লূকে লেখ্যে গম্ হবর্ 20:1 - Chakma Bible

^1-2 একদিনোত্ যেক্কেনে যীশু উবোসনা-ঘরত্ মানুচ্চুনোরে শিক্ষ্যে দের্ আর গম্ হবর্ ফগদাং গরের্ । এমন্ সময়োত্ আজল্ ধর্মগুরুগুনে আর ধর্ম-মাষ্টরুনে বুড়ো নেতাগুনো সমারে এইনে যীশুরে কলাক্, “কন্ অধিকারে তুই ইয়েনি গরর্ আর কন্না তরে এই অধিকারান্ দিয়্যে, সিয়েন আমারে কঅ।”

লূকে লেখ্যে গম্ হবর্ 20:1 Iomraidhean Croise

মথি লেখ্যে গম্ হবর্ 26:55

পরেদি যীশু মানুচ্চুনোরে কলঅ, “মুই কি ডাগেত্, তুমি ছুরি আর মুগোর্‌লোই মরে ধুরিবাত্তে এচ্চো? মুই পত্তিদিন্ উবোসনা-ঘরত্ বুয়োইনে শিক্ষ্যে দিদুং, আর সেক্কে দঅ তুমি মরে ন-ধরঅ।

লূকে লেখ্যে গম্ হবর্ 8:1

পরেদি যীশু আদামে আদামে আর শঅরে শঅরে ঘুরিনে গোজেন রেজ্যর্ গম্ হবর্ ফগদাং গরা ধুরিলো। তা সমারে তার্ বারজন শিচ্চ্য আর কয়েক্কো মিলেয়ো এলাক্। এ মিলেগুনে ভান্ন্যেই আত্মার্ আঢত্তুন্ রেহাই পেইয়োন আর পীড়েত্তুন্ গম্ ওইয়োন্। ইগুনে অলাক্ মরিয়ম, যিবেরে মগ্‌দলীনী কুয়ো অদঅ আর যিবে ভিদিরেত্তুন্ সাত্তো আত্মা নিগিলি যেইয়োন্;

যোহন 18:20

যীশু জোবত্ কলঅ, “মুই মানুচ্চুনো ইধু খুলোমেলা গুরি কধা কোইয়োং। যিয়েনত্ যিহূদীগুনে বেক্কুনে একসমারে এগত্তর্ অন্ সেই বেক্ সমাজ-ঘরানিত্ আর উবোসনা-ঘরত্ মুই নিত্য শিক্ষ্যে দুয়োং। মুই দঅ গুমুরো কধা কিচ্চু ন-কং;

প্রেরিত্‌ 4:1

পিতর আর যোহনে যেক্কে মানুচ্চুনো সমারে কধা কদন্ সেক্কে ধর্মগুরুগুনে, উবোসনা-ঘরর্ আজল্ কামগুরিয়্যেবো আর সদ্দূকীগুনে তারা ইধু এলাক্।

প্রেরিত্‌ 6:12

এবাবোত্যেগুরি তারা মানুচ্চুনোরে, বুড়ো নেতাগুনোরে আর ধর্ম মাষ্টরুনোরে রাগ্ তুলি দিলাক্ আর স্তিফানরে ধুরিনে দাঙর্ তেম্মাঙ মুজুঙোত্ আনিলাক্।