লূকে লেখ্যে গম্ হবর্ 3:13 - Chakma Bible

¹³ যীশু তারারে কলঅ, “আইনোত্ যিয়েন্ আঘে সিত্তুন্ বেশ্ আদায় ন-গোজ্য।”

লূকে লেখ্যে গম্ হবর্ 3:13 Iomraidhean Croise

গীতসংহিতা 18:23

তা মুজুঙোত্ মুই নিদ্দুযি এলুং; মুই পাপত্তুন দূরোত্ থেইয়োং।

গম্ উপদেজ্ 28:13

যে মানুচ্চো নিজোর পাপ গুমুরোত্ রাগায় তার ভালেদি ন-অয়, মাত্তর্ যে সিয়েনি স্বিগের্ গুরিনে ছাড়ি দে তে দোয়্যে পায়।

মীখা 6:8

ও মানুচ্চো, যিয়েনি গম্ সিয়েনি দঅ তে তরে দেগেয়্যে। ন্যায় কাম্ গরানা, গোজেন উগুরে বিশ্বেজি থেবাত্তে কোচ্‌পানা আর তঅ গোজেন লগে নম্রগুরিনে উদোলোলি রোক্ষ্যে গরানা বাদে লগেপ্রভু তইদু আর কিচ্ছু ন-চায়।

মথি লেখ্যে গম্ হবর্ 7:12

তুমি অন্য মানুচ্চুনোত্তুন্ যেবাবোত্যে বেবহার পেবাত্তে চঅ তুমিয়ো তারা লগে সেবাবোত্যে বেবহার গরঅ। ইয়েনই অলঅ মোশির সুদোম আর ভাববাদীগুনোর শিক্ষ্যের্ আজল্ কধা।

লূকে লেখ্যে গম্ হবর্ 19:8

সক্কেয় সিধু থিয়্যেইনে প্রভুরে কলঅ, “প্রভু, মুই মর্ ধন সোম্বোত্তির্ অদ্দেক্ নাঢাগুনোরে দি দুয়োঙর্ আর যুনি কাররে থোগেই থাং সালে সিগুনোর্ চেরগুন্ ফিরেই দোঙর্।”

লূকে লেখ্যে গম্ হবর্ 3:12

কয়েক্কো খাজানা তুলিয়্যে বাপ্তিষ্ম লবাত্তে এইনে যোহনরে কলাক্, “মাষ্টর্‌বাবু, আমি কি গুরিবোং?”

লূকে লেখ্যে গম্ হবর্ 3:14

কয়েক্কো সৈন্যয়ো তারে পুযোর্ গুরিলাক্, “আর আমি কি গুরিবোং?” যীশু সেই সৈন্যগুনোরে কলঅ, “জুলুম্ গুরিনে বা অন্যেয়গুরি দুষ্ দেগেইনে কারত্তুন্ কিচ্চু আদায় ন-গোজ্য আর তমা বেতনুন্দোই হুজি থাগঅ।”

১ করিন্হীয় 6:10

যিগুনে চুর্, লুভী, মাত্তল্, যিগুনে পররে বদ্‌নাঙ্ গরন্ আর যিগুনে জোচ্চোর সিগুনে গোজেন রেজ্যর্ অধিকারী ন-অবাক্।

ইফিষীয় 4:28

যে চুর্ গরে তে আর চুর্ ন-গোরোক, বরং নিজো আঢে গমেডালে কাম্ গোরোক্ যেন অভাবী মানুচ্চুনোরে দিবাত্যে তার্ কিজু থায়।

ইব্রীয় 12:1

সালে দেগা যাত্তে, গোজেন উগুরে বিশ্বেজর্ সাক্ষী ইজেবে বোউত্ মানুচ্‌ আমা চেরোকিত্যেদি ঝাগ্ গুরি আঘন্। ইয়েনত্যে এজঅ, আমি পত্তি ঝাগুলুগ্ জিনিস আর যে পাপ্পানিয়ে সহজে আমারে বেড়েকোরে ধুরিনে সিয়েনিরে দূরোত্ ঠেলি দিইনে মুজুঙেদি জিদেজিত্যে ধাবাদেনাত্ ধৈয্য ধুরিনে ধাবা দিই।