লূকে লেখ্যে গম্ হবর্ 23:23 - Chakma Bible

²³ মাত্তর্ মানুচ্চুনে যীশুরে ক্রুশোত্ দিবাত্যে রঅ ছাড়া ধুরিলাক্ আর যেরেদি তারা রঅ ছাড়িনে জিদিলাক্। পীলাতে মানুচ্চুনো কধা মানি নেযানা ঠিগ্ গুরিলো।

লূকে লেখ্যে গম্ হবর্ 23:23 Iomraidhean Croise

গীতসংহিতা 57:4

পেত্ পরায় পাগল সিংহ ধোক্ক্যেন মান্‌জ্যর্ সংমধ্যে মুই পড়ি আগং; তারার দাত্‌তুন্ যাদি আর শেল ধোক্ক্যেন, আর জিলান্ ধারেয়্যে ছুরি।

সখরিয় 11:8

এক মাস ভিদিরে মুই তিনজন গরগরে দূর্ গুরি দিলুং। পরেদি সেই পাল্লো মরে ঈস্ গরা ধুরিলো আর মুইয়ো তারারে নিইনে বল্‌পোজ্যে ওই পুড়িলুং।

মার্ক 14:31

মাত্তর্ পিতরে আরঅ জোর্ দিইনে কলঅ, “মত্তুন্ যুনি তঅ সমারে মরায়ো পড়ে তো মুই কনদিন্অ ন-কোম্, মুই তরে ন-চিনোং।” সেক্কেনে অন্য শিচ্চ্যগুনেয়ো বেক্কুনে সেই একই কধা কলাক্।

লূকে লেখ্যে গম্ হবর্ 23:22

পীলাতে তিনবার্ মানুচ্চুনোরে কলঅ, “কিত্তে, এ মানুচ্চো কি দুষ্ গোজ্যে? মুই দঅ তার্ কনঅ দুষ্ ন-দেগঙর্ যিয়েন্দোই তারে মরণর্ সাজা দিয়্যে যায়। সেনত্তে তারে মুই অন্য সাজা দেনার্ পর্ ইরি দিম্।”

লূকে লেখ্যে গম্ হবর্ 23:24

উল্লোমী আর খুনোত্যে যিবেরে জেলোত্ দিয়্যে ওইয়্যে মানুচ্চুনে তারে চেইয়োন্; সেনত্তে পীলাতে সে মানুচ্চোরে ইরি দিলো আর মানুচ্চুনোর্ আওজ্ মজিম্ যীশুরে মারে ফেলেবাত্যে তারা আঢত্ দিলো।

লূকে লেখ্যে গম্ হবর্ 23:5

মাত্তর্ তারা জিদ্ গুরিনে কুয়ো ধুরিলাক্, “যিহূদিয়া রেজ্যর্ বেক্ জাগানিত্ শিক্ষ্যে দিইনে ইবে মানুচ্চুনোরে রাগ্ তুলি দিয়্যে। গালীল রেজ্যত্তুন্ ধুরি তে আরাম্ভ গোজ্যে, আর ইক্কিনে ইধু এচ্চ্যে।”