লূকে লেখ্যে গম্ হবর্ 23:19 - Chakma Bible

¹⁹ এ বারাব্বারে শঅর ভিদিরে বিদ্রোহী আর খুনোখুনিত্যে জেলোত্ দিয়্যে ওইয়্যে।

লূকে লেখ্যে গম্ হবর্ 23:19 Iomraidhean Croise

মার্ক 15:7

সেই সময়োত্ বারাব্বা নাঙে এক্কো মানুচ্ জেল্‌খানাত্ বন্দী এলঅ। বিদ্রোহর্ সময়োত্ তে বিদ্রোহীগুনো সমারে থেইনে খুন্ গোজ্যে।

লূকে লেখ্যে গম্ হবর্ 23:18

বেক্ মানুচ্চুনে একসমারে রঅ ছাড়িনে কুয়ো ধুরিলাক্, “তারে মারে ফেলঅ, তা বদলে বারাব্বারে আমা ইধু ইরি-দুয়ো।”

লূকে লেখ্যে গম্ হবর্ 23:2

তারা ইয়েন্ কোইনে যীশুর্ বিরুদ্ধে নালিচ্‌ গরা ধুরিলাক্, “আমি দেক্ক্যেই, এ মানুচ্চো সরকারর্ বিরুদ্ধে আমা মানুচ্চুনোরে নেযার্। তে সম্রাটরে খাজানা দিবাত্যে মানা গরে আর কয় তে নিজেই মশীহ, এক্কো রাজা।”

লূকে লেখ্যে গম্ হবর্ 23:20

মাত্তর্ পীলাতে যীশুরে ইরি দিবাত্তে চেয়্যে, সেনত্তে তে মানুচ্চুনোরে আরঅ সে একই কধা কলঅ।

লূকে লেখ্যে গম্ হবর্ 23:5

মাত্তর্ তারা জিদ্ গুরিনে কুয়ো ধুরিলাক্, “যিহূদিয়া রেজ্যর্ বেক্ জাগানিত্ শিক্ষ্যে দিইনে ইবে মানুচ্চুনোরে রাগ্ তুলি দিয়্যে। গালীল রেজ্যত্তুন্ ধুরি তে আরাম্ভ গোজ্যে, আর ইক্কিনে ইধু এচ্চ্যে।”

প্রেরিত্‌ 21:38

মিসর্ দেজর্ যে মানুচ্চো কয়েক দিন আগে উল্লোমি আরাম্ভ গুরিনে চের্ আজার্ খুনী বিদ্রোহীরে ধূল্যেচরত্ নেযেয়্যে, তুই কি সালে সেই মানুচ্চো নয়?”

প্রেরিত্‌ 3:14

তুমি সেই পবিত্র আর ন্যায়বলা মানুচ্চোরে অস্বীগের্ গুরিনে এক্কো খুনীরে তমা ইধু ইরি দিবাত্তে কোইয়ো।