লূকে লেখ্যে গম্ হবর্ 4:15 - Chakma Bible

¹⁵ সিধুগোর্ নানান্ বাবোত্যে সমাজ-ঘরত্ যীশু শিক্ষ্যে দেনা আরাম্ব গুরিলো। সেক্কে বেক্কুনে তারে নাঙ্ গিনে ধুরিলাক্।

লূকে লেখ্যে গম্ হবর্ 4:15 Iomraidhean Croise

যিশাইয় 55:5

ঘেচ্চেকগুরি, যে জাদ্‌তুনোরে তুমি ন-চিনিদা তারারে ডাগিবা আর সেই জাদ্‌‍‌‌‍‍‍‍তুনে, যিগুনে তমারে ন-চিনোন্ তারা ধাবা ধাবা এইনে তমা ইদু এবাক্। তমা গোজেন লগেপ্রভু, ইস্রায়েলর সেই সুদ্ধো-সাংগ মানুচ্চোত্তে তারা সিয়েন গুরিবাক্, কিত্তে তে তমারে বাঈনী পানালোই বর্‌‍‌‌‍‍‍‍‌‌‍পুনোং গোজ্যে।” ‍‍

মথি লেখ্যে গম্ হবর্ 13:54

সে পরেদি নিজো আদামত্ যেইনে তে সমাজ-ঘর মানুচ্চুনোরে শিক্ষ্যে দিয়্যে ধুরিলো। তা কধা শুনিনে মানুচ্চুনে আমক্ ওইনে কলাক্, “এই জ্ঞানান্ আর এই বেক্ আমক্ কামানি গুরিবার খেমতা তে কুত্তুন্ পেলঅ?

মথি লেখ্যে গম্ হবর্ 4:23

গালীল রেজ্যর্ বেক্ জাগানিত্ ঘুরি ঘুরি যিহূদীগুনোর নানান্ সমাজ-ঘরত্ যীশু শিক্ষ্যে দিয়্যে ধুরিলো। ইয়েনি বাদেয়ো তে স্বর্গ-রেজ্যর্ গম্ হবরানি ফগদাং গুরিবাত্তে আর মানুচ্চুনোর নানান্ বাবোত্যে পীড়ে গম্ গরা ধুরিলো।

মথি লেখ্যে গম্ হবর্ 9:35

যীশু শঅরত্ আর আদামে আদামে যেইনে যিহূদীগুনোর সমাজ-ঘরত্ শিক্ষ্যে দিবাত্তে আর স্বর্গ-রেজ্যর্ গম্ হবর্ ফগদাং গরা ধুরিলো। ইয়েনি বাদেয়ো তে মানুচ্চুনোর্ নানান্ বাবোত্যে পীড়েয়ো গম্ গুরিলো।

মথি লেখ্যে গম্ হবর্ 9:8

মানুচ্চুনে এ ঘটনাগান্ দেগিনে দোরেলাক্, আর গোজেনে মান্‌জ্যরে এমন্ খেমতা দিয়্যে বিলিনে গোজেনরে বাঈনী গরা ধুরিলাক্।

মার্ক 1:27

এ ঘদনাগান্ দেগিনেই মানুচ্চুনে এদক্ আমক্ অলাক্ যে, তারা নিজো ভিদিরে কুয়ো ধুরিলাক্, “ইয়েনি কি বেপার? এ অধিকার ভরা নুয়ো শিক্ষ্যেগান বা কি? এন্‌ কি, ভুদ্‌‌‌তোরেয়ো তে উগুম দে আর তারা তা কধানি শুনোদে বাধ্য অন্।‌”

মার্ক 1:45

মাত্তর্ সে মানুচ্চো বারেদি যেইনে বেক্‌ জাগানিত্ এ হবরান্ কুয়ো ধুরিলো। সিয়েনত্যে যীশু আর্ কনঅ আদামত্ খুলোমেলা গুরিনে যেই ন-পারিলো। তাত্তুন্ নিরিবিলি জাগাত্ থা পল্ল; তো মানুচ্চুনে নানান্ জাগাত্তুন্ তা ইধু এজা ধুরিলাক্।

লূকে লেখ্যে গম্ হবর্ 13:10

কনঅ এক জিরেবার্ দিনোত্ যীশু এক্কান্ সমাজ-ঘরত্ শিক্ষ্যে দের্।

লূকে লেখ্যে গম্ হবর্ 4:16

ইয়েনর্ পরেদি যীশু নাসরদত্ গেলঅ। ইয়োদোই তে দাঙর্ ওইয়্যে। তে নিজোর্ সুদোম্ মজিম্ জিরেবার্ দিনোত্ সমাজ-ঘরত্ গেলঅ, সে পরেদি বোইবো পড়িবাত্তে উদিনে থিয়্যেল।