লূকে লেখ্যে গম্ হবর্ 2:47 - Chakma Bible

⁴⁷ যিগুনে যীশুর্ কধা শুনোদন্ তারা বেক্কুনে তা বুদ্ধিগান্ দেগিনে আর তা জোব্‌পানি শুনিনে আমক্ ওইয়োন্।

লূকে লেখ্যে গম্ হবর্ 2:47 Iomraidhean Croise

গীতসংহিতা 119:99

মর্ বেক মাস্তরুনোত্তুন্ বেশ্ মুই জ্ঞানবলা, কিত্তে তর্ বেক কধানিলোই মুই ধ্যান গরং।

মথি লেখ্যে গম্ হবর্ 13:54

সে পরেদি নিজো আদামত্ যেইনে তে সমাজ-ঘর মানুচ্চুনোরে শিক্ষ্যে দিয়্যে ধুরিলো। তা কধা শুনিনে মানুচ্চুনে আমক্ ওইনে কলাক্, “এই জ্ঞানান্ আর এই বেক্ আমক্ কামানি গুরিবার খেমতা তে কুত্তুন্ পেলঅ?

মথি লেখ্যে গম্ হবর্ 22:33

এ কধাগান্ শুনিনে মানুচ্চুনে তা শিক্ষ্যেলোই আমক্ অলাক্।

মথি লেখ্যে গম্ হবর্ 7:28

যীশু যেক্কে কধা কনা থুম্ গুরিলো সেক্কে মানুচ্চুনে তা শিক্ষ্যেলোই আমক্ ওই গেলাক্,

মার্ক 1:22

মানুচ্চুনে তা শিক্ষ্যেলোই আমক্ ওই গেলাক্, কিয়া তে ধর্ম-মাষ্টরুনো ধোক্ক্যেন্ শিক্ষ্যে ন-দের্ বরং যিবের্ অধিকার আঘে সেবাবোত্যে মান্‌জ্য ধোক্ক্যেন শিক্ষ্যে দের্।

মার্ক 11:18

আজল্ ধর্মগুরুগুনে আর ধর্ম-মাষ্টরুনে এ কধাগান শুনিনে যীশুরে মারে ফেলেবার্ পথ্‌তান্ তগা ধুরিলাক্। তারা যীশুরে দোরেদাক্, কিয়া মানুচ্চুনে যীশুর্ শিক্ষ্যেলোই আমক্ ওই যেইয়োন্।

মার্ক 6:2

আর তা শিচ্চ্যগুনেয়ো তা সমারে গেলাক্। জিরেবার্ দিনোত্ তে সমাজ-ঘরত্ যেইনে শিক্ষ্যে দিয়্যে ধুরিলো। বোউত্ মানুচ্ তা কধা শুনিনে আমক্ ওইনে কুয়ো ধুরিলাক্, “এ মানুচ্চো কুত্তুন্ ইয়েনি পেলঅ? এই যে জ্ঞানান্ তারে দিয়্যে ওইয়্যে, ইয়েনই বা কি? আরঅ তে আমক্ আমক্ কাম্অ গরের্।

লূকে লেখ্যে গম্ হবর্ 2:18

গরগ্‌কুনো কধা শুনিনে বেক্কুনে আমক্ অলাক্;

লূকে লেখ্যে গম্ হবর্ 2:46

যেরেদি তিন দিন পরেদি তারা তারে উবোসনা-ঘরত্ পেলাক্। তে মাষ্টরুনো সংমোধ্যে বোইনে তারার্ কধানি শুনের্ আর তারারে নানান্ কধা পুযোর্ গরের্।

লূকে লেখ্যে গম্ হবর্ 4:22

মানুচ্চুনে বেক্কুনে তারে নাঙ্ গিনিলাক্ আর তা মুয়োদি এই দোল্ দোল্ কধানি শুনিনে আমক্ অলাক্, “ইবে কি যোষেফর্ পুয়োবো নয়?”

লূকে লেখ্যে গম্ হবর্ 4:32

তা শিক্ষ্যেলোই মানুচ্চুনে আমক্ অলাক্, কিয়া তে এমন মান্‌জ্য ধোক্ক্যেন্ কধা কোইয়্যে যিবের্ অধিকার আঘে।

যোহন 7:15

“এ মানুচ্চো কনঅ শিক্ষ্যে ন-পেইনে কিবাবোত্যেগুরি ইয়েনি পৌইদ্যেনে কোই পারে?”

যোহন 7:46

সেই চাগরুনে কলাক্, “মানুচ্চো যেবাবোত্যেগুরি কধা কয় সেবাবোত্যেগুরি আর কেঅ কনদিন্অ কধা ন-কয়।”