লূকে লেখ্যে গম্ হবর্ 2:10 - Chakma Bible

¹⁰ স্বর্গদূত্তো তারারে কলঅ, “ন-দোরেয়ো, কিয়া মুই তমাইধু ভারী হুজির্ হবর্ আন্যং। এ হুজিগান্ বেক্ মানুচ্চুনোত্তে।

লূকে লেখ্যে গম্ হবর্ 2:10 Iomraidhean Croise

পত্থম 12:3

যিগুনে তরে বর্ দিবাক্‌ মুই তারারে বর্ দিম, আর যিগুনে তরে অভিশাব দিবাক্‌ মুই তারারে অভিশাব দিম্‌। তঅ মাধ্যমে পিত্‌থিমীর্‌ বেক্‌ জাদ্‌তুনে বর্ পেবাক্‌ ।

যিশাইয় 40:9

ও সিয়োন, গম্ হবর্ তুই যে আন্যস্, তুই অজল্ মুড়োবোত্ যেইনে উঠ্। ও যিরূশালেম, গম্ হবর্ যে তুই আন্যস্, তুই দাঙর্ দাঙর্ গুরি রঅ ছাড়্, রঅ ছাড়্, ন-দোরেচ্; যিহূদার শঅরানিরে কঅ, “এইদঅ তমার গোজেন!”

যিশাইয় 41:27

মুই পত্তমে সিয়োনানরে কোইয়োং, আর চঅ, তারা এচ্চোন্। মুই যিরূশালেমরে এক্কো গম্ হবর্ কোইয়্যে দুয়োং।

যিশাইয় 49:6

তে কোইয়্যেদে, “বানা যাকোবর্ বংশবোরে উদ্ধোর্ গুরিবাত্তে আর ইস্রায়েলর বাঁজি থেইয়্যে মানুচ্চুনোরে ফিরেই আনিবাত্তে যে তুই মর্ চাগর্ অবে সিয়েন নয়; সিয়েন খুব সামান্য বেপার। ইয়েন বাদেয়ো মুই অন্য জাদ্‌তুনো ইদু তরে পহ্‌‍‍‍র ধোক্ক্যেন গুরিম যেন তঅ মাধ্যমে সংসারর বেগ্ মানুচ্চুনে পাপত্তুন্ উদ্ধোর পান‍।”

যিশাইয় 52:10

লগেপ্রভু বেক্ জাদ্‌তুনোর চোগো মুজুঙোত্ তার পবিত্র খেমতাবলা আঢ্‌‌তান ফগদাং গুরিবো, আর পিত্‌থিমীর বেক মানুচ্চুনে আমা গোজেনর্ উদ্ধোর কামানি দেগিবাক্।

যিশাইয় 52:7

যে মানুচ্চো গম্ হবর্ দিবাত্তে এজে, সুগ্-শান্দি ফগদাং গরে, ভালেদির হবর্ আনে, উদ্ধোরান্ ফগদাং গরে আর সিয়োনানরে কয়, তঅ গোজেনে রাজাগিরি গরে, মুড়োমুড়ি উগুরেদি এবার্ অক্তত্ সেই মানুচ্চোর টেঙান কেধোক্ক্যেন দেগায়।

যিশাইয় 61:1

প্রভু লগেপ্রভুর আত্মাগান মঅ উগুরে আঘে, কিত্তে তে মরে নেযেয়্যে যেন মুই নাঢা মানুচ্চুনো ইদু গম্ হবর্ কুয়োই দুয়োং। তে মরে পাদেয়্যেদে যেন মুই মানুচ্চুনোর ভাঙা মনানি জড়া দি পারং আর বন্দীগুনো ইদু স্বাধীনতা আর জেলোত্ পুরিয়্যেগুনো ইদু উদ্ধোর্ অনা ফগদাং গুরি পারং;

দানিয়েল 10:19

তে কলদে, “ও গোজেনর কোচ্‌‌‌‌‌‌পেইয়্যে, তুই ন-দোরেচ্। তর্ ভালেদি ওক্। তুই সাহস গর্ আর খেমতাবলা অ।” তে মঅ লগে কধা কনার্ লগে লগে বল্ পেইনে কলুং, “ও মর্ প্রভু, কঅ, কিত্যে তুই মরে বল্ দুয়োচ্।”

সখরিয় 9:9

“ও সিয়োন-ঝিবো, অমকদ ফুত্তি গর্। ও যিরূশালেম, তুই জয় ধুনি দে। চাহ্, তঅ রাজাবো তইদু এজের্; তে ন্যায়বলা আর তাইদু উদ্বোর্ আঘে; তে নম্র, তে গাধা উগুরে, গাধী ছঅ উগুরে চড়িনে এজের্।

মথি লেখ্যে গম্ হবর্ 14:27

যীশু সেক্কেনে তারারে কলঅ, “ইবে দঅ মুই; ন-দোরেয়ো, সাহচ্ গরঅ।”

মথি লেখ্যে গম্ হবর্ 28:18

সেক্কে যীশু কায়কুরে এইনে তারারে এ কধাগান্ কলঅ, “স্বর্গর্ আর পিত্‌থিমীর বেক্ খেমতাগান্ মরে দিয়্যে ওইয়্যে।

মথি লেখ্যে গম্ হবর্ 28:5

স্বর্গদূত্তো মিলেগুন্দোই কধা কলঅ, তে কলঅ, “তুমি ন-দোরেয়ো, কিয়া মুই হবর্ পাং, যিবেরে ক্রুশোত্ দিয়্যে ওইয়্যে তুমি সেই যীশুরে তগর্।

মার্ক 1:15

“সময় ওইয়্যে, গোজেন রেজ্যগান্ কায়-কুরে লুম্মেগি। তুমি পাপত্তুন্ মনানি ফিরো আর এ গম্ হবরান্ বিশ্বেজ্ গরঅ ।”

মার্ক 16:15

যীশু সে শিচ্চ্যগুনোরে কলঅ, “তুমি পিত্‌থিমীর বেক্ জাগাইধু যঅ আর বেক্ মানুচ্চুনো ইধু গোজেনর্ দিয়্যে গম্ হবরান্ ফগদাং গরঅ।

লূকে লেখ্যে গম্ হবর্ 1:13

স্বর্গদূত্তো তারে কলঅ, “সখরিয়, ন-দোরেচ্, কিয়া গোজেনে তঅ তবনাগান্ শুন্ন্যে। তঅ মোক্কো ইলীশাবেতর্ এক্কো পুয়ো অবঅ। তুই তা নাঙান্ রাগেবে যোহন।

লূকে লেখ্যে গম্ হবর্ 1:19

স্বর্গদূত্তো তারে কলঅ, “মঅ নাঙান্ গাব্রিয়েল; মুই গোজেন মুজুঙোত্ থিয়্যেই থাং। তঅ লগে কধা কবাত্তে আর তরে এ গম্ হবরান্ দিবাত্তে গোজেনে মরে পাধেয়্যে।

লূকে লেখ্যে গম্ হবর্ 1:30

স্বর্গদূত্তো তারে কলঅ, “মরিয়ম, ন-দোরেচ্, কিয়া গোজেনে তরে অমকদ দোয়্যে গোজ্যে।

লূকে লেখ্যে গম্ হবর্ 2:11

এইচ্চ্যে দায়ূদো শঅরত্ তমাত্তে উদ্ধোর্‌গুরিয়্যে জোর্মেয়্যে। তেয়ই মশীহ্, তেয়ই প্রভু।

লূকে লেখ্যে গম্ হবর্ 24:47

আরঅ লেগা আঘে, যিরূশালেমত্তুন্ ধুরি আরাম্ভ গুরিনে বেক্ জাদ্‌তুনো ইধু মশীহ নাঙে এ হবরান্ প্রচার গরা অবঅ, পাপত্তুন্ মন ফিরেলে পাপর্ ক্ষেমা পাহ্ যায়।

লূকে লেখ্যে গম্ হবর্ 8:1

পরেদি যীশু আদামে আদামে আর শঅরে শঅরে ঘুরিনে গোজেন রেজ্যর্ গম্ হবর্ ফগদাং গরা ধুরিলো। তা সমারে তার্ বারজন শিচ্চ্য আর কয়েক্কো মিলেয়ো এলাক্। এ মিলেগুনে ভান্ন্যেই আত্মার্ আঢত্তুন্ রেহাই পেইয়োন আর পীড়েত্তুন্ গম্ ওইয়োন্। ইগুনে অলাক্ মরিয়ম, যিবেরে মগ্‌দলীনী কুয়ো অদঅ আর যিবে ভিদিরেত্তুন্ সাত্তো আত্মা নিগিলি যেইয়োন্;

প্রেরিত্‌ 13:32

আমি তমা ইধু এ গম্ হবরান্ দিত্তে যে, আমা পূরোণি মানুচ্চুনো ইধু গোজেনে যে এগেমান্ গোজ্জ্যে,

রোমীয় 10:15

সিয়েন বাদে কেঅ দি ন-পাধেলে কেধোক্ক্যেন্ গুরিনে প্রচারগ্‌কুনে প্রচার গুরিবাক্? পবিত্র বোইবোত্ লেগা আঘে, “বর্ পেইয়্যে তারার্ টেঙানি যিগুনে ভালেদির্ গম্ হবর্ প্রচার গুরিবাত্তে এজন্।”

ইফিষীয় 3:8

গোজেনর্ বেক্‌ মানুচ্চুনো ভিদিরে মত্তুন্ তলে আর কেঅ নেই, তো খ্রীষ্টর্ যে সম্পদর কধা পুরোপুরি গুরি বুঝি পারা ন-যায়, অযিহূদীগুনো ইধু সেই সম্পদর গম্ হবরান জানেবার কামান্ গোজেনে দোয়্যে গুরিনে মরে দিয়্যে।

কলসীয় 1:23

খালিক্ ইয়েনত্যে খ্রীষ্ট পৌইদ্যেনে গম হবরানত্তুন্ যে ঘেচ্চ্যেকগুরি আজাগান তুমি পেয়ো সিয়েনত্তুন্ দূরোত্ সুরি ন-যেইনে তমার বিশ্বেজে থির্ থা পড়িবো। সেই গম হবরান সারা জগদত্ প্রচার গরা ওইয়্যে আর তুমি সিয়েন শুন্ন্য। মুই পৌল এ গম হবরানর্ প্রচারক ওইয়োং।