লূকে লেখ্যে গম্ হবর্ 24:25 - Chakma Bible

²⁵ সেক্কে যীশু তারারে কলঅ, “তুমি কিচ্চু ন-বুঝো। তমা মনানি এমন্ বাজে যে, ভাববাদীগুনে যিয়েন কোইয়োন সিয়েন তুমি বিশ্বেজ্ ন-গরঅ।

লূকে লেখ্যে গম্ হবর্ 24:25 Iomraidhean Croise

মথি লেখ্যে গম্ হবর্ 26:24

মান্‌জ্য পুয়োবো পৌইদ্যেনে পবিত্র বোইয়োত্ যেবাবোত্যেগুরি লেগা আঘে ঠিগ্ সেবাবোত্যেগুরি তে মুরি যেবঅ ঠিগ্, মাত্তর্ কি দর্‌‍গরেপারা সেই মানুচ্চো, যে মান্‌জ্য পুয়োবো লগে বেঈমানী গরে! তে মান্‌জ্যর্ জর্ম ন-অলে বরং তাত্যেই গম্ অদঅ।”

মার্ক 16:14

ইয়েনর্ পরেদি যীশু তার্ এগারজন শিচ্চ্য ইধু দেগা দিলো। সেক্কে তারা হানা খাদন্। বিশ্বেজর্ অভাব আর মনানি দরমর বিলি তে তারারে গেইল্ দিলো, কিয়া তে মরণত্তুন্ জেদা ওই উদোনার্ পরেদি যিগুনে তারে দেখ্যন্ সিগুনোর্ কধানি তারা বিশ্বেজ্ ন-গরন্।

মার্ক 7:18

যীশু তারারে কলঅ, “তুমি কি অন্যগুনোত্তুন্ এদক্ অবুঝ্? তুমি কি ন-বুঝো যে, বারেত্তুন্ যিয়েনি মান্‌জ্য ভিদিরে চমে সিয়েনি তারে অসিজি গুরি ন-পারে?

মার্ক 9:19

সেক্কে যীশু কলঅ, “অবিশ্বেজি মানুচ্চুন! আর কয়দিন মুই তমা সমারে থেইম্? কয়দিন তমারে সোজ্য গুরিম্? পুয়োবোরে মইধু আন।”

লূকে লেখ্যে গম্ হবর্ 24:24

সেক্কে আমা সমারে যিগুনে এলাক্ তারাত্তুন্ কয়েকজনে কবরত্ যেইনে মিলেগুনে যেবাবোত্যেগুরি কোইয়োন ঠিগ্ সেবাবোত্যেগুরি দেগিলাক্, মাত্তর্ যীশুরে ন-দেগিলাক্।”

যোহন 5:39

তুমি পবিত্র বোইবো ভারী মনযোগ্ দিইনে পড়অ, কিয়া তুমি মনে গরঅ সিবেলোই উমর্‌অ জিংকানি পেবা। মাত্তর্ সে বোইবো দঅ মত্যেই সাক্ষ্য দে;

১ করিন্হীয় 15:3

মুই নিজে যিয়েন পেয়োং সিয়েন বেগত্তুন্ দরকারী বিষয় ইজেবে তমারেয়ো দুয়োং। সেই বিষয়ান অলঅ ইয়েন-পবিত্র বোইবোর্ কধা মজিম খ্রীষ্ট আমার্ পাপত্যে মোজ্জ্যে,