লূকে লেখ্যে গম্ হবর্ 4:42 - Chakma Bible

⁴² বেন্যেমাদান্ যীশু সে জাগায়ান্ ফেলেইনে এক্কান মানুচ্ জন নেইয়্যে জাগাত্ গেলঅ। মানুচ্চুনে তারে তগাদে তগাদে তাইধু গেলাক্ আর যাতে তে তারাত্তুন্ ন-যায় সেনত্তে তারে তারা ইধু ধুরি রাগেবাত্তে চেষ্টা গুরিলাক্।

লূকে লেখ্যে গম্ হবর্ 4:42 Iomraidhean Croise

মার্ক 1:45

মাত্তর্ সে মানুচ্চো বারেদি যেইনে বেক্‌ জাগানিত্ এ হবরান্ কুয়ো ধুরিলো। সিয়েনত্যে যীশু আর্ কনঅ আদামত্ খুলোমেলা গুরিনে যেই ন-পারিলো। তাত্তুন্ নিরিবিলি জাগাত্ থা পল্ল; তো মানুচ্চুনে নানান্ জাগাত্তুন্ তা ইধু এজা ধুরিলাক্।

লূকে লেখ্যে গম্ হবর্ 24:29

সেক্কে তারা ভারী কোজোলী গুরিনে তারে কলাক্, “ইক্কে বেলান্ যেইয়্যে, সাজোন্যে ওইয়্যে। তুই আমা সমারে থাগ্।” ইয়েন্দোই তে তারা সমারে থেবাত্তে ঘরত্ সোমেল।

লূকে লেখ্যে গম্ হবর্ 6:12

ইয়েনর্ পরেদি যীশু তবনা গুরিবাত্তে এক্কো মুড়োত্ গেলঅ আর গোদা রেত্তো গোজেন ইধু তবনা গুরিনে কাদেল।

যোহন 4:34

সেক্কে যীশু তারারে কলঅ, “যে মরে পাধেয়্যে তা আওজ্‌‌চান্ পালন্ গরানা আর তা কামান্ থুম্ গরানাগান্ অলঅ মর্ হানা।

যোহন 4:40

তারা যীশু ইধু যেইনে তারে তারা সমারে থেবাত্তে কোজোলী গুরিলাক্। সেনত্তে যীশু সিধু দ্বিদিন্ থেলঅ।

যোহন 6:24

ইয়েনত্যে মানুচ্চুনে যেক্কে দেগিলাক্, যীশু বা তা শিচ্চ্যগুনে কনজনে সিয়েনত্ নেই সেক্কে তারা সে নগানিত্ উদিনে যীশুরে তোগেবাত্যে কফরনাহূমোত্ গেলাক্।