লূকে লেখ্যে গম্ হবর্ 18:16 - Chakma Bible

¹⁶ মাত্তর্ যীশু সেই চিগোন্ গুরোগুনোরে তা ইধু ডাগিলো আর কলঅ, “চিগোন্ গুরোগুনোরে মঅ ইধু এবাত্তে দুয়ো, মানা ন-গোজ্য; কিয়া গোজেন রেজ্যগান্ ইগুনো ধোক্ক্যেন্ মানুচ্চুনোত্যে।

লূকে লেখ্যে গম্ হবর্ 18:16 Iomraidhean Croise

পত্থম 21:4

গোজেন উগুম্‌ মজিম্‌ অব্রাহামে আস্‌টো দিনোত্‌ তা পুয়ো ইসহাকরে চুনুগুলোবোর্ মাঢাগান্ কাবা বাজেই দিলো।

২ বংশধর 20:13

সে অক্তত্‌ যিহূদার বেক্‌ মানুচ্চুনে তারার্‌ মোক্‌, ঝি-পুয়োগুনে আর চিগোন্‌ পুয়োগুনোরে লোইনে সিদু লগেপ্রভুর মুজুঙোত্‌ থিয়্যেই এলাক্‌।

যিরমিয় 32:39

মুই তারারে এমন মন আর স্বভাব দিম যিগুনে বানা মইন্দি এগামনে এগাচিত্তে থেবাক্; সেক্কে তারা নিজোর আর তারার পরেদি তারার ঝি-পুয়োগুনোর ভালেদিত্তে নিত্য মরে ভোক্তি গুরিনে দোরেবাক্।

মথি লেখ্যে গম্ হবর্ 19:14

সেক্কে যীশু কলঅ, “চিগোন্ গুরোগুনোরে মইধু এবাত্তে দুয়ো, মানা ন-গোজ্য; কিয়া স্বর্গ-রেজ্যগান্ ইগুনো ধোক্ক্যেন্ মানুচ্চুনোত্যে।”

লূকে লেখ্যে গম্ হবর্ 18:15

মানুচ্চুনে চিগোন্ গুরোগুনোরে যীশু ইধু আনিলাক্ যেন তে তারা উগুরে আঢ্‌‌‍তানি বাজায়্। শিচ্চ্যগুনে ইয়েনি দেগিনে সে মানুচ্চুনোরে গেইল্‌ দিয়্যে ধুরিলাক্।

লূকে লেখ্যে গম্ হবর্ 18:17

মুই তমারে ঘেচ্চেক্‌‌‍গুরি কঙর্, চিগোন পুয়ো-ঝিগুনো ধোক্ক্যেন্ গুরি গোজেনর শাসন মানি ন-নিলে কেঅ কনমতে গোজেন রেজ্যত্ সোমেই ন-পারিবাক্।”

প্রেরিত্‌ 2:39

তমাত্যে, তমা পুয়ো-ছাগুনোত্যে আর যিগুনে দূরোত্ আঘন্, এক কধায় আমা প্রভু গোজেনে তা নিজোর্ মানুচ্‌ অবাত্যে যিগুনোরে ডাগিবো, তারা বেক্কুনোত্ত্যে এ উগুমান গরা ওইয়্যে।”

১ করিন্হীয় 14:20

ভেইলগ্, চিগোন গুরো ধোক্ক্যেন আর চিন্তে ন-গোজ্জ্য। ভান্ন্যেয় পৌইদ্যেনে তমা মনানি চিগোন গুরো ধোক্ক্যেন সরল ওক্, মাত্তর্ চিন্তেলোই তুমি বুড়ো মান্‌জ্য ধোক্ক্যেন্ অ।

১ করিন্হীয় 7:14

কিয়া মোক্কোর্ মাধ্যমে সেই অবিশ্বেজি নেক্কোরে আর নেক্কোর্ মাধ্যমে সেই অবিশ্বেজি মোক্কোরে গোজেনে গমেডালে চায়। সিয়েন ন-অলে তমা পুয়ো-ঝিগুনে দঅ অসিজি অদাক্; মাত্তর্ আসলে গোজেনে তারারে গম্ চোগেদি চায়।

দ্বি’লম্বর বিররণ 29:11

তমা সমারে আগন্‌ তমার ঝি-পূঅগুনে আর মিলেগুনে; আর আগন্‌ তমার তাম্বুলোত্‌ বজত্তি গোজ্যে অন্য জাদর মানুচ্চুনে যিগুনে তমার গাজ্‌ছুন কাবন্ আর পানিগানি তুলোন্‌।

দ্বি’লম্বর বিররণ 31:12

মরদ, মিলে, ঝি-পূঅ আর তমার নানান্‌ আদামর আহ্‌ শঅরর নানান্‌ জাদর্‌ মানুচ্চুনোরে ডাগিনে তুমি একলগে এগত্তর গুরিবা, যেনে তারা সিয়েনি শুনোন আর তমার গোজেন লগেপ্রভুরে ভোক্তি গুরিবাত্তে শিগোন্‌ আর এই রীদি-সুদোমর্ বেক্‌ কধানি দোলেডালে পালন গরন্‌।

১ পিতর 2:2

এই ইক্কিনে জোর্মেয়্যেদে চিগোন্ গুরো ধোক্ক্যেন তমার্ আধ্যাত্মিকভাবে বাড়িবাত্যে খাটি দুধ পেবাত্যে তুমি ভারী আওজি অ, যেন সিয়েন্দোই বাড়দে বাড়দে তুমি পুরোপুরি উদ্ধোরর্ ইন্দি উজেই যেই পারঅ।