লূকে লেখ্যে গম্ হবর্ 2:36 - Chakma Bible

^36-37 সে অক্তত্ হান্না নাঙে এক্কো মিলে-ভাববাদী এলঅ। তে আশের গুট্টির পনূয়েল ঝি। তার্ বোউত্ বয়স ওইয়্যে। সাত বজর্ নেগ সমারে ঘর্ গরানার্ পরেদি চুরোশি বজর্ বয়জ সং তে রানি মিলের্ জিংকানি কাদেয়্যে। উবোসনা-ঘর্ ফেলেইনে তে কনত্তে ন-যেদঅ বরং উবোস আর তবনা গুরিনে দিন-রেত্ গোজেনর সেবা গুরিদো।

লূকে লেখ্যে গম্ হবর্ 2:36 Iomraidhean Croise

পত্থম 30:13

সেক্কে লেয়া কলঅ, “কি সুগী মুই! মিলেগুনে বেক্কুনে মরে সুগী কবাক্‌।” সেনত্তে তে পুয়োবোর্‌ নাঙান্‌ দিলো আশের (যিয়েনর্ ভেদ্‌তান্ “সুগী”)।

২ রাজাবলী 22:14

এ কধাগান্‌ শুনিনে ধর্মগুরু হিল্কিয়, অহীকাম, অক্‌বোর, শাফন আর অসায় মিলে-ভাববাদী হুল্‌দা ইদু যেইনে তা লগে কধাবার্তা কলাক্‌। হুল্‌দা অলদে কাবড়-চুগোর্‌ রোক্ষ্যেগুরিয়্যে শল্লুমো মোগ্‌। শল্লূম অলদে হর্হসের নাদিন, অত্তাৎ তিক্‌বর পুয়ো। হুল্‌দা যিরূশালেমর দ্বিলম্বর্‌ ভাগত্‌ বজত্তি গুরিদো।

ইয়োব 5:26

যেধোক্কেন্‌ গুরিনে অক্ত মজিম্‌ ফসল তুলো অয় সেধোক্কেন্‌ গুরিনে দীর্ঘ আয়ু পেইনে তুই গোর্‌ পেবে।

গীতসংহিতা 92:14

শেজ্ বয়জত্‌অ তারা ফল দিবাক্; তারা রসিক্ আর ফোত্‌পোত্যে অবাক্।

যাত্রা 15:20

হারোণর বোন্নো মরিয়মে এলদে এক্কো মিলে-নবী। তে চিগোন্‌ ঢুল্‌ আঢত্‌ নেযেল, আর তার্‌ পিজে পিজে অন্য মিলেগুনেয়ো চিগোন্‌ ঢুল্‌ আঢত্‌ নেযেনে নাচ্যে নাচ্যে নিগিলি এলাক্‌।

যিহিষ্কেল 13:17

সে পরেদি লগেপ্রভু মরে কলঅ, ও মান্‌জ্যর্ পুয়োবো, তঅ জাদর্ যে মিলেগুনে ভাববাদী ইজেবে নিজোরে মনেমনজক্কা কধা কন্ ইক্কিনে তুই তারা বিরুদ্ধে থিয়্যে। তুই তারা বিরুদ্ধে এ কধানি কঅ,

লূকে লেখ্যে গম্ হবর্ 2:35

আর সিয়েনিলোই তারার্ মনর্ কধাগানি ফগদাং অবঅ। ইয়েনি বাদেয়ো ছুরির্ আঘাত ধোক্ক্যেন্ দুঘ্ তঅ মনত্ ফুদিবো।”

লূকে লেখ্যে গম্ হবর্ 2:38

তেয়ো ঠিগ্ সে অক্তত্ উজেই এইনে গোজেনরে ভালেদি জানা ধুরিলো, আর গোজেনে যিরূশালেমরে উদ্ধোর্ গুরিবো বিলি যিগুনে বাজ্জেই আগন্ তারা ইধু সেই পুয়োবোর্ কধা কুয়ো ধুরিলো।

প্রেরিত্‌ 2:18

এমন্ কি, সে অক্তত্ মর্ চাগর্ আর চাগরানিগুনো উগুরে মুই মঅ আত্মাগান ঢালি দিম্, আর তারা ভাববাদী ইজেবে গোজেনর কধা কবাক্।

প্রেরিত্‌ 21:9

তার্ চের্‌বো গাবুজ্জ্যে ঝি এলাক্। সিগুনে মানুচ্চুনো ইধু ভাববাদী ইজেবে গোজেনর্ কধা কধাক্।

১ করিন্হীয় 11:5

যে মিলেবো মাঢাবো ন-ঢাঘিনেই তবনা গরে বা ভাববাদী ইজেবে কধা কয় তে তা মাঢাবোর্ অসর্মান গরে, কিয়া সেক্কে তে মাঢাবো মুড়েইয়্যে মিলে ধোক্ক্যেন ওই যায়।

১ করিন্হীয় 12:1

ভেইলগ্, মুই ন-চাং যে, পবিত্র আত্মার দিয়্যে দান পৌইদ্যেনে তমার্ অজানা থায়।

১ তীমথিয় 3:2

পরিচালক্‌কো সেনত্যে এমন উয়ো পড়িবো যেন কেঅ তারে দুষ্ দি ন-পারন। তাত্তুন্ বানা এক্কো মোক্ থেবঅ। তে নিজোরে দোঙেই রাগেব আর তার্ গম বিচেরবুদ্ধি থেবঅ। তে ভদ্র অবঅ আর গর্‌বা লবিয়োত্ গত্তে কোচ্‌পেবঅ। অন্যগুনোরে শিক্ষ্যে দান গুরিবার খেমতা তাত্তুন্ থেবঅ।

১ তীমথিয় 5:9

রানি মিলেগুনোর্ নাঙর্ লিষ্টিত্ কনঅ রানি মিলের্ নাঙ্ লিগিবার আগেদি চাহ্ পরিবদে যে, তা বয়জ্‌চান ষায়েট বজরর্ কম নয় আর তে নেগ উগুরে বিশ্বেজি এলঅ।

যিহোশূয় 19:24

পাচ্ পল্লা চাম্বা চানার্‌ পরেন্দি আশের-গুট্টির নাঙানি উদিলো আর তার নানান্‌ বংশর জাগায়ানি ঠিগ্‌ গুরি দিয়্যে অলঅ‌।

ফগদাং পেইয়্যে 7:6

আশের গুট্টি ভিদিরেত্তুন্ বার আজার। নাপ্তালি গুট্টি ভিদিরেত্তুন্ বার আজার। মনঃশি গুট্টি ভিদিরেত্তুন্ বার আজার।

বিচের গুরিয়্যেগুন 4:4

সে সময়োত্‌ লপ্পীদোতর মোক্কো দবোরা এক্কো মিলে-ভাববাদী এলঅ‌। তেয়ই সেক্কে ইস্রায়েলীয়গুনোরে শাজন্ গুরিদো।

১ শমূয়েল 1:2

ইল্‌কানার দ্বিবে মোক্‌ এলাক; এক্কোর নাঙ্‌ হান্না আর অন্যবোর নাঙ্‌ পনিন্না। পনিন্নার ঝি-পূঅ ওইয়োন মাত্তর্‌ হান্নার কনঅ ঝি-পূঅ ন-অন্‌।