লূকে লেখ্যে গম্ হবর্ 2:4 - Chakma Bible

^4-6 যোষেফে অলদে রাজা দায়ূদো গুট্টির মানুচ্। রাজা দায়ূদো জর্মর্ জাগায়ান্ এলঅ যিহূদিয়া রেজ্যর্ বৈৎলেহম আদামত্। সেনত্তে যোষেফে নাঙ্ লিগিবাত্তে গালীল রেজ্যর্ নাসরত্ আদামত্তুন্ বৈৎলেহম আদামত্ গেলঅ। মরিয়মেয়ো তা সমারে সিধু গেলঅ। ইবে সমারে যোষেফর্ মেলা ঠিগ্ ওইয়্যে। সে অক্তত্ মরিয়মে পিদিলী এলঅ আর বৈৎলেহমত্ থাগদে তা পুয়োবো জোর্মেবার্ অক্ত অলঅ।

লূকে লেখ্যে গম্ হবর্ 2:4 Iomraidhean Croise

পত্থম 35:19

রাহেলে মুরি যানার পরেদি ইফ্রাথত্‌, অত্তাৎ বৈৎলেহমত্‌ যেবার পদথ্‌ তারে গোর্ দিয়্যে অলঅ।

পত্থম 48:7

পদ্দনত্তুন্‌ নিগিলিনে কনান দেজর্ ইফ্রাথত্তুন্‌ কিজু দূরোত্‌ থাগদে রাহেলে মুরি যেইয়্যে, সেনত্তে মুই খুব দুখ্‌ পেলুং। ইফ্রাথ পধথ্‌, অত্তাৎ বৈৎলেহম পধথ্‌ মুই তারে গোর্ দুয়োং।

মীখা 5:2

লগেপ্রভু কত্তে, “মাত্তর্, ও বৈৎলেহম-ইফ্রাথা, যুনিয়ো তুই যিহূদার আজার আজার আদামানি ভিদিরে চিগোন্, তো তঅ ভিদিরেত্তুন মর্ তপ্পে এমন এক্কো এবঅ যিবে অবঅ ইস্রায়েলর শাজন্‌গুরিয়্যে, যিবের্ আরাম্ভ আগ দিনোত্তুন্ ধুরি, শেজ্ কালত্তুন্ ধুরি।”

মথি লেখ্যে গম্ হবর্ 1:20

যোষেফে যেক্কে ইয়েনি ভাবের্ সেক্কে গোজেনর এক্কো দূত স্ববনত্ দেগা দিইনে তারে কলঅ, “দায়ূদ বংশধর যোষেফ, মরিয়মরে লবাত্তে ন-দোরেচ্, কিয়া তা পেদত্ যিবে জোর্মেয়্যে তে পবিত্র আত্মার্ খেমতালোই জোর্মেয়্যে। তার এক্কো পুয়ো অবঅ।

মথি লেখ্যে গম্ হবর্ 2:23

আর নাসরত্ নাঙে এক্কান আদামত্ যেইনে বজত্তি গরা ধুরিলো। ইয়েন ঘুদিলো যেনে ভাববাদীগুনোরে দিইনে এই যে কধানি কুয়ো ওইয়্যে সিয়েনি পরিপূরোন্ অয়: “তারে নাসরতীয় বিলি ডাগা অবঅ।”

লূকে লেখ্যে গম্ হবর্ 2:3

নাঙ্ লিগিবাত্তে পত্তিজনে নিজোর্ নিজোর্ আদামত্ যাহ্ ধুরিলাক্।

লূকে লেখ্যে গম্ হবর্ 4:16

ইয়েনর্ পরেদি যীশু নাসরদত্ গেলঅ। ইয়োদোই তে দাঙর্ ওইয়্যে। তে নিজোর্ সুদোম্ মজিম্ জিরেবার্ দিনোত্ সমাজ-ঘরত্ গেলঅ, সে পরেদি বোইবো পড়িবাত্তে উদিনে থিয়্যেল।

যোহন 1:46

নথনেল ফিলিপরে কলঅ, “নাসরতত্তুন্ কি গম্ কনকিজু এই পারে?” ফিলিপ তারে কলঅ, “এইনে চাহ্।”

যোহন 7:42

পবিত্র বোইবো কি ন-কয়, দায়ূদে যে আদামত্ থেদঅ সেই বৈৎলেহমত্ আর তা বংশত্ মশীহ জোর্মেব?”

রূত 1:19

ইয়েনর্ পরেন্দি সে দ্বিজনে আঢা মারিলাক্‌ আর শেজন্দি বৈৎলেহমত্‌ যেইনে লুমিলাক্‌। তারা বৈৎলেহমত্‌ লুমোনার পরেন্দি বেক্‌ আদামানিত্‌ এক্কান্‌ উরুসতুল্‌ পড়ি গেলঅ‌। আদামর্‌ মিলেগুনে কলাক্‌, “ইবে কি সেই নয়মী?”

রূত 2:4

এমন্‌ সময়োত্‌ বোয়সে বৈৎলেহমত্তুন এলঅ‌ আর যিগুনে ফসল কাবদন্‌ তারারে কলদে, “লগেপ্রভু তমা লগে থোগ্‌।” তারায়ো ফিরিনে তারে কলাক্‌, “লগেপ্রভু তরে বর্‌ দোক্‌।”

রূত 4:11

সেক্কে যিগুনে গেদোত্‌ বোই এলাক্‌ তারা আর সেই বুড়ো মুরুব্বীগুনে বেক্কুনে কলাক্, “অয়, আমি সাক্ষী অবং। যে মিলেবো তঅ ঘরত্‌ যার্‌ লগেপ্রভু বর্ দোক্ যেনে তে রাহেল আর লেয়া ধোক্ক্যেন অয়, যিগুনে ইস্রায়েল জাদ্‌তোরে দোল্ পদথ্‌ আন্যন। ইফ্রাথাত্‌ তুই ধন সোম্বোত্তি লাভ গুরিচ্‌ আর বৈথলেহমত বেক্কুনে তর্‌ নাঙান্‌ গিনোদোক্।

রূত 4:17

পাড়াল্যে মিলেগুনে কলাক্, “নয়মীর এক্কো পূঅ ওইয়্যে।” তারা পূঅবোর নাঙান্‌ রাগেলাক ওবেদ। ওবেদ এলদে যিশয়র বাপ্‌ আর যিশয় অলদে দায়ূদোর বাপ।

১ শমূয়েল 16:1

পরেদি লগেপ্রভু শমূয়েলরে কলঅ, “মুই শৌলরে ইস্রায়েলীয়গুনোর রাজা ইজেবে এলাফেলা গোজ্যং, সেনত্তেই তুই আর কয়দিন দুঃখো গুরিবে? ইক্কিনে তুই তর্‌ বাঁশিবোত্‌ তেল ভোরেইনে নিগিলি যাহ্। মুই তরে বৈৎলেহম আদামর যিশয়র ইদু পাদাঙর্‌। মুই তার পূঅগুনো ভিদিরেত্তুন মর্‌ নিজোর নাঙে একজনরে রাজা অবাত্তে বাঁজেই রাগেয়োং।”

১ শমূয়েল 16:4

শমূয়েলে লগেপ্রভুর কধা মজিম কাম্‌ গুরিলো। তে যেক্কে বৈৎলেহমত্‌ আঝিল্ অলঅ সেক্কে আদামর্‌ বুড়ো মাই-মুরুব্বীগুনে দরে গির্‌গিরাদে গির্‌গিরাদে তার লগে দেগা গুরিবাত্তে এলাক্। তারা পুযোর্ গুরিলাক, “তুই কি শান্তির মনভাব লোইনে এচ্ছোস?”

১ শমূয়েল 17:12

দায়ূদোর বাপ্পো যিশয় যিহূদা চাগালাত্‌ ইফ্রাথ, অত্তাদ্‌ বৈৎলেহম আদামত্‌ বজত্তি গুরিদো। তার আস্‌তোবো পূঅ এলাক্। শৌলর রাজাগিরি গুরিবার অক্তত্‌ তে বুড়ো ওই যেইয়্যে।

১ শমূয়েল 17:58

শৌলে তারে পুযোর্ গুরিলো, “এই গাবুজ্যে, তুই কার পূঅ?” দায়ূদে কলঅ, “মুই বৈৎলেহম আদামর্‌ তর্‌ চাগর্‌ যিশয়র পূঅ।”

১ শমূয়েল 20:6

যুনি তঅ বাপ্পো মরে থগায় সালে তুই তারে কবে, দায়ূদে বৈৎলেহমত তার্‌ ঘরত্‌ যাদিমাদি যেবঅ বিলিনে মইদু কোজোলি গুরিনে অনুমতি চেইয়্যে, কিত্যে