লূকে লেখ্যে গম্ হবর্ 23:5 - Chakma Bible

⁵ মাত্তর্ তারা জিদ্ গুরিনে কুয়ো ধুরিলাক্, “যিহূদিয়া রেজ্যর্ বেক্ জাগানিত্ শিক্ষ্যে দিইনে ইবে মানুচ্চুনোরে রাগ্ তুলি দিয়্যে। গালীল রেজ্যত্তুন্ ধুরি তে আরাম্ভ গোজ্যে, আর ইক্কিনে ইধু এচ্চ্যে।”

লূকে লেখ্যে গম্ হবর্ 23:5 Iomraidhean Croise

গীতসংহিতা 22:16

মর্ চেরোকিত্তে একদল শদান্ মানুচ্ কুগুরো ধোক্ক্যেন্ মরে ঘিরি ধোজ্যন্; তারা মঅ আঢ্‌‌তানি আর টেঙানিত্ কামেড়েয়োন।

গীতসংহিতা 57:4

পেত্ পরায় পাগল সিংহ ধোক্ক্যেন মান্‌জ্যর্ সংমধ্যে মুই পড়ি আগং; তারার দাত্‌তুন্ যাদি আর শেল ধোক্ক্যেন, আর জিলান্ ধারেয়্যে ছুরি।

গীতসংহিতা 69:4

যিগুনে অকারনে মরে ঈচ্ গরন, তারা জনেদি মর্ চুলানিত্তুন্‌অ বেশ্। যিগুনে মরে ভস্ত গুরি ফেলেবাত্তে চান তারা বেশ্ বোলিবন্দ; তারা মিজে মিজে মর্ শত্রু ওইয়োন। মুই যিয়েন চুর্ ন-গরং সিয়েন্‌অ মত্তুন ফিরেই দিয়্যে পোজ্যে।

মথি লেখ্যে গম্ হবর্ 11:1

যীশু তা বারজন শিচ্চ্যরে উগুম্ দেনা থুম্ গুরিলো। সে পরেদি তে আদামে আদামে শিক্ষ্যে দিবাত্তে আর প্রচার গুরিবাত্তে সিয়োত্তুন গেলঅ।

মথি লেখ্যে গম্ হবর্ 2:1

যিহূদিয়া রেজ্যর্ বৈৎলেহম আদামত্ যীশুর জর্ম ওইয়্যে। সেক্কে রাজা এলদে হেরোদ। পূগেদি দেজত্তুন্ কয়েক্কো পন্ডিত যিরূশালেমত্ এইনে কলাক্,

মথি লেখ্যে গম্ হবর্ 27:24

পীলাতে যেক্কে দেগিলো তে কিচ্চু গুরি ন-পারের্ বরং আরঅ জোল্ অর্, সেক্কে তে পানিলোই মানুচ্চুনো মুজুঙোত্ আঢ্‌তানি ধোইনে কলঅ, “এ মানুচ্চোর্ লো-গানত্তে মুই দায়ী নয়; তুমিই সিয়েন্ বুঝিবা।”

মথি লেখ্যে গম্ হবর্ 4:23

গালীল রেজ্যর্ বেক্ জাগানিত্ ঘুরি ঘুরি যিহূদীগুনোর নানান্ সমাজ-ঘরত্ যীশু শিক্ষ্যে দিয়্যে ধুরিলো। ইয়েনি বাদেয়ো তে স্বর্গ-রেজ্যর্ গম্ হবরানি ফগদাং গুরিবাত্তে আর মানুচ্চুনোর নানান্ বাবোত্যে পীড়ে গম্ গরা ধুরিলো।

মার্ক 1:14

যোহনে জেলখানাত্ বন্দী অনার্ পরেদি যীশু গালীল রেজ্যত্ গেলঅ। সিধু তে এ কধাগান্ কোইনে গোজেনর্ দিয়্যে গম্ হবরান্ ফগদাং গরা ধুরিলো,

লূকে লেখ্যে গম্ হবর্ 11:53

তে সেই জাগায়ান্ ফেলে যেবার অক্তত্ ধর্ম-মাষ্টরুন আর ফরীশীগুনে তা বিরুদ্ধে শত্রুমি গুরিবাত্তে লাক্ক্যন্। নানান্ পৌইদ্যেনে প্রশ্ন পুযোর্ গুরিনে তারে কধা ফালত্ ফেলেবাত্তে তারা বাজ্জেই থাহ্ ধুরিলাক্।

লূকে লেখ্যে গম্ হবর্ 23:23

মাত্তর্ মানুচ্চুনে যীশুরে ক্রুশোত্ দিবাত্যে রঅ ছাড়া ধুরিলাক্ আর যেরেদি তারা রঅ ছাড়িনে জিদিলাক্। পীলাতে মানুচ্চুনো কধা মানি নেযানা ঠিগ্ গুরিলো।

লূকে লেখ্যে গম্ হবর্ 23:6

এ কধাগান্ শুনিনে পীলাতে পুযোর্ গুরিলো যীশু গালীল রেজ্যর্ মানুচ্‌ না কি।

যোহন 1:43

তার্ কেল্যে যীশু ঠিগ্ গুরিলো তে গালীল রেজ্যত্ যেবঅ। সে সময়োত্ যীশু ফিলিপ সমারে দেগা ওইনে তারে কলঅ, “আয়, মঅ শিচ্চ্য অগি।”

যোহন 19:15

সেক্কে তারা রঅ ছাড়িনে কলাক্, “দূর্ গর্, দূর্ গর্; তারে ত্রুুশোত্ দুয়ো।” পীলাতে তারারে কলঅ, “তমা রাজাবোরে কি মুই ত্রুুশোত্ দিম্?” আজল্ ধর্মগুরুগুনে জোব্ দিলাক্, “সম্রাট কৈসর বাদে আমার আর কনঅ রাজা নেই।”

যোহন 2:11

যীশু গালীল রেজ্যর্ কান্না আদামত্ চিহ্নো ইজেবে এই পত্তম আমক্ অবার্ কামান্ গুরিনে নিজোর মহিমাগান্ ফগদাং গুরিলো। ইয়েন্দোই তা শিচ্চ্যগুনে তা উগুরে বিশ্বেজ্ গুরিলাক্।

যোহন 7:41

অন্যগুনে কলাক্, “ইবেই মশীহ।” মাত্তর্ কেঅ কেঅ কলাক্, “মশীহ কি গালীল রেজ্যত্তুন্ এবঅ?

যোহন 7:52

ফরীশীগুনে নীকদীমরে জোব্ দিলাক্, “তুইয়ো কি গালীলো মানুচ্‌? পবিত্র বোইবোত্ তোগেই চাহ্, গালীলোত্ কনঅ ভাববাদীর জোর্মেবার্ কধা নেই।”

প্রেরিত্‌ 10:37

মানুচ্চুনোর যে বাপ্তিষ্ম লনা উচিত্ যোহনে সে কধাগান ফগদাং গুরিবার পরেদি গালীলত্তুন্ ধুরি আরাম্ভ গুরিনে গোদা যিহূদীয়াত্ যিয়েন ঘোট্যে সিয়েন তুমি নিজে হবর্ পঅ।

প্রেরিত্‌ 23:10

সেই কোল্-কোজ্জ্যেগান্ এদক্ দাঙর্ অলঅ যে, আজল্ সেনাপতিবো দোরেলদে যে যুনি তারা পৌলরে কট্টা কট্টা গুরি ফেলান্। তে সৈন্যগুনোরে উগুম্ দিলো যেন তারা যেইনে মানুচ্চুনো আঢত্তুন্ পৌলরে ছাড়েই আনিনে কেম্পত্ নেযান্।

প্রেরিত্‌ 5:33

এ কধাগান শুনিনে সেই নেতাগুনে রাগে আগুন ওই উদিলাক্ আর দিপাধেয়্যে প্রচারক্কুনোরে মারে ফেলেবাত্তে চেলাক্,

প্রেরিত্‌ 7:54

ইয়েনি বেক্‌ কধানি শুনিনে সেই নেতাগুনে রাগে আগুন্ ওই গেলাক্ আর স্তিফান বিরুদ্ধে দাত্ কামাড়া ধুরিলাক্।

প্রেরিত্‌ 7:57

ইয়েন্দোই তারা কানত্ আংগুল্ দিলাক্ আর রঅ ছাড়িনে একসমারে স্তিফান উগুরে ঝাবেই পল্ল্যাক্।