লূকে লেখ্যে গম্ হবর্ 4:18 - Chakma Bible

¹⁸ “গোজেন আত্মাগান্ মঅ উগুরে আঘে, কিয়া তেয়ই মরে নেযেয়্যে যেন মুই নাঢা মানুচ্চুনো ইধু গম্ হবর্ ফগদাং গরং । তে মরে বন্দীগুনো ইধু স্বাধীনতার্ কধা, কান্ মানুচ্চুনো ইধু দেগিবার্ কধা ফগদাং গুরিবাত্তে পাধেয়্যে। যিগুনো উগুরে অত্যেচার্ অর্, তে মরে সিগুনোরে উদ্ধোর্ গুরিবাত্তে পাধেয়্যে।

লূকে লেখ্যে গম্ হবর্ 4:18 Iomraidhean Croise

পত্থম 3:15

মুই তর্ আর মিলেবো ভিদিরে আর তর্ বংশ আহ্ মিলেবোরে দিইনে অবাক্কে বংশগুনো ভিদিরে শত্রুতা গুরি দিম। সেই বংশর একজনে তঅ মাঢাবো নিগুজ্ গুরি দিবো আর তুই তা টেংঅ মুরিত্‌ খুদিবে।”

২ বংশধর 34:27

‘এ জাগায়ান্‌ আর তা মানুচ্চুনো বিরুদ্ধে মুই যিয়েনি কোইয়োং সিয়েনি শুনিনে তঅ মনান্‌ সিয়েন্দোই সাড়া দিয়্যে আর মঅ মুজুঙোত্‌ তুই নিজোরে চিগোন্‌ গোজ্যস্‌ আর তঅ পোজাক্কান্‌ ফাদিনে মইদু কানাকুদি গোজ্যস্‌। তুই ইয়েনি গোজ্যস্‌ বিলিনে মুই লগেপ্রভু তর্‌ তবনাগান্‌ শুন্যং।

গীতসংহিতা 147:3

যিগুনোর্ মনানি ভাঙি যেইয়্যে তে তারারে দোল্ গুরিবো; তারার বেক্ ঘা গানি তেয়ই বানি দে।

গীতসংহিতা 2:2

লগেপ্রভু আর তার্ মশীহর্ বিরুদ্ধে পিত্‌থিমীর রাজাগুনে একসমারে থিয়্যেদন্ আর শাজন্‌গুরিয়্যেগুনে গুমুরো তেম্মাং গত্তন্।

গীতসংহিতা 2:6

লগেপ্রভু কবদে, “মুই যিবেরে রাজা বানেয়োং তারে মর্ সুদ্ধো-সাংগ সিয়োন মুড়োবোত্ বোজেয়োং।”

গীতসংহিতা 34:18

যিগুনোর মনানি ভাঙি যেয়েগোই লগেপ্রভু তারা ইদু থায়; যিগুনোর মনানি ভাঙি যেয়েগোই তে তারারে উদ্ধোর্ গরে।

গীতসংহিতা 45:7

তুই ন্যায়ানরে কোচ্‌‌পাচ আর অন্যেয়রে ঘিনেচ্; সেনত্তে গোজেন, তর্ গোজেন, তর্ সমাজ্যেগুনোত্তুন্ বোউত্ হুজির্ তেল ধোক্ক্যেন্ গুরি তঅ উগুরে ঢালি দিয়্যে।

গীতসংহিতা 51:17

ভাঙিপোজ্যে মনানই গোজেনর মানি লোইয়্যে উৎসর্ব; ও গোজেন, বুযিপোজ্যে (নত আহ্ নম্র) মনানিরে তুই তুচ্ছো ন-গুরিবে।

যিশাইয় 32:3

সেক্কে যিগুনোর চোগ্‌কুনে দেগিবাক্ তারা চোগ্‌কুন নাঢা ন-যেবাক্, আর যিগুনোর কানানিয়ে শুনে তারা শুনিবাক্।

যিশাইয় 35:5

সেক্কে কান্ মানুচ্চুনোর চোগ্‌কুন খুলি যেবঅ,‌ বরাগুনোর্ কানানি নাঢা যেইয়্যে ন-থেবঅ।

যিশাইয় 42:7

তুই কান্ মানুচ্চুনো চোগ্‌কুন খুলি দিবে, জেলখানাত্তুন্ বন্দিগুনোরে উদ্ধোর্ গুরিবে আর সিদুগোর্ আন্ধার গাদত্ রাগেয়্যে মানুচ্চুনোরে নিগিলেই আনিবে।‌‍‍

যিশাইয় 45:13

মর্ ন্যায্যতালোই মুই কোরসরে উত্তেজিত গুরিম; মুই তার বেক্ পথ্‌তান উজু গুরিম। তে মর্ শঅরান আরঅ বানেই দিবো, মর্ যে মানুচ্চুনে বন্দী এলাক্ তে তারারে ইরি দিবো মাত্তর্ তে কনঅ দাম বা বক্‌শিজত্তে সিয়েন ন-গুরিবো।’ বেগত্তুন্ খেমতাবলা লগেপ্রভু এ কধাগান কত্তে।”

যিশাইয় 49:9

তুই বন্দীগুনোরে কবে, ‘তুমি উদ্ধোর্ অ,’ আর যিগুনে আন্ধারত্ আগন তারারে কবে, ‘তুমি নিগিলি এজঅ।’ তারা পধ পারত্ আর গাজ্-বাজ্ নেইয়্যে মুড়ো উগুরে হানা পেবাক্।

যিশাইয় 50:4

প্রভু লগেপ্রভু মরে শিক্ষিতগুনোর্ জিলানি দিয়্যে যেনে মুই কধালোই বল্‌‌পোজ্যে মানুচ্চুনোরে সাহায্য গুরি পারং। তে মরে পত্তিদিন বেন্যেমাদান্ জাগেই দে আর মঅ কানানরে সজাক্ গরে যেনে মুই এক্কো শিচ্চ্য ধোক্ক্যেন শুনোং।

যিশাইয় 57:15

যিবে মহান আর বাঈনী গরানালোই বর্ পুনোং, যিবে উমরত্তে জেদা, যিবে নাঙান্ পবিত্র, তে কত্তে, “মুই অজল্ আর সুদ্ধো-সাংগ জাগাত্ বজত্তি গরং, মাত্তর্ যিবের মনান্ নম্র, যিবের্ মনান্ ভাঙিনে কট্টা কট্টা ওইয়্যে মুই তা সমারেয়ো বজত্তি গরং যেনে নম্রগুনোর আর মন ভাঙি যেইয়্যে মানুচ্চুনোর্ মনানি মুই নূয়ো গুরিনে ঠিগ্ গুরি পারং।

যিশাইয় 59:21

তারাত্তে মর্ বেবস্থাগান ইয়েন: মর্ যে আত্মাগান তমা উগুরে আঘে আর মর্ যে কধাগান মুই তমা মুয়োনত্ দুয়োং সিয়েন তমার, তমা ঝি-পুয়োগুনোত্তুন্ আর তারার বংশধরুনো মুয়োত্তুন্ সিয়েনি ন-যেবঅ; সিয়েনি ইক্কেত্তুন ধুরি উমর সং থেবঅ। মুই লগেপ্রভু এ কধাগান কঙর্।”

যিশাইয় 61:1

প্রভু লগেপ্রভুর আত্মাগান মঅ উগুরে আঘে, কিত্তে তে মরে নেযেয়্যে যেন মুই নাঢা মানুচ্চুনো ইদু গম্ হবর্ কুয়োই দুয়োং। তে মরে পাদেয়্যেদে যেন মুই মানুচ্চুনোর ভাঙা মনানি জড়া দি পারং আর বন্দীগুনো ইদু স্বাধীনতা আর জেলোত্ পুরিয়্যেগুনো ইদু উদ্ধোর্ অনা ফগদাং গুরি পারং;

যিশাইয় 66:2

ইয়েনি বেক্কানি মুই নিজো আঢে বানেয়োং আর সেনত্তে ইয়েনি ওইয়্যে। যে মানুচ্চো নম্র, যিবের্ মনান্ ভাঙিনে চুর্‌‌মার্ ওইয়্যে আর যে মঅ কধালোই গির্‌‌‌গিরেই তারে মুই গম্ চোগেদি চেম্।

যিহিষ্কেল 9:4

তে তারে কলঅ, “তুই যিরূশালেম শঅরান ভিদিরেদি যাহ্ আর সিয়েন ভিদিরে যেদক্কানি জঘন্য কাম গরা ওইয়্যে সেনত্তে যিগুনে ভঅ নিজেস্ ফেলেইনে ফবাদন্ তারা কবালত্ এক্কান গুরি চিহ্নো দুয়ো।”

দানিয়েল 9:24

তর্ মানুচ্চুনোত্তে আর তর্ সুদ্ধো-সাংগ শঅরত্তে সত্তুর্ গুণ সাত বজর ঠিগ্ গরা ওইয়্যে। সেই সময়ো ভিদিরে ভান্ন্যেয়ানি বন্ধ গরা অবঅ, অন্যেয়র্ থুম্ অবঅ, পাপ নাঢি দিয়্যে অবঅ, উমরত্যে ন্যায্যতা থিদেবর্ গরা অবঅ, দর্শন আর আগাম্ বাণী পূরোণ গরা অবঅ আর দাঙর্ সুদ্ধো-সাংগ জাগানরে অভিষেগ্ গরা অবঅ।

সফনিয় 3:12

যিগুনে লগেপ্রভু উগুরে বিশ্বেজ্ গুরিনে সেবাবোত্যে নত আর নম্র মানুচ্চুনোরে মুই তইদু বাগি রাগেম্।

সখরিয় 11:11

সেদিন্যে সিবে বাতিল অলঅ, সেনত্তে পালর্ দুঘ্ পেইয়্যেগুনে যিগুনে মরে খিয়েল্ গোজ্যন্ তারা হবর্ পেলাক্, ইয়েনির মাধ্যমে লগেপ্রভু কধা কোইয়্যে।

মালাখি 4:2

মাত্তর্ তুমি যিগুনে মরে ভোক্তি গুরিনে দরঅ তমা উগুরে ন্যায়র্ বেলান্ উদিবো যিবের্ ছদগত্ থেবদে গম্ থানা। তুমি নিগিলিনে গোরু ঘরত্তুন্ ছাড়া পেইয়্যে গোরু ছঅ ধোক্ক্যেন পাল্ল্যেবা।

মথি লেখ্যে গম্ হবর্ 11:5

তারে জানঅ, কান্ মানুচ্চুনে দেগদন্, আঢুরুনে আঢদন্, ফারাঙিবলাগুনে সিজি অদন্, বহ্‌রা মানুচ্চুনে শুনোদন্, মরা মানুচ্চুনে জেঁই উদোদন্ আর নাঢা মানুচ্চুনো ইধু গম্ হবর্ প্রচার গরা অর্।

মথি লেখ্যে গম্ হবর্ 12:18

চঅ, মঅ চাগর্ যিবেরে মুই বেঈ লোইয়োং। ইবেয়ই মর্ কোচ্‌পেইয়্যে মানুচ্ যিবে উগুরে মুই হুজি। মুই তা উগুরে মঅ আত্মাগান্ দিম, আর তে অযিহূদীগুনো ইধু ন্যায়বিচের ফগদাং গুরিবো।

মথি লেখ্যে গম্ হবর্ 12:20

ন্যায়বিচেরানরে জিদেই ন-দেনা সং তে বুধি যেইয়্যে নল্লো ন-ভাঙিবো আর এক্কা এক্কা জুলি থেইয়্যে চেরাগ বুদ্দি ন-মারেবা।

মথি লেখ্যে গম্ হবর্ 4:16

যে মানুচ্চুনে আন্ধারত্ বজত্তি গরন, তারা বোউত্ পহ্‌র দেগিবাক্। যিগুনে ঘুর্‍‍গুজ্যে আন্ধার দেজত্ বজত্তি গরন, তারা ইধু পহ্‌র ফগদাং অবঅ।

মথি লেখ্যে গম্ হবর্ 5:3

মনানদি যিগুনে নিজোরে নাঢা বিলি মনে গরন্ তারা বর্‍‍‍পেইয়্যে, কিয়া স্বর্গ-রেজ্যগান তারার্।

লূকে লেখ্যে গম্ হবর্ 4:17

তা আঢত্ ভাববাদী যিশাইয়র্ লেখ্যে বোইবো দিয়্যে অলঅ। বুদি থোইয়্যে বোইবো খুলিনে তে সেই জাগায়ান্ পেলঅ যিয়েনত্ লেগা আঘে,

লূকে লেখ্যে গম্ হবর্ 6:20

যেরেদি যীশু শিচ্চ্যগুনো ইন্দি রিনি চেইনে কুয়ো ধুরিলো, নাঢা মানুচ্চুন্, তুমি বর্‌পেইয়্যে, কিয়া গোজেন রেজ্যগান্ তমার্।

লূকে লেখ্যে গম্ হবর্ 7:22

ইয়েনি বেক্কানি গুরিবার্ পরেদি যীশু যোহন শিচ্চ্যগুনোরে জোব্ দিলো, “তুমি যিয়েন্ দেগিলে আর শুনিলে সিয়েন্ যেইনে যোহনরে কঅ। তারে কঅ, কান্ মানুচ্চুনে দেগদন্, আঢুরুনে আঢদন্, ফারাঙিবলাগুনে সিজি অদন্, বহ্‌রা মানুচ্চুনে শুনোদন্, মরা মানুচ্চুনে জেই উদোদন্ আর নাঢা মানুচ্চুনো ইধু গম্ হবর্ ফগদাং গরা অর্।

যোহন 1:41

আন্দ্রিয় পত্তমে তার্ ভেই শিমোনরে তোগেইনে নিগিলেল আর কলঅ, “আমি মশীহর (অত্তাৎ খ্রীষ্টর্) দেগা পেইয়্যেই।”

যোহন 12:46

মুই এ জগদত্ পহ্‌র ইজেবে এচ্চ্যং যেন মঅ উগুরে যে বিশ্বেজ্ গরে তে আন্ধারত্ ন-থায়।

যোহন 3:34

গোজেনে যিবেরে পাধেয়্যে তে গোজেনর্ কধা কয়, কিয়া গোজেনে তারে পবিত্র আত্মা মাবি ন-দে।

প্রেরিত্‌ 10:38

তুমি ইয়েন-অ কোই পারঅ যে, গোজেনে নাসরতর্ যীশুরে পবিত্র আত্মালোই আর খেমতালোই অভিষেগ্ গোজ্যে। গোজেনে তা সমারে এলঅ বিলিনে তে গম্ কাম গুরিনে বেড়েদ আর শদান আঢত্ যিগুনে দুঘ্ পেদাক্ তারারে বেক্কুনোরে গম্ গুরিদো।

প্রেরিত্‌ 4:26

প্রভু আহ্ মশীহর বিরুদ্ধে জগদর্ রাজাগুনে এক সমারে থিয়্যেদন্, আর নেতাগুনে গত্তন্ গুমুরো বৈঠক্।

প্রেরিত্‌ 4:27

“তর্ পবিত্র চাগর্ যীশু, যিবেরে তুই মশীহ ইজেবে বেঈ লোইয়োচ্, রাজা হেরোদ আর পন্তীয় পীলাতে এ শঅরত্ তা বিরুদ্ধে অযিহূদীগুনো সমারে আর ইস্রায়েলীগুনো সমারে ঘেচ্চ্যেক্ গুরি আঢ্ মিলেয়োন।

কলসীয় 1:13

কিয়া তে আন্ধার রেজ্যত্তুন্ আমারে উদ্ধোর্ গুরিনে তার কোচ্‌পেইয়্যে পুয়োবোর্ রেজ্যত্ আন্ন্যে।

যাকোব 2:5

মর্ কোচ্‌‌পেইয়্যে ভেইয়ুন্, শুনো। এই জগদর্ চোগেদি যিগুনে নাঢা মানুচ্, বিশ্বাজে তাগোয়্যে অবাত্যে গোজেনে কি তারারে বেঈ ন-লয়? যিগুনে গোজেনরে কোচ্‌পান সিগুনোরে তে যে রেজ্যগান দিবার্ এগেম্ গোজ্জ্যে সেই রেজ্যগানর্ অধিকারী অবাত্যে এই নাঢা মানুচ্চুনোরে কি তে বেঈ ন-লয়?

১ পিতর 2:9

মাত্তর্ তুমি দঅ “বেঈ লোইয়্যে বংশ ওইয়ো; তমারে দিইনে বানা ওইয়্যেদে ধর্মগুরুগুনোর্ রেজ্যগান; তুমি গোজেনর্ নাঙে ফারগ্ গোজ্জ্যে জাদ্ আর তার্ নিজোর্ মানুচ্ ওইয়ো;” যেন আন্ধারত্তুন্ যিবে তমারে তার্ আমক্ অবার্ পহ্‌রত্ ডাগি আন্ন্যে তুমি তারে গুণগীত্ গঅ।