লূকে লেখ্যে গম্ হবর্ 21:25 - Chakma Bible

²⁵ “সেক্কে বেলান্, চানান্ আর তারাগুনো ইধু বোউত্ চিহ্নো দেগা যেবঅ। পিত্‌থীমিত্ বেক জাদ্‌তুনে দুঘ্ পেবাক্ আর দোজ্যে সাগরর্ গুজুরোনি আর তুবোলত্তে তারা অমকদ থির্ নেইয়্যে অবাক্।

লূকে লেখ্যে গম্ হবর্ 21:25 Iomraidhean Croise

যিশাইয় 13:10

সেক্কে আগাজত্ তারা আর নক্ষত্রগুনে পহ্‌র ন-দিবাক্; বেলান্ উদিবার অক্তত্অ আন্ধার থেবঅ আর চানানেয়ো পহ্‌র ন-দিবো।

যিশাইয় 17:12

হায় হায়, বোউত্ মান্‌জ্যর রঅ শুনো যার্! গুজুরি উঠ্যে সাগর ধোক্ক্যেন জাদ্‌‍‍তুনে গুজুরোদন্। জাদ্‌তুনোর জদবদে রঅ ছাড়ানাগানি শুনো যার্। দর্‌‍‍‍‍গরেপারা বান পানির গুজুরোনি ধোক্ক্যেন তারা রঅ ছাড়দন্।‍

যিশাইয় 24:23

চানানে আমক্ অবঅ আর বেলানে লাজেব, কিত্তে বেগত্তুন্ খেমতাবলা লগেপ্রভু সিয়োন মুড়োবোত্ আর যিরূশালেমত্ রাজাগিরি গুরিবো, আর তার বুড়ো নেতাগুনে তার মহিমাগান দেগিবাক্।

যিশাইয় 5:30

সেদিন্যে তারা সাগর গুজুরোনি ধোক্ক্যেন্ গুরি লগেপ্রভু মানুচ্চুনো উগুরে গুজুরি উদিবাক্। কনজনে যুনি সেক্কে দেজ ইন্দি রিনি চায় সালে তে দেগিবোদে আন্ধার আর দুঘ্; এমন কি, পহ্‌রান্অ মেঘে ঢাগিনে আন্ধার্ ওই যেবঅ।

যিশাইয় 51:15

মুয়ই লগেপ্রভু, তমা গোজেন। মুই সাগরানরে লাড়িলে তার তুবোলানিয়ে গুজুরি উদে। মঅ নাঙান বেগত্তুন্ খেমতাবলা লগেপ্রভু।

যিরমিয় 4:23

মুই পিত্‌‌‍থিমীগান ইন্দি রিনি চেলুং; সিয়েন মাজারায়ো নেই আর খালি; আগাজ ইন্দি রিনি চেলুং, সিয়েনত্ পহ্‌র নেই।‌‍

দানিয়েল 12:1

“সেই সময়োত্ তঅ মানুচ্চুনোরে রোক্ষ্যে গুরিয়্যে দাঙর্ স্বর্গদূত মীখায়েলে তমা তপ্পে থিয়্যেব। এমন এক্কো দুঘো সময় এবঅ যিবে তঅ জাদর্ আরাম্ভত্তুন্ ধুরি সেই সময় সং কনদিন্‌অ ন-অয়। মাত্তর্ সেই সময় তঅ মানুচ্চুনো ভিদিরে যিগুনোর নাঙানি বোইয়ো ভিদিরে লেখ্যে থেবঅ তারা উদ্ধোর্ পেবাক্।

মীখা 7:4

তারা ভিদিরে বেগত্তুন গম্ মানুচ্চুনে কাদাঝুবো ধোক্ক্যেন, বেগত্তুন্ গম্ মানুচ্চুনে কাদা গাজর্ বেড়াত্তুন্‌অ বেশ্ বজং। তমা চুগিদারুনোর্ ফগদাং গুরিবার দিন, তমার্ সাজার দিন্নো লুম্মেগি। ইক্কিনে তমার্ বুদ্ধিনেইয়্যে অবার্ সময়।

মথি লেখ্যে গম্ হবর্ 24:29

সেই সময়োত্ দুঘোর্ ঠিগ্ পরেদি বেলান্ আন্ধার্ ওই যেবঅ, চানানে আর পহর্ ন-দিবো, তারাগুন্ আগাজত্তুন্ খুয়োই পড়িবাক্ আর চানান্-বেলান্-তারাগুন্ আর থির্ ন-থেবাক্।

মথি লেখ্যে গম্ হবর্ 27:45

সেদিন্ন্যে দিবুজ্যে বারটাত্তুন্ ধুরি বেল্যেমাদান্ তিন ঘন্টা সং গোদা দেজ্‌চান আন্ধারে ঢাক্যে এলঅ।

মার্ক 13:24

সেই সময়োত্ দুঘোর্ ঠিগ্ পরেদি বেলান্ আন্ধার্ ওই যেবঅ, চানানে আর পহর্ ন-দিবো,

মার্ক 13:26

সে সময়োত্ মানুচ্চুনে মান্‌‌জ্যপুয়োবোরে দাঙর্ খেমতালোই আর মহিমালোই মেঘ ভিদিরে পিত্‌‌থিমীত্ এবাত্তে দেগিবাক্।

মার্ক 15:33

সেদিন্ন্যে দিবুজ্যে বারটাত্তুন্ ধুরি বেল্যেমাদান্ তিন ঘন্টা সং গোদা দেজ্‌চান আন্ধারে ঢাক্যে এলঅ।

লূকে লেখ্যে গম্ হবর্ 21:24

লাম্বা ছুড়িলোই তারারে মারে ফেলা অবঅ আর বেক জাদ্‌তুনো ইধু তারা বন্দী ইজেবে ছিদি থেবাক্। যেদক্ দিন সং অযিহূদীগুনো সময়বো ন-পুরায় সেদক্ দিন সং অযিহূদীগুনে যিরূশালেমানরে তারার্ ঠেংঅ পাদালোই উরিবাক্।

লূকে লেখ্যে গম্ হবর্ 21:26

জগদত্ কি এজের্ ভাবিনে দরে মান্‌জ্যে মুজ্জ্য যেবাক্, কিয়া বেলান্-চানান্-তারাগুন্ ইগুন্ আর থির্ ন-থেবাক্।

প্রেরিত্‌ 2:19

মুই উগুরে আগাজত্ আমক্ আমক্ ঘটনা দেগেম্, আর তলেদি পিত্‌থিমীত নানান্ বাবোত্যে চিহ্নো দেগেম্, অত্তাৎ লো, আগুন আর বোউত্ ধূমো দেগেম্।

ফগদাং পেইয়্যে 20:11

সিয়েন পরেদি মুই এক্কান দাঙর্ ধুব্ সিংহাসন আর সিয়েন উগুরে একজনরে বৈ থাগদে দেগিলুং। তা মুজুঙোত্তুন্ পিত্‌থিমীগান আর আগাজ্‌চান ধেই গেলঅ, তারার্ জাগায়ান আর কনমিক্ক্যে ন-থেলঅ।