লূকে লেখ্যে গম্ হবর্ 3:2 - Chakma Bible

² হানন আহ্ কাইয়াফা এলাক্ যিহূদীগুনোর দাঙর্ ধর্মগুরু। ঠিগ্ এ সময়োত্ গোজেনে ধূল্যেচর-চাগালাত্ সখরিয়র পুয়ো যোহন ইধু তা কধাগান্ ফগদাং গুরিলো ।

লূকে লেখ্যে গম্ হবর্ 3:2 Iomraidhean Croise

যিশাইয় 40:3

একজনর রঅ দাঙর্ গুরি ফগদাং গরের্, “তুমি ধূল্যেচর চাগালাত্ লগেপ্রভুর পথ্‌তান ঠিগ্ গরঅ;‍‍ ধূল্যেচরত্ আমা গোজেনত্তে এক্কান পথ্ সোজা গরঅ।

যিরমিয় 1:2

যিহূদার রাজা আমোনর পুয়ো যোশিয়র রাজাগিরির তের বজরত্ লগেপ্রভুর কধানি যিরমিয় ইধু ফগদাং ওইয়্যে।

যিরমিয় 2:1

লগেপ্রভু মরে যিরূশালেমত্ যেইনে সিদুগো মানুচ্চুনো ইধু এ কধাগান কবাত্তে কলঅ: “তর্ গাবুজ্যে অক্তত্ বিশ্বেজর্ কধানি মর্ মনত্ আঘে। নূয়ো বৌ ধোক্ক্যেন তুই কেজান্ গুরি মরে কোচ্‌পেইয়োচ্ আর যে দেজত্ চাষ গরা ন-অয় সেধোক্ক্যেন ধূল্যেচর-চাগালাত্ মঅ পিজে পিজে যেইয়োচ্।

যিহিষ্কেল 1:3

বাবিলীয়গুনোর্ দেজত্ কবার গাঙ পাড়ত্ বুষির পুয়ো ধর্মগুরু যিহিষ্কেল ইধু, অত্তাৎ মইধু লগেপ্রভুর কধানি ফগদাং অলঅ। সিয়েনত্ লগেপ্রভুর আঢ্‌‌‌তানি মঅ উগুরে এলঅ।

যোনা 1:1

লগেপ্রভুর এ কধাগান অমিত্তয়র পুয়ো যোনা ইধু ফগদাং অলঅ, “তুই সে দাঙর্ শঅর্ নীনবীত্ যেইনে তা বিরুদ্ধে ফগদাং গর্, কিত্যেই তা মানুচ্চুনোর ভান্ন্যেয়ানি মুই দেখ্যং।”

মীখা 1:1

যিহূদার রাজা যোথম, আহস আর হিষ্কিয়র রাজাগিরির সময়োত্ মোরেষৎ আদামর মীখা ইধু শমরিয়া আর যিরূশালেম পৌইদ্যেনে লগেপ্রভুর কধানি দর্শনর মাধ্যমে ফগদাং অলঅ।

সফনিয় 1:1

আমোনর পুয়ো যিহূদার রাজা যোশিয়র রাজাগিরির সময়োত্ কূশির পুয়ো সফনিয় ইধু লগেপ্রভুর কধানি ফগদাং অলঅ। কূশি অলদে গদলিয়র পুয়ো, গদলিয় অমরিয়র পুয়ো, অমরিয় হিষ্কয়র পুয়ো।

মথি লেখ্যে গম্ হবর্ 11:7

যোহন শিচ্চ্যগুন ফিরি যাদন্, এমন্ সময়োত্ যীশু মানুচ্চুনো ইধু যোহন পৌইদ্যেনে কুয়ো আরাম্ভ গুরিলো, “তুমি ধূল্যেচর-চাগালাত্ কি চেবাত্তে যেইয়ো? বোইয়্যেরত্ দুল্যে নল্-খাগড়া?

মথি লেখ্যে গম্ হবর্ 26:3

সেই সময়োত্ দাঙর্ ধর্মগুরু কাইয়াফার ঘরত্ আজল্ ধর্মগুরুগুনে আর যিহূদীগুনোর্ বুড়ো নেতাগুনে এগত্তর্ অলাক্ আর যীশুরে গোপনে ধুরি আনিনে মারে ফেলেবার্ কুজুরোমি গুরিলাক্।

মার্ক 1:2

ভাববাদী যিশাইয় বোইয়োত্ গোজেনর্ কোইয়্যে এ কধাগান্ লেগা আঘে: চাহ্, তঅ আগেদি মুই মর্ হবর্ কোইয়্যেবোরে পাদাঙর্। তে তঅ পথ্‌তান্ যুক্কোল্ গুরিবো।

লূকে লেখ্যে গম্ হবর্ 1:80

পরেদি যোহনে দাঙর্ উয়ো ধুরিলো আর মনেদি দরমর ওই উদো ধুরিলো। ইস্রায়েলীয়গুনো মুজুঙোত্ খুলোমেলা গুরি থেবার্ আগে সং তে ধূল্যেচর-চাগালাত্ এলঅ।

যোহন 1:23

যোহনে কলঅ, “মুয়ই সেই রবুয়ো, যিবে পৌইদ্যেনে ভাববাদী যিশাইয় কোইয়্যে, ধূল্যেচর-চাগালাত্ একজন রঅ দাঙর্ গুরিনে কত্তে, তুমি প্রভুর্ পথতান্ উজু গরঅ।”

যোহন 18:24

সেক্কে হাননে যীশুরে বান্ন্যে অবস্থায় দাঙর্ ধর্মগুরু কাইয়াফা ইধু পাধেই দিলো।

প্রেরিত্‌ 4:6

সিয়েনত্ দাঙর্ ধর্মগুরু হাননে এলঅ। সিগুন বাদে কাইয়াফা, যোহন, আলেক্‌সান্দর আর দাঙর্ ধর্মগুরুগুনোর্ পরিবারর্ অন্য মানুচ্চুনেয়ো এলাক্।