লূকে লেখ্যে গম্ হবর্ 2:40 - Chakma Bible

⁴⁰ চিজি যীশু বয়জে দাঙর্ ওইনে খেমতাবলা ওই উদিলো আর জ্ঞানে ভরপুর্ উয়ো ধুরিলো। তা উগুরে গোজেনর্ আশিদ্‌বাদ এলঅ।

লূকে লেখ্যে গম্ হবর্ 2:40 Iomraidhean Croise

গীতসংহিতা 22:9

মা পেদত্তুন্ তুয়ই মরে নিগিলেই আন্যচ্; যেক্কেনে মুই মা দুধ হেদুং সেক্কেনে তঅ উগুরে মর্ বিশ্বেজ্‌ছান তুয়ই জাগেয়োচ্।

গীতসংহিতা 45:2

মানুচ্চুনো ভিদিরে তুই অমকদ দোল্; তর্ দ্বিবে ঠুদোর কধা মধুলোই ভিজেয়্যে; গোজেনর উমরর্ আশিদ্‌‌বাদ্‌‌তান তঅ উগুরে ঝুরি পড়ের্।

লূকে লেখ্যে গম্ হবর্ 1:80

পরেদি যোহনে দাঙর্ উয়ো ধুরিলো আর মনেদি দরমর ওই উদো ধুরিলো। ইস্রায়েলীয়গুনো মুজুঙোত্ খুলোমেলা গুরি থেবার্ আগে সং তে ধূল্যেচর-চাগালাত্ এলঅ।

লূকে লেখ্যে গম্ হবর্ 2:47

যিগুনে যীশুর্ কধা শুনোদন্ তারা বেক্কুনে তা বুদ্ধিগান্ দেগিনে আর তা জোব্‌পানি শুনিনে আমক্ ওইয়োন্।

লূকে লেখ্যে গম্ হবর্ 2:52

যীশু জ্ঞানে, বয়জে আর গোজেনর আহ্ মান্‌জ্যর্ কোচ্‌পানায় দাঙর্ উয়ো ধুরিলো।

যোহন 1:14

সে কধাগানই মানুচ্‌ ওইনে জর্মেল আর আমা ভিদিরে বজত্তি গুরিলো। বাবা গোজেনর্ বানা এক্কো গুরি পুয়ো ইজেবে তার্ যে মহিমা সে মহিমাগান্ আমি দেক্ক্যেই। তে দোয়্যে আর সত্যলোই ভরা।

প্রেরিত্‌ 4:33

প্রচারক্কুনে দাঙর্ খেমতালোই সাক্ষি দিয়া ধুরিলাক্ যে, প্রভু যীশু মরণত্তুন্ জেদা ওই উঠ্যে। আর তারার্ বেক্কুনো উগুরে গোজেনর্ বোউত্ দোয়্যে এলঅ।

ইফিষীয় 6:10

যেরেদি কং, প্রভু লগে মিজেইনে তার্ দিয়্যে দাঙর্ খেমতালোই বোলী অ।

২ তীমথিয় 2:1

মঅ পুয়োবো, খ্রীষ্ট যীশুর্ দোয়্যেই তুই বোলী অ।

বিচের গুরিয়্যেগুন 13:24

সে পরেন্দি মিলেবোর এক্কো পূঅ অলঅ আর তে তা নাঙান্‌ রাগেল শিম্‌শোন। শিম্‌শোনে দাঙর্‌ ওয়া ধুরিলো আর গোজেনে তারে বর্‌ দিলো।

১ শমূয়েল 2:18

মাত্তর্‌ চিগোন চিঝি শমূয়েল মসীনা সুদোলোই এফোদ উরিনে লগেপ্রভুর সেবা কাম্‌ গরা ধুরিলো।

১ শমূয়েল 2:21

লগেপ্রভু জদবদে হান্নারে মেইয়্যে গুরিলো। সেক্কে হান্না পিদিলী অলঅ আর তার্‌ বেক্কুনে তিন্নো পূঅ আর দ্বিবে মিলে অলাক্। ইন্দি চিগোন শমূয়েলে লগেপ্রভুর লগে থেইনে দাঙর্‌ উয়ো ধুরিলো।

১ শমূয়েল 2:26

চিগোন চিঝি শমূয়েলে দাঙর্‌ উয়ো ধুরিলো আর লগেপ্রভু আহ্ মানুচ্চুনো ইদু কোচ্‌পানা পাহ্ ধুরিলো।

১ শমূয়েল 3:19

এধোক্ক্যেনগুরি শমূয়েলে দাঙর্‌ উয়ো ধুরিলো আর লগেপ্রভু তা সমারে থেলঅ আর ভাববাদী ইজেবে কোইয়্যে তার কনঅ কধা লগেপ্রভু ফেলা যেবাত্যে ন দিলো।