ম-মাষ্টরুনে সিয়েনত্ বুয়োই এলাক্। গালীল রেজ্যর্ নানান্ আদামত্ আর যিহূদিয়া রেজ্যত্ আহ্ যিরূশালেম শঅরত্তুন্ ইগুনে এচ্চ্যন্। পীড়েল্যেগুনোরে গম্ গুরিবাত্তে প্রভুর খেমতাগান্ যীশু ভিদিরে এলঅ।

লূকে লেখ্যে গম্ হবর্ 5:22

তারা মনে মনে কি চিন্তে গত্তন্ যীশু সিয়েন্ বুঝি পারিনে কলঅ, “তুমি মনে মনে কিত্তে সে কধাগান্ ভাবর্?

লূকে লেখ্যে গম্ হবর্ 7:49

যিগুনে যীশু লগে হেবাত্তে বোচ্চ্যন্ তারা মনে মনে কুয়ো ধুরিলাক্, “ইবে কন্না, যে পাপ্অ খেমা গরে?”

যোহন 10:33

নেতাগুনে জোবত্ কলাক্, “গম্ কামত্যে আমি তরে পাত্তর্ ন-মারিই, মাত্তর্ তুই গোজেন বিরুদ্ধে অগমান কধা কর্ ক্যেনে মারিই। মানুচ্‌ ওইনেয়ো তুই নিজোরে গোজেন বিলিনে দাবী গরর্।”

রোমীয় 8:33

গোজেনে যিগুনোরে বেঈ লোইয়্যে কন্না তারা বিরুদ্ধে নালিচ্‌ গুরিবো? গোজেনে নিজেই দঅ তারারে নিদ্দুজি বিলিনে মানি লোইয়্যে।