লূকে লেখ্যে গম্ হবর্ 2:3 - Chakma Bible

³ নাঙ্ লিগিবাত্তে পত্তিজনে নিজোর্ নিজোর্ আদামত্ যাহ্ ধুরিলাক্।

লূকে লেখ্যে গম্ হবর্ 2:3 Iomraidhean Croise

পত্থম 23:10

অন্য হিত্তীয়গুনো লগে ইফ্রোণেয়ো সিয়েনত্‌ বুয়োই এলঅ। অব্রাহাম কধাগান জোবত্‌ সেই হিত্তীয় ইফ্রোণে কলদে, “না, না, তুই বরং দোয়্যে গুরিনে মঅ কধাগান্‌ শুন্‌। মর্ বংশ মানুচ্চুনো মুজুঙোত্‌ সে ভুইয়ান্‌ আর সিয়েন ভিদিরে গাত্তো মুই তরে এম্‌নে দোঙর্‌; তর্‌ মোজ্যেদে মোক্কোরে তুই সিয়েনত্‌ গোর্ দে।” সেক্কে যে হিত্তীয়গুনে শঅর গেট্টো দোরান ইধু এলাক তারায়ো ইফ্রোণর এ কধাগান্‌ শুনিলাক্।

লূকে লেখ্যে গম্ হবর্ 2:1

সে অক্তত্ সম্রাট আগস্ত কৈসরে তা রেজ্যত্ বেক্ মানুচ্চুনোরে নাঙ্ লিগিবাত্তে উগুম দিলো।

লূকে লেখ্যে গম্ হবর্ 2:2

সিরিয়ার শাসনগুরিয়্যে কুরীণিয়র সময়োত্ এই পত্তমবার মানুচ্ গুণিবাত্তে নাঙ্ লেগা অয়।

লূকে লেখ্যে গম্ হবর্ 2:4

যোষেফে অলদে রাজা দায়ূদো গুট্টির মানুচ্। রাজা দায়ূদো জর্মর্ জাগায়ান্ এলঅ যিহূদিয়া রেজ্যর্ বৈৎলেহম আদামত্। সেনত্তে যোষেফে নাঙ্ লিগিবাত্তে গালীল রেজ্যর্ নাসরত্ আদামত্তুন্ বৈৎলেহম আদামত্ গেলঅ। মরিয়মেয়ো তা সমারে সিধু গেলঅ। ইবে সমারে যোষেফর্ মেলা ঠিগ্ ওইয়্যে। সে অক্তত্ মরিয়মে পিদিলী এলঅ আর বৈৎলেহমত্ থাগদে তা পুয়োবো জোর্মেবার্ অক্ত অলঅ।