লূকে লেখ্যে গম্ হবর্ 4:23 - Chakma Bible

²³ যীশু তারারে কলঅ, “তুমি এই চলেত্তে কধাগান্ হামাক্কাই মরে কবা, ‘ডাক্তর বাবু, নিজোরে গম্ গর্।’ আর কবা, ‘কফরনাহূমোত্ যেদক্কানি কাম্ গুরিবার কধা আমি শুন্ন্যেই সিয়েনি বেক্কানি ইক্কিনে নিজো আদামত্অ গুরিনে দেগা।’ ”

লূকে লেখ্যে গম্ হবর্ 4:23 Iomraidhean Croise

মথি লেখ্যে গম্ হবর্ 13:54

সে পরেদি নিজো আদামত্ যেইনে তে সমাজ-ঘর মানুচ্চুনোরে শিক্ষ্যে দিয়্যে ধুরিলো। তা কধা শুনিনে মানুচ্চুনে আমক্ ওইনে কলাক্, “এই জ্ঞানান্ আর এই বেক্ আমক্ কামানি গুরিবার খেমতা তে কুত্তুন্ পেলঅ?

মথি লেখ্যে গম্ হবর্ 4:23

গালীল রেজ্যর্ বেক্ জাগানিত্ ঘুরি ঘুরি যিহূদীগুনোর নানান্ সমাজ-ঘরত্ যীশু শিক্ষ্যে দিয়্যে ধুরিলো। ইয়েনি বাদেয়ো তে স্বর্গ-রেজ্যর্ গম্ হবরানি ফগদাং গুরিবাত্তে আর মানুচ্চুনোর নানান্ বাবোত্যে পীড়ে গম্ গরা ধুরিলো।

মার্ক 6:1

ইয়েনর্ পরেদি যীশু সে জাগায়ান্ ফেলেইনে নিজো আদামত্ গেলঅ,

লূকে লেখ্যে গম্ হবর্ 2:39

প্রভুর আইন-কানুন্ মজিম্ বেক্কানি থুম্ গুরিনে মরিয়ম আর যোষেফে গালীলোত্ তারার্ নিজো আদামত্ নাসরদত্ ফিরি গেলঅ।

লূকে লেখ্যে গম্ হবর্ 2:51

ইয়েনর্ পরেদি যীশু তারা লগে নাসরদত্ ফিরি গেলঅ আর মা-বাবর্ বাধ্য ওইনে রলঅ। তা মাবো ইয়েনি বেক্কানি মনত্ রাগেল।

লূকে লেখ্যে গম্ হবর্ 4:16

ইয়েনর্ পরেদি যীশু নাসরদত্ গেলঅ। ইয়োদোই তে দাঙর্ ওইয়্যে। তে নিজোর্ সুদোম্ মজিম্ জিরেবার্ দিনোত্ সমাজ-ঘরত্ গেলঅ, সে পরেদি বোইবো পড়িবাত্তে উদিনে থিয়্যেল।

লূকে লেখ্যে গম্ হবর্ 4:31

পরেদি যীশু গালীল রেজ্যর্ কফরনাহূম শঅরত্ গেলঅ আর জিরেবার্ দিনোত্ মানুচ্চুনোরে শিক্ষ্যে দিলো।

লূকে লেখ্যে গম্ হবর্ 4:35

যীশু সেই ভান্ন্যেই আত্মাবোরে ধমক্ দিইনে কলঅ, “জুরো অ, তা ভিদিরেত্তুন্ নিগিলি যাহ্।” সেই ভান্ন্যেই আত্মাবো সেক্কে মানুচ্চোরে বেক্কুনো সংমোধ্যে সলা মারি থলঅ আর তারে কনঅ ক্ষতি ন-গুরিনে তা ভিদিরেত্তুন্ নিগিলি গেলঅ।

লূকে লেখ্যে গম্ হবর্ 6:42

তঅ নিজো চোগোত্ যে পেজাগান্ আঘে সিয়েন যেক্কে খিয়েল্ ন-গরর্ সেক্কে কেধোক্ক্যেন্ গুরি তঅ ভেইবোরে কোই পারচ্, ভেই, তঅ চোগোত্ যে পেজাগান্ আঘে, আয়, সিয়েন নিগিলেই দুয়োং? ফক্কর্, পত্তমে তঅ নিজো চোগোত্তুন্ পেজাগান্ নিগিলেই ফেলা, সালে তঅ ভেইয়ো চোগোত্ যে পেজাগান্ আঘে সিয়েন নিগিলেবাত্তে গমেডালে দেগিবে।

যোহন 4:28

সে মিলেবো সেক্কে তা কুম্মো থোইনে আদামত্ গেলঅ আর মানুচ্চুনোরে কলঅ,

২ করিন্হীয় 5:16

সেনত্যে ইক্কেত্তুন্ ধুরি মান্‌জ্যরে আমি আর্ তার বারেদি অবস্থাগান্ দেগিনে বিচের্ ন-গুরিই। খালিক্ খ্রীষ্টরে আমি আগেদি সেবাবোত্যেগুরি বিচের্ গোজ্জ্যেই, মাত্তর্ ইক্কিনে আর সিয়েন ন-গুরিই।