লূকে লেখ্যে গম্ হবর্ 4:1 - Chakma Bible

^1-2 যীশু পবিত্র আত্মালোই পরিপূরোন ওইনে যর্দন গাঙত্তুন্ গেলগোই। পবিত্র আত্মার্ পরিচালনায় তে চল্লিশ দিন ধুরিনে ধূল্যেচর-চাগালাত্ ঘুরি বেড়া ধুরিলো। সে অক্তত্ শদানে তারে লুভ্ দেগেইনে পাপত্ ফেলেবার চেট্ট্যা গরা ধুরিলো। এই চল্লিশ দিন যীশু কিচ্চু ন-হায়; সেনত্তে এ দিনুন্ কাদেই উদোনার্ পরেদি তার্ পেট পুরিলো।

লূকে লেখ্যে গম্ হবর্ 4:1 Iomraidhean Croise

১ রাজাবলী 18:12

মুই তরে ফেলেই গেলে লগেপ্রভুর আত্মাগান্‌ তরে অন্য কন্‌ জাগাত্‌ নেযেব যিয়েন্‌ মুই হ্‌বর ন-পাং। মুই যেইনে আহাবরে কনার্‌ পরেন্দি যুনি তে তরে তোগেইনে ন-পাই সালে তে মরে মারে ফেলেব। মাত্তর্‌ চিগনত্তুন্‌ ধুরি তঅ চাগর্‌ মুই লগেপ্রভুরে ভোক্তি গুরিনে দোরেনেই এজঙর্‌।

১ রাজাবলী 19:4

মাত্তর্‌ তে নিজে ধূল্যেচর-চাগালা ভিদিরে একদিনো পথ উজেই গেলঅ। সিদু ইক্কো রোতম গাজর্‌ তলে বোইনে মুরিবাত্তে তবনা গুরিলো। তে কলঅ, “ও লগেপ্রভু, যদবদে ওইয়্যে। এবেরা তুই মঅ পরাণান্‌ নেযা; মুই দঅ মঅ পূরোণি মানুচ্চুনোত্তুন্‌ বেশ্‌ গম্‌ নয়।”

যিশাইয় 61:1

প্রভু লগেপ্রভুর আত্মাগান মঅ উগুরে আঘে, কিত্তে তে মরে নেযেয়্যে যেন মুই নাঢা মানুচ্চুনো ইদু গম্ হবর্ কুয়োই দুয়োং। তে মরে পাদেয়্যেদে যেন মুই মানুচ্চুনোর ভাঙা মনানি জড়া দি পারং আর বন্দীগুনো ইদু স্বাধীনতা আর জেলোত্ পুরিয়্যেগুনো ইদু উদ্ধোর্ অনা ফগদাং গুরি পারং;

যিহিষ্কেল 3:14

গোজেনর্ আত্মাগানে মরে তুলি নেযেবার্ অক্তত্ মুই মনে মনে কাঙেলেত্যে আর রাগ্‌‌‌‌‌‌কোই গেলুং, আর লগেপ্রভুর দরমর আঢ্‌‌‌‌‌‌তানি মঅ উগুরে এলঅ।

মথি লেখ্যে গম্ হবর্ 3:16

বাপ্তিষ্ম লনার্ পরেদি যীশু পানিত্তুন্ উদি এজানার লগে লগে তা মুজুঙোত্ আগাজ্‌চান খুলি গেলঅ। তে গোজেনর আত্মাগানরে কোদোর ধোক্ক্যেন্ ওইনে তা উগুরে লামি এত্তে দেগিলো আর পহর্ অলঅ।

লূকে লেখ্যে গম্ হবর্ 2:27

পবিত্র আত্মালোই শিমিয়োনে সেদিন্যে যিহূদীগুনোর উবোসনা-ঘরত্ এলঅ। মোশির আইন-কানুন্ মজিম্ যিয়েন গুরিবার্ দরকার সিয়েন গুরিবাত্তে যীশুর মা-বাবে চিজি যীশুরে লোইনে সিধু এলাক্।

লূকে লেখ্যে গম্ হবর্ 3:3

সেক্কে যোহনে যর্দন গাঙর্ চেরোকিত্তে বেক্ জাগানিত্ যেইনে ফগদাং গরা ধুরিলো যেন মান্‌জ্যে পাপর্ খেমা পেবাত্তে পাপত্তুন্ মনানি ফিরেন্ আর সিয়েনর চিহ্নো ইজেবে বাপ্তিষ্ম লন্।

লূকে লেখ্যে গম্ হবর্ 3:38

কৈনন ইনোশর পুয়ো, ইনোশ শেথ পুয়ো, শেথ আদম পুয়ো, আদমে গোজেনর পুয়ো।

লূকে লেখ্যে গম্ হবর্ 4:14

পরেদি যীশু পবিত্র আত্মার্ খেমতালোই ভর্‌পূনোং ওইনে গালীল রেজ্যত্ ফিরি গেলঅ। যীশুর হবরান্ সে চাগালাত্ বেক্ জাগায়ানিত্ ছিদি পড়িলো ।

লূকে লেখ্যে গম্ হবর্ 4:18

“গোজেন আত্মাগান্ মঅ উগুরে আঘে, কিয়া তেয়ই মরে নেযেয়্যে যেন মুই নাঢা মানুচ্চুনো ইধু গম্ হবর্ ফগদাং গরং । তে মরে বন্দীগুনো ইধু স্বাধীনতার্ কধা, কান্ মানুচ্চুনো ইধু দেগিবার্ কধা ফগদাং গুরিবাত্তে পাধেয়্যে। যিগুনো উগুরে অত্যেচার্ অর্, তে মরে সিগুনোরে উদ্ধোর্ গুরিবাত্তে পাধেয়্যে।

যোহন 1:32

সে পরেদি যোহনে এ সাক্ষিগান্ দিলো, “মুই পবিত্র আত্মারে কোদোর ধোক্ক্যেন্ ওইনে স্বর্গত্তুন্ লামি এইনে তা উগুরে থাদে দেক্ক্যং।

যোহন 3:34

গোজেনে যিবেরে পাধেয়্যে তে গোজেনর্ কধা কয়, কিয়া গোজেনে তারে পবিত্র আত্মা মাবি ন-দে।

প্রেরিত্‌ 1:2

যে শিচ্চ্যগুনোরে তে বেঈ লোইয়্যে, তারে তুলি নিবার্ আগেদি সেই শিচ্চ্যগুনোরে তে পবিত্র আত্মালোই উগুম দিয়্যে।

প্রেরিত্‌ 10:38

তুমি ইয়েন-অ কোই পারঅ যে, গোজেনে নাসরতর্ যীশুরে পবিত্র আত্মালোই আর খেমতালোই অভিষেগ্ গোজ্যে। গোজেনে তা সমারে এলঅ বিলিনে তে গম্ কাম গুরিনে বেড়েদ আর শদান আঢত্ যিগুনে দুঘ্ পেদাক্ তারারে বেক্কুনোরে গম্ গুরিদো।

প্রেরিত্‌ 8:39

যেক্কে তারা পানিত্তুন্ উদি এলাক্ সেক্কে প্রভুর আত্মাগানে আদিক্ক্যে গুরি ফিলিপরে নেযেল। সেই চাগর্‌বো আর তারে ন-দেগিলো। সেক্কে তে ফুত্তি গত্তে গত্তে ঘর পধেদি গেলঅ।