লূকে লেখ্যে গম্ হবর্ 23:2 - Chakma Bible

² তারা ইয়েন্ কোইনে যীশুর্ বিরুদ্ধে নালিচ্‌ গরা ধুরিলাক্, “আমি দেক্ক্যেই, এ মানুচ্চো সরকারর্ বিরুদ্ধে আমা মানুচ্চুনোরে নেযার্। তে সম্রাটরে খাজানা দিবাত্যে মানা গরে আর কয় তে নিজেই মশীহ, এক্কো রাজা।”

লূকে লেখ্যে গম্ হবর্ 23:2 Iomraidhean Croise

১ রাজাবলী 18:17

এলিয়রে দেগিনে আহাবে কলঅ, “ও ইস্রায়েলর কাদা, ইবে কি তুই?”

গীতসংহিতা 35:11

অত্যেচারিগুনে মিজে সাক্ষি দিবাত্তে উজেই এত্তন্, আর মুই যিয়েনি হবর্ ন-পাং সে পৌইদ্যেনে মরে পুযোর্ গত্তন্।

গীতসংহিতা 62:4

তার দাঙর্ পথ্‌তানত্তুন্ তারে তলেন্দি লামেই দেনা তারার বানা এক্কান ফন্দি; মিজে কধালোই তারার ফুত্তি। মুয়োন্দি তারা বর্ দুয়োন্ মাত্তর্ মনেদি অভিশাব্ দুয়োন।

যিরমিয় 20:10

মঅ চেরোকিত্তেদি অমকদ দর্, কিত্তে মুই এ কধানি বোউত্ মানজ্যে চুবে চুবে গুরি কধে শুনোং, “তা নাঙে আবিত্তি গরঅ; আমি তা নাঙে আবিত্তি গুরিই।”‌‌‍‍ মর্ বেক সমাজ্যেগুনে ইয়েন কোইনে মুই বিজিদি যেবাত্তে বাজ্জেই আগন, “অয়ত আমি তারে ঠোগেই পারিবোং, আর সেক্কে আমি তা উগুরে জিদিবোং আর হেনা সুজিবোং।”

যিরমিয় 38:4

সেক্কে রাজার চাগরুনে রাজারে কলাক্, “এ মানুচ্চোরে মারে ফেলানা উজিত্। যিদুক্কুন সৈন্য আর মানুচ্ এ শঅরত্ আগন্ তে এই কধানি কোইনে তারারে আমক্ গুরি দের্। তে এ মানুচ্চুনোর ভালেদি ন-চেইনে অমংগল চার্।”

আমোষ 7:10

পরেদি বৈথেল ধর্মগুরু অমৎসিয় ইস্রায়েল রাজা যারবিয়াম ইধু এ হবরান পাদেল, “আমোষে ইস্রায়েল ভিদিরে তঅ বিরুদ্ধে এক্কান কুজুরোমী গোজ্যে। দেজ মানুচ্চুনে তার কনঅ কধা সোজ্য গুরি ন-পারদন্।

সখরিয় 11:8

এক মাস ভিদিরে মুই তিনজন গরগরে দূর্ গুরি দিলুং। পরেদি সেই পাল্লো মরে ঈস্ গরা ধুরিলো আর মুইয়ো তারারে নিইনে বল্‌পোজ্যে ওই পুড়িলুং।

মথি লেখ্যে গম্ হবর্ 17:27

মাত্তর্ আমা বেবহারে খাজানা-তুলিয়্যেগুনে যেন অগমান্ ন-পান্ ইয়েনত্তে তুই সাগরত্ যেইনে বুড়্‌শি ফেলা, আর পত্তমে যে মাছ্‌‌চো উদিবো সিবের্ মুয়োন্ খুলিলে এক্কো রূবোর্ দীনার্ পেবে। সিবে লোইনে তর্ আর মর্ খাজানাগুন্ দি আয়।”

মথি লেখ্যে গম্ হবর্ 22:21

তারা কলাক্, “রোম-সম্রাটর্।” যীশু তারারে কলঅ, “সালে যিবে সম্রাটর্ সিবে সম্রাটরে দুয়ো, আর যিবে গোজেনর্ সিবে গোজেনরে দুয়ো।”

মথি লেখ্যে গম্ হবর্ 27:11

ইন্দি যীশু সেক্কে আজল্ শাসনগুরিয়্যে পীলাত মুজুঙোত্ থিয়্যেই এলঅ। শাসনগুরিয়্যেবো তারে পুযোর্ গুরিলো, “তুই কি যিহূদীগুনোর্ রাজা?” যীশু জোব্ দিলো “তুই ঠিগই কর্।”

মার্ক 12:17

যীশু তারারে কলঅ, “যিবে সম্রাটর সিবে সম্রাটরে দুয়ো, আর যিবে গোজেনর্ সিবে গোজেনরে দুয়ো।” যীশুর এ কধাগান্দোই তারা আমক্ ওই গেলাক্।

মার্ক 15:2

সেক্কে পীলাতে যীশুরে পুযোর্ গুরিলো, “তুই কি যিহূদীগুনোর্ রাজা?” যীশু জোব্ দিলো, “তুই ঠিগ্ কধা কোইয়োচ্।”

লূকে লেখ্যে গম্ হবর্ 23:14

“তুমি এ মানুচ্চোরে এ দুচ্‌চান্ দিইনে মইধু আন্ন্য, মানুচ্চুনোরে তে সরকার বিরুদ্ধে নেযার্। মাত্তর্ তারে মুই তমা মুজুঙোত্ জেরা গোজ্যং। তুমি তা বিরুদ্ধে যেদক্কানি দুচ্ দুয়োর্ সিয়েনর্ এক্কানত্-অ তে দুষি বিলি প্রমাণ ন-পাং।

লূকে লেখ্যে গম্ হবর্ 23:5

মাত্তর্ তারা জিদ্ গুরিনে কুয়ো ধুরিলাক্, “যিহূদিয়া রেজ্যর্ বেক্ জাগানিত্ শিক্ষ্যে দিইনে ইবে মানুচ্চুনোরে রাগ্ তুলি দিয়্যে। গালীল রেজ্যত্তুন্ ধুরি তে আরাম্ভ গোজ্যে, আর ইক্কিনে ইধু এচ্চ্যে।”

যোহন 18:29

সেক্কে পীলাতে বারেদি তারা ইধু এইনে কলঅ, “এ মানুচ্চোরে তুমি কি দুজে দুষী গরর্?”

যোহন 18:30

যিহূদী নেতাগুনে কলাক্, “ইতে যুনি বজং কাম ন-গত্ত সালে আমি তারে তঅ ইধু ন-আনিদোং।”

যোহন 19:12

এ কধাগান্ শুনিনে পীলাতে যীশুরে ইরি দিবার্ চেষ্টা গরা ধুরিলো, মাত্তর্ যিহূদী নেতাগুনে রঅ ছাড়িনে কলাক্, “তুই যুনি এ মানুচ্চোরে ইরি দুয়োচ্ সালে তুই সম্রাট কৈসরর্ সমাজ্যে নয়। যে কেঅ নিজোরে রাজা বিলি দাবি গরে তে দঅ সম্রাট কৈসরর্ শত্রু।”

প্রেরিত্‌ 24:13

ইক্কিনে মঅ বিরুদ্ধে তারা যে দুষ্‌চান দেগাদন্ সিয়েনর্ প্রমাণ তারা তইধু দি ন-পারিবাক্।

প্রেরিত্‌ 24:5

“আমি দেক্ক্যেই এ মানুচ্চো এক্কো ফি-বলা; আমিযে তে যাগুলুগ্ বাজেই দি থায়। গোদা পিত্‌থিমীর্ যিহূদীগুনো ইধু তে যাগুলুগ্ বাজেই দিইনে বেড়ায়। তে নাসরতীয় নাঙে এক্কো ধর্ম-বিরুদ্ধ দলর্ নেতা।

রোমীয় 13:7

যার্ যিয়েন পাওনা তারে সিয়েন দে। যে খাজানা তুলে তারে খাজানা দে; যে সরকারি কর্ তুলে তারে সরকারি কর্ দে; যারে শ্রদ্ধা গরানা উচিত্ তারে শ্রদ্ধা গরঅ; যারে সর্মান গরানা উচিত্ তারে সর্মান গরঅ।