লূকে লেখ্যে গম্ হবর্ 3:8 - Chakma Bible

⁸ তুমি যে পাপত্তুন্ মনানি ফিরেয়ো সিয়েনির্ যগাজ্যে ফল্ তমা জিংকানিত্ দেগঅ। নিজে মনে ন-গোজ্য যে, তুমি অব্রাহাম গুট্টির্ মানুচ্। মুই তমারে কঙর্, এ পাত্তরুনোত্তুন্ গোজেনে অব্রাহামর গুট্টি বানেই পারে।

লূকে লেখ্যে গম্ হবর্ 3:8 Iomraidhean Croise

নহিমিয় 5:11

ইক্কিনে তুমি তারার্‌ ভূইয়ানি, আংগুর ক্ষেত্‌তানি, জলপাইয়োর্‌ বাগানানি আর ঘরানি তারারে ফিরেই দুয়ো, আর টেঙা, ধান, নূয়ো আংগুর-রস আর তেলত্তেই শতকরা যে সুদ্‌তুন তুমি নেযেয়ো সিয়েনঅ তারারে ফিরেই দুয়ো।”

যিহিষ্কেল 33:24

ও মান্‌‌‌‌‌‌‌‌‌জ্যর পুয়োবো, ইস্রায়েল দেজর্ ভস্ত ওইয়্যে জাগানত্ যিগুনে বজত্তি গত্তন্ তারা কদন্, অব্রাহামে বানা এক্কো মানুচ্ ওইনেয়ো দেজর্ অধিকার পেইয়্যে। মাত্তর্ আমি দঅ ভালোকজন; সেনত্তে দেজ্‌‌‌‌‌‌‌‌‌‌চান ঘেচ্চেকগুরি আমা অধিকারত্তে দিয়্যে ওইয়্যে।

মথি লেখ্যে গম্ হবর্ 21:43

ইয়েনত্তে তমারে কঙর্, গোজেন রেজ্যগান্ তমাত্তুন্ নেযা অবঅ আর এমন্ মানুচ্চুনোরে দিয়্যে অবঅ যিগুনো জিংকানিত্ সেই রেজ্যর্ যগাজ্যে ফল দেগা যেবঅ।

মথি লেখ্যে গম্ হবর্ 3:8

গম্ ওইয়্যে, তুমি যে পাপত্তুন্ মনানি ফিরেয়ো সিয়েনির্ যগাজ্যে ফল্ তমা জিংকানিত্ দেগঅ।

মথি লেখ্যে গম্ হবর্ 3:9

তুমি অব্রাহাম গুট্টির্ মানুচ্, ইয়েন নিজো মনত্ কোই পারিবার কধাগান চিন্তেয়ো ন-গোজ্য। মুই তমারে কঙর্, গোজেনে এ পাত্তরুনোত্তুন্ অব্রাহামর গুট্টি বানেই পারে।

লূকে লেখ্যে গম্ হবর্ 13:25

ঘর গিরোজ্‌সো যেক্কে উদিনে দুয়োরান্ বানিবো সেক্কে তুমি বারেদি থিয়্যেইনে দুয়োরানত্ বাজ্জ্যেদে বাজ্জ্যেদে কবা, প্রভু, আমাত্যে দুয়োরান্ খুলি দে। মাত্তর্ তে তমারে এ জোব্‌পান দিবো, তুমি কুত্তুন্ এচ্চ্য মুই কোই ন-পারং।

লূকে লেখ্যে গম্ হবর্ 13:26

সেক্কে তুমি কবা, আমি তঅ সমারে হানা-দানা গোজ্জ্যেই, আর তুই দঅ আমারে পধে পধে শিক্ষ্যে দিদে।

লূকে লেখ্যে গম্ হবর্ 14:9

সালে যে তরে আর তারে হেবাত্যে বোলেইয়্যে তে এইনে তরে কবঅ, এ জাগায়ান্ তারে ছাড়ি-দে। সেক্কে দঅ তুই লাজেইনে বেগত্তুন্ তলে জাগানত্ ববাত্যে যেবে।

লূকে লেখ্যে গম্ হবর্ 19:40

যীশু তারারে কলঅ, “মুই তমারে কঙর্, ইগুনে যুনি জুরো গুরি থান্ সালে পাত্তরুনে জগার্ পারি উদিবাক্।”

লূকে লেখ্যে গম্ হবর্ 19:9

সেক্কে যীশু কলঅ, “এ ঘরানত্ এইচ্চ্যে পাপত্তুন্ উদ্ধোর্ এলঅ, কিয়া ইবেয়ো দঅ অব্রাহাম গুত্তির্ একজন ।

লূকে লেখ্যে গম্ হবর্ 5:21

ইয়েন্দোই ধর্ম-মাষ্টর আর ফরীশীগুনে মনে মনে কুয়ো ধুরিলাক্, “এ মানুচ্চো কন্না, যে গোজেনরে অগমান্ গরের্? গোজেনে বাদে আর কন্না পাপ খেমা গুরি পারে?”

যোহন 8:33

যিহূদী নেতাগুনে সেক্কে যীশুরে কলাক্, “আমি অব্রাহাম বংশর মানুচ্; আমি কনদিন্অ কারর্ চাগর্ ন-ওই। তুমি কেধোক্ক্যেন্ গুরিনে কত্তে যে, আমারে উদ্ধোর্ গরা অবঅ?”

যোহন 8:39

ইয়েন্দোই সেই যিহূদী নেতাগুনে যীশুরে কলাক্, “অব্রাহামে আমা বাপ্।” যীশু তারারে কলঅ, “যুনি তুমি অব্রাহামর্ পুয়ো অদা সালে অব্রাহাম ধোক্ক্যেন্ কাম্ গুরিদা।

প্রেরিত্‌ 26:20

যিগুনে দামেস্কত্ আঘন্ পত্তমে তারা ইধু, সে পরেদি যিগুনে যিরূশালেমত্ আর গোদা যিহূদিয়া রেজ্যত্ আঘন্ তারা ইধু আহ্ অযিহূদীগুনো ইধুয়ো মুই প্রচার গোজ্জ্যং, পাপত্তুন্ মনানি ফিরেইনে গোজেন ইন্দি তারার্ ফিরেনা উচিত্, আর এমন্‌ কাম্ গরানা উচিত্ যিয়েন্দোই প্রমাণ পায় যে, তারা মনানি ফিরেয়োন্।

রোমীয় 4:16

সেনত্তে মান্‌জ্যর্ বিশ্বেজর্ মাধ্যমে এই এগেমান্ পূরোন্ গরা অয়, যেন ইয়েন গোজেনর্ দোয়্যের্ দান ওই পারে। আর সেনত্তে অব্রাহামর্ গুট্টিগুনোর বেক্কুনোত্তে এ এগেমান্ খামাক্কায় পূরোণ অবঅ। রীদি-সুদোমর্ অধীনো মানুচ্চুনোত্যে যে বানা এ এগেমান্ পূরোন অবঅ, সিয়েন নয়; যিদুক্কুন্ মানুচ্ অব্রাহাম ধোক্ক্যেন্ একই বিশ্বেজে বিশ্বেজি তারাত্যেয়ো খামাক্কায় এ এগেমান্ পূরোন অবঅ।

রোমীয় 9:7

অব্রাহাম গুট্টির্ বিলিনে যে তারা তার্ আজল্ পুয়ো সিয়েন নয়, বরং পবিত্র বোইবোর্ কধা মজিম্, “ইস্‌হাকর্ গুট্টিবোরে তর্ গুট্টি বিলিনে ধরা অবঅ।”