লূকে লেখ্যে গম্ হবর্ 5:14 - Chakma Bible

¹⁴ যীশু তারে এ উগুমান্ দিলো, “এ কধাগান্ কাররে ন-কোচ্ বরং ধর্মগুরুগুনো ইদু যেইনে নিজোরে দেগা। সে পরেদি সিজি অনা পৌইদ্যেনে মোশি যিয়েনি উৎসর্ব গুরিবার্ উগুম্ দিয়্যে সিয়েনি উগুম্ গর্। সেক্কে মানুচ্চুনো ইদু প্রমাণ অবদে তুই গম্ ওই যেইয়োচ্।”

লূকে লেখ্যে গম্ হবর্ 5:14 Iomraidhean Croise

লেবীয় 13:2

যুনি কনজনর্‌ কিয়্যের্ চামাড়াত্‌ কনঅ জাগাত্ ফুলি উদে বা ফজা দেগা যায় বা কয়েক্কান্‌ জাগাত্‌ জোল্‌-জোল্যে বিলি মনে অয় যিয়েন পরেদি কনঅ বজং চামাড়ারুগ্‌ ওই পারে, সালে তাত্তুন ধর্মগুরু হারোণ অথবা তার্‌ পূঅগুনো ইদু, অত্তাৎ ধর্মগুরুগুনোর্ যে কনঅ ইদু নেযা পুরিবো।

লেবীয় 13:49

আর সে জাগায়ান্‌ চাদে যুনি কিজু য়েল্‌ অথবা রাঙা অয় সালে বুঝো পড়িবোদে সিয়েন্‌ এক বাবোত্যে ক্ষয়-গোজ্যে ফারাঙি রুগ। সিয়েন সেক্কে ধর্মগুরুবোরে দেগা পড়িবো।

মথি লেখ্যে গম্ হবর্ 10:18

মত্তেই শাসনগুরিয়্যে আর রাজাগুনো মুজুঙোত্ তমারে নেযা অবঅ যেন তারা ইধু আর অযিহূদীগুনো ইধু তুমি স্বাক্ষি দি পারঅ।

মথি লেখ্যে গম্ হবর্ 12:16

তারা ভিদিরে যিগুনে অসুগ্ এলাক্ তে তারারে বেক্কুনোরে গম্ গুরিলো আর উজিয়ার্ গুরি দিলো যেন তা পৌইদ্যেনে তারা কুয়োকি ন-গরন্।

মথি লেখ্যে গম্ হবর্ 8:4

যীশু তারে কলঅ, “শুন, কাররে এ কধাগান ন-কোচ্, বরং ধর্মগুরুগুনো ইধু যেইনে নিজোরে দেগা, আর মোশি যিয়েন্ উগুম গোজ্যে সেবাবোত্যে দান উৎসর্ব গর্। ইয়েন্দোই মানুচ্চুনো ইধু প্রমাণ অবঅ তুই গম্ ওইয়োচ্।”

মথি লেখ্যে গম্ হবর্ 9:30

আর তারার্ চোগ্‌কুন মিলি গেলঅ। যীশু অমকদ কড়াগুরিনে তারারে কলঅ,

মার্ক 1:44

“চেইজ্, এ কধাগান কাররে ন-কোজ্। তুই বরং ধর্মগুরুগুনো ইধু যেইনে নিজোরে দেগাগোই আর সিজি অবাত্যে মোশি যে উৎসর্বর উগুমানি দিয়্যে সিয়েনি উৎসর্ব গর্। ইয়েনিলোই ধর্মগুরুগুনো ইধু প্রমাণ অবঅ যে, তুই গম্ ওইয়োচ্।”

মার্ক 6:11

কনঅ জাগার্ মানুচ্ যুনি তমারে মানি ন-লন্ বা তমা কধা ন-শুনোন্, সালে সে জাগায়ান্ ফেলে যেবার অক্তত্ তমা টেঙর্ ধূল্যেগানি ঝাড়ি ফেলেয়ো যেন সিয়েনই তারা বিরুদ্ধে সাক্ষি অয়।”

লূকে লেখ্যে গম্ হবর্ 17:14

সেই পীড়েল্যেগুনোরে দেগিনে যীশু কলঅ, “ধর্মগুরুগুনো ইধু যেইনে নিজোরে দেগা।” তারা পধেদি যাদে যাদে গম্ ওই গেলাক্।

লূকে লেখ্যে গম্ হবর্ 5:13

যীশু আঢ্ বাড়েইনে তারে ধুরিনে কলঅ, “মুই সিয়েনই চাং, তুই সিজি অ।” আর সেক্কেনে তে গম্ ওই গেলঅ।

লূকে লেখ্যে গম্ হবর্ 9:5

যুনি মান্‌জ্যে তমারে মানি ন-লন্ সালে তারা আদামান্ ফেলে যেবার্ অক্তত্ তমা টেঙর্ ধূল্যেগানি ঝাড়ি ফেলঅ, যেন সিয়েন্ তারার্ বিরুদ্ধে সাক্ষ্য ওই থায়।”