লূকে লেখ্যে গম্ হবর্ 22:19 - Chakma Bible

¹⁹ সে পরেদি তে রুটি লোইনে গোজেনরে ভালেদি জানেল। যেরেদি সেই রুটিগান্ কট্টা কট্টা গুরিনে শিচ্চ্যগুনোরে দিইনে কলঅ, “ইয়েন মর্ কিয়্যে যিয়েন্ তমাত্যে দিয়্যে অবঅ। মরে ইদোত্ তুলিবাত্যে এবাবোত্যে গোজ্য।”

লূকে লেখ্যে গম্ হবর্ 22:19 Iomraidhean Croise

গীতসংহিতা 111:4

তে তার্ আমক্ অইদে কামানি নাঙ্ গিনেদে ধোক্ক্যেন্ রাগেল; তে দোয়্যে-মেয়্যেন্দি ভরা।

পরমগীত 1:4

মুই রাজারে কলুং, “তুই মরে তঅ সমারে নেযা; আঢিচ্, আমি যাদিমাদি যেই।” তে মরে তা ঘরত্ নেযেল। আমি তরে নিইনে ফুত্তি গুরিবোং আর হুজি অবং; আংগুর-রসত্তুন্ বেশ্ তঅ কোচ্‌পানাগান বাঈনী গুরিম্। তারা যে তরে কোচ্‌পান সিয়েন্ ঠিগই গরন্।

যিহিষ্কেল 37:11

সে পরেদি তে মরে কলঅ, “ও মান্‌‌‌‌‌‌জ্যর পুয়োবো, এই আড়ুন্ অলাক্ গোদা ইস্রায়েল জাত্তো। তারা কদন্, আমা আড়ুন শুগেই যেইয়োন আর আমা আজায়ো যেয়্যেগোই; আমি মুরি যেইয়্যেই।

যিহিষ্কেল 5:5

মুই প্রভু লগেপ্রভু কঙর্, ইয়েন অলঅ যিরূশালেম। তারে মুই জাদ্‌‌তুনো সংমোধ্যে থিদেবর্ গোজ্যং; তা চেরোকিত্তে রোইয়্যেদে নানান্ দেজ্।

দানিয়েল 2:38

তঅ আঢত্ তে মানুচ্, য়েমান আর পেগ্‌‌‌‌কুনোরে দিয়্যে। তারা যিদু বজত্তি গুরিদাক্ সাৎ তে তারারে বেক্কুনোরে তঅ অধীনোত্ গোজ্যে। তুয়ই সেই সোনার মাঢাবো।

লূকে লেখ্যে গম্ হবর্ 22:17

ইয়েন পরেদি যীশু গলজ্‌সো নিলো আর গোজেনরে ভালেদি জানেইনে কলঅ, “তমা ভিদিরে ইয়েন ভাগ্ গুরি নেযঅ,

লূকে লেখ্যে গম্ হবর্ 22:20

হানার্ পরেদি সেবাবোত্যেগুরি তে গলচ্চো তারারে দিইনে কলঅ, “মঅ লো-গান্দোই গোজেনর্ যে নুয়ো সুদোমান্ অদে অদে গরা অবঅ সে সুদোমানর্ চিহ্নোগান্ অলঅ এ গলজ্‌সো। মর্ এ লো-গান তমাত্যে দিয়্যে অবঅ।

লূকে লেখ্যে গম্ হবর্ 24:30

যেক্কে তে তারা সমারে হেবাত্যে বুজিলো সেক্কে রুটি লোইনে গোজেনরে ভালেদি জানেল আর সিয়েন্ কট্টা গুরিনে তারারে দিলো।

যোহন 6:23

মাত্তর্ যিয়েনত্ প্রভু ভালেদি জানেবার্ পরেদি মানুচ্চুনে রুটি হেইয়োন্ সে জাগান কায় সেক্কে তিবিরিয়া শঅরত্তুন্ কয়েক্কান নঅ লুমিলোগি।

যোহন 6:51

মুয়ই সেই জিংকানি-রুটিগান্ যিয়েন স্বর্গত্তুন্ লামি এচ্চ্যে। এ রুটিগান্ যে হেবঅ তে উমরত্তে জিংকানি পেবঅ। মঅ কিয়্যেগানই সেই রুটিগান্। মান্‌জ্যে যেন জিংকানি পান্ সেনত্তে মুই মর্ এ কিয়্যেগান্ দিম্।”

১ করিন্হীয় 10:16

প্রভুর্ ভোজ সময়োত্ ভালেদি জানেইনে যে অাশিদ্‌বাদ গলজত্তুন্ আমি হেই, সিয়েন কি খ্রীষ্টর্ লো-গান ভাগ্ লনা ধোক্ক্যেন নয়? আর যে রুটিগানি আমি কট্টা গুরিনে হেই সিয়েন কি খ্রীষ্টর্ কিয়্যের্ ভাগ্ লনা ধোক্ক্যেন নয়?

গালাতীয় 1:4

আমার গোজেন আর বাবার্ আওজ্ মজিম খ্রীষ্ট আমা পাপত্যে নিজো জিংকানিগান দিয়্যে, যেন তে ইক্কুনু এ ভান্ন্যেই জগদর্ আঢত্তুন্ আমারে রোক্ষ্যে গুরি পারে।

গালাতীয় 4:25

হাগার আরব দেজর্ সিনাই মুড়োবোরে বুঝোয়। হাগার ইধুগোর্ যিরুশালেমর এক্কান ফোটু ধোক্ক্যেন্, কিয়া যিরূশালেমান তার্ পুয়ো-ছাগুনোরে নিইনে চাগরাণি ওইয়্যে।

ইফিষীয় 5:2

খ্রীষ্ট যেধোক্ক্যেন গুরি আমারে কোচ্‌পেইয়্যে আর আমাত্যে গোজেনর্ উদ্দেচ্চ্যে তুমবাচ্‌‌‌‌বলা উৎসর্ব ইজেবে নিজোরে দিয়্যে, ঠিগ সেবাবোত্যেগুরি তুমিয়ো কোচ্‌পানার পধেদি চলঅ।

১ থিষলনীকীয় 5:18

আর যে কনঅ অবস্থাত্ গোজেনরে ভালেদি জানেয়ো; কিয়া খ্রীষ্ট যীশুর মাধ্যমে তমাত্যে সিয়েনই গোজেনর্ আয়োজ।

তীত 2:14

যীশু খ্রীষ্ট আমাত্যে নিজো জিংকানিগান দিয়্যে, যেন বেক্‌ পাপ্‌পানিত্তুন আমারে উদ্ধোর্ গুরি পারে আর সিয়েন্দোই এমন্‌ এক দল মান্‌জ্যরে সিজি গুরি পারে যিগুনে বানা তা মানুচ্ অবাক্ আর যিগুনে অন্যগুনোরে উপকার গুরিবাত্যে আয়োজি অবাক্।

১ পিতর 2:24

তে ক্রুশো উগুরে নিজোর কিয়্যেগান্দোই আমার পাপর্ ভারান্ বুয়োল, যেন আমি পাপর দাবি-দেনা ইধু মুরিনে গোজেনর্ আওজ্‌ মজিম চলিবাত্যে বাঁজি থেই। তার্ কিয়্যেগানর্ ঘা গানিয়ে তমারে গম গোজ্জ্যে।