লূকে লেখ্যে গম্ হবর্ 4:8 - Chakma Bible

⁸ যীশু তারে জোব্ দিলো, “পবিত্র বোইবোত্ লেগা আঘে, ‘তুই তর্ প্রভু গোজেনরে ভোক্তি গুরিবে, বানা তারে সেবা গুরিবে।’ ”

লূকে লেখ্যে গম্ হবর্ 4:8 Iomraidhean Croise

২ রাজাবলী 19:15

হিষ্কিয় লগেপ্রভু ইদু এ তবনাগান্‌ গুরিলো, “দ্বিবে করূবো সংমধ্যে থেইয়্যে ও ইস্রায়েলর গোজেন লগেপ্রভু, তুই, বানা তুয়ই পিত্‌থিমীর্‌ বেক্‌ রেজ্যগানির্‌ গোজেন। তুই দাঙর্‌ আগাজ্‌ আর পিত্‌থিমীগান বানেয়োচ্।

গীতসংহিতা 83:18

তারা যেন হবর্ পান, তঅ নাঙান লগেপ্রভু, অয়, বানা তুয়ই গোদা দুনিয়াগানর দাঙর্ গোজেন।

যিশাইয় 2:11

বাড়্‌বো গোজ্যে মান্‌জ্যর রিনি চানাগান্ তলে গরা অবঅ আর বার্‌বোগান্ তলে লামা অবঅ। সেদিন্যে বানা লগেপ্রভুরে সর্মান গরা অবঅ।

মথি লেখ্যে গম্ হবর্ 16:23

যীশু ফিরিনে পিতররে কলঅ, “মঅ কায়-কুরেত্তুন দূর অ, শদান্। তুই মর্ পথ্তানর্ কাদা। যিয়েন গোজেনর্ সিয়েন তুই ন-ভাবর্ মাত্তর্ যিয়েন মান্‌জ্যর্ সিয়েন ভাবর্।”

মথি লেখ্যে গম্ হবর্ 4:10

সেক্কে যীশু তারে কলঅ, “দূর্ অ, শদান্। পবিত্র বোইবোত্ লেগা আঘে, তুই তর্ প্রভু গোজেনরে ভোক্তি গুরিবে, বানা তারে সেবা গুরিবে।”

লূকে লেখ্যে গম্ হবর্ 4:4

যীশু শদানরে কলঅ, “পবিত্র বোইয়োত্ লেগা আঘে, ‘মানুচ্ বানা রুটিলোই ন-বাজন্।’ ”

লূকে লেখ্যে গম্ হবর্ 4:7

ইক্কিনে তুই যুনি মরে জু জু দিইনে তর্ প্রভু বিলি স্বিগের্ গরচ্ সালে এই বেক্কানি তর্ অবঅ।”

দ্বি’লম্বর বিররণ 10:20

তুমি তমার্‌ গোজেন লগেপ্রভুরে ভোক্তি গুরিবা আর তারে সেবা গুরিবা; তারেই আজাবোদে ধুরি থেবা আর তার্‌ নাঙেই শমক্‌ গুরিবা।

দ্বি’লম্বর বিররণ 6:13

তমার গোজেন লগেপ্রভুরে তুমি ভোক্তি গুরিবা, বানা তারেই সেবা গুরিবা আর তার্‌ নাঙেই শমক্‌ গুরিবা।

যাকোব 4:7

ইয়েনত্যে গোজেনর্ অধীনোত্ থাগঅ। শদান বিরুদ্ধে দরমর গুরি থাগঅ, সালে তে তমাত্তুন্ ধেই যেবঅ।

১ পিতর 5:9

বিশ্বেজে থির্ থেইনে শদানরে আক্‌সো, কিয়া তুমি দঅ হবর্ পঅ, গোদা পিত্‌থিমীত তমা বিশ্বেজি ভেইয়ুনে একই বাবোত্যে দুঘোত্ ভুগোদন্।

ফগদাং পেইয়্যে 19:10

সেক্কে মুই সেই স্বর্গদূত্‌তোর টেঙ ইধু মাঢা নিগুরিনে তারে গোজেনর্ সর্মান দিইনে সালাম গুরিলুং। মাত্তর্ তে মরে কলঅ, “ইয়েন কি গরর্? মুই তর্ সমাজ্জ্যে চাগর্। গোজেনরে সালাম গর্। তর্ বিশ্বেজি ভেইয়ুন, যিগুনে যীশুর্ শিক্ষ্যে ধুরি থান্, মুই তারাত্তুন্ একজন। যিশুর্ শিক্ষ্যেগান অলদে ভাববাদীগুনোর শিক্ষ্যের্ আজল্ কধা।”

ফগদাং পেইয়্যে 22:9

মাত্তর্ তে মরে কলঅ, “থামা মুই তর্ আর তঅ বিশ্বেজি ভেইয়ুনোর, অত্তাৎ ভাববাদীগুনোর্ আর যিগুনে এ বোইবোর্ বেক কধানি পালান্ তারার্ চাগর সমাজ্যে। গোজেনরে সালাম গর্।”

১ শমূয়েল 7:3

সেক্কে শমূয়েলে বেক্‌ ইস্রায়েলীয়গুনোরে কলঅ, “যুনি তুমি তমার বেক্‌ মনান্দোই আরঅ লগেপ্রভুর ইদু ফিরি এবাত্তে চঅ, সালে তমা ভিদিরেত্তুন অন্য জাদ্‌তুনোর্ দেব-দেবেদা আর অষ্টারোৎ দেবেদার মূত্তিগুন সোরেই দুয়ো আর লগেপ্রভুর ইন্দি নিজোর মনান্‌ ঠিগ্ গুরিনে বানা তারে সেবা গরঅ। সালে তে পলেষ্টীয়গুনোর আঢত্তুন তমারে উদ্ধোর গুরিবো।”