লূকে লেখ্যে গম্ হবর্ 4:14 - Chakma Bible

¹⁴ পরেদি যীশু পবিত্র আত্মার্ খেমতালোই ভর্‌পূনোং ওইনে গালীল রেজ্যত্ ফিরি গেলঅ। যীশুর হবরান্ সে চাগালাত্ বেক্ জাগায়ানিত্ ছিদি পড়িলো ।

লূকে লেখ্যে গম্ হবর্ 4:14 Iomraidhean Croise

মথি লেখ্যে গম্ হবর্ 4:12

পরেদি যীশু শুনিলো যোহনরে জেলখানাত্ বন্দী গুরি রাগা ওইয়্যে। সেক্কে তে গালীলোত্ গেলগোই আর নাসরত্ আদামান্ ফেলেইনে সবূলূন আর নপ্তালি চাগালা ভিদিরে সাগর পারর্ কফরনাহূম শঅরত্ যেইনে রলঅ।

মথি লেখ্যে গম্ হবর্ 9:26

এ ঘটনাগানর্ কধা সে চাগালাত্ বেক জাগাইধু ছিদি পড়িলো।

মথি লেখ্যে গম্ হবর্ 9:31

“চঅ, কনজনে যেন হবর্ ন-পান্।” মাত্তর্ তারা বারেদি যেইনে সেই চাগালার্ বেক্ জাগানিত্ তা হবরান ছিদি দিলাক্।

মার্ক 1:14

যোহনে জেলখানাত্ বন্দী অনার্ পরেদি যীশু গালীল রেজ্যত্ গেলঅ। সিধু তে এ কধাগান্ কোইনে গোজেনর্ দিয়্যে গম্ হবরান্ ফগদাং গরা ধুরিলো,

মার্ক 1:28

ইয়েন্দোই গালীল রেজ্যর্ বেক্‌ জাগানিত্ যীশুর কধা ছিদি পড়িলো।

লূকে লেখ্যে গম্ হবর্ 4:13

নানান্ বাবোত্যে লুভ্ দেগানা থুম্ গুরিনে শদানে কানক্কনত্তে যীশু কায় কুরেত্তুন্ গেলগোই।

লূকে লেখ্যে গম্ হবর্ 4:37

সে চাগালাত্ বেক্কানিত্ যীশুর কধা ছিদি পড়িলো।

যোহন 4:43

সেনত্যে যীশু নিজে কোইয়্যেদে, নিজো দেজত্ ভাববাদীর্ সর্মান নেই; সে কধাগান্ পুরেবাত্তে শমরিয়াত্ দ্বিদিন্ থানার্ পরেদি তে সিয়োত্তুন গালীল রেজ্যত্ গেলগোই।

প্রেরিত্‌ 10:37

মানুচ্চুনোর যে বাপ্তিষ্ম লনা উচিত্ যোহনে সে কধাগান ফগদাং গুরিবার পরেদি গালীলত্তুন্ ধুরি আরাম্ভ গুরিনে গোদা যিহূদীয়াত্ যিয়েন ঘোট্যে সিয়েন তুমি নিজে হবর্ পঅ।