লূকে লেখ্যে গম্ হবর্ 18:1 - Chakma Bible

^1-2 শিচ্চ্যগুনে যেনে নিত্য তবনা গরন্ আর আজা ন-আড়ান্ সেই শিক্ষ্যেগান্ দিবাত্যে যীশু তারারে এ উদাহরনান্ দিলো: “কনঅ এক শঅরত্ এক্কো বিচেরক্ এলঅ। তে গোজেনরে ন-দোরেদ আর মান্‌জ্যরেয়ো গ্রাজ্য ন-গুরিদো।

লূকে লেখ্যে গম্ হবর্ 18:1 Iomraidhean Croise

গীতসংহিতা 102:17

তে সর্বহারাগুনোর তবনার জোব্ দিবো; তারার কোজোলিগানি তে ঈচ্ ন-গুরিবো।

গীতসংহিতা 27:13

লগেপ্রভুর দিয়্যে ভালেদিগানি মুই জেদা মানুচ্চুনোর ইদু দেগিম- এ কধাগান যুনি মুই বিশ্বেজ্ ন-গুরিদুং সালে মর্ কি অদঅ?

গীতসংহিতা 65:2

ও তবনাগানি মানি লোইয়্যেবো, তইদু বেক্ মানুচ্চুন এজন্।

গীতসংহিতা 86:3

ও প্রভু, মঅ উগুরে দোয়্যে গর, কিত্তে মুই সারা দিন্নো তরে ডাগং।

যিশাইয় 40:31

মাত্তর্ যিগুনে লগেপ্রভু উগুরে আজা রাগান্ তারা নুয়ো গুরি বল্ পেবাক্। তারা ঈগল পেগো ধোক্ক্যেন্ ডুয়ো মিলিনে অজলত্ উড়িবাক্; তারা দাবা দিলে বল্‌পোজ্যে ন-অবাক্, তারা আঢিলে বল্‌‌‌‌পোজ্যে ন-অবাক্।

যিরমিয় 29:12

সেক্কে তুমি মরে ডাগিবা আর মইধু এইনে তবনা গুরিবা, আর মুই তমা কধানি শুনিম।

যোনা 2:7

“ও লগেপ্রভু, মঅ পরাণান্ যেক্কে যাং যাং ওইয়্যে সেক্কে মুই তরে ইদোত্ তুলিলুং, আর মঅ তবনাগান তইদু, তঅ সুদ্ধো-সাংগ ঘরত্ উঠ্যেগোই।

লূকে লেখ্যে গম্ হবর্ 11:10

যিগুনে চান্ তারা পত্তিজনে পান্; যে তগায় তে পায়; আর যে দোরোত্ বাজ্জেই তাত্তেই দোরান্ খুলো অয়।

লূকে লেখ্যে গম্ হবর্ 21:36

সজাক্ থেয়ো আর নিত্য তবনা গরঅ যেন যিয়েনি ঘুদিবো সিয়েনি পার্ ওই যাদে আর মান্‌জ্য পুয়োবো মুজুঙোত্ যেইনে থিয়্যেবার্ তুমি বল্ পঅ।”

রোমীয় 12:12

তমা মুজুঙোত্ যে আজাগান্ আঘে সিয়েনত্যে ফুত্তি গরঅ। দুঘ্-কষ্টত্ ধৈজ্জ্য ধরঅ। নিত্য তবনা গরঅ।

২ করিন্হীয় 4:1

এই বেবস্থাগানর্ কধা জানিবার ভারান্ গোজেনে দোয়্যে গুরিনে আমারে দিয়্যে বিলিনে আমি আজা ন-আরেই।

গালাতীয় 6:9

আমি যেন গম কাম গত্তে গত্তে অরান্ ন-ওই, কিয়া সিয়েন ইরি ন-দিইনে গরানাত্ থেলে আমি ঠিগ্ সময়োত্ সিয়েনর্ ফসল পেবং।

ইফিষীয় 6:18

পবিত্র আত্মালোই পরিচালিত ওইনে মনে-পরাণে নিত্য তবনা গরঅ। ইয়েনত্যে সজাগ্ থেইনে গোজেনর্ বেক্‌ মানুচ্চুনোত্যে আমিঝে তবনা গরানাত্ থাগঅ।

ফিলিপীয় 4:6

কনঅ বেপার্‌লোই চিন্তিত ন-ওইয়ো, বরং তমার বেক্‌ মাগানার্ বেপারানি ভালেদি জানেইনে গোজেনরে জানঅ।

কলসীয় 4:12

ইপাফ্রায়ো তমারে পাত্তুরু তুরু জানার্। তে তমার নিজো মানুচ্চুনোত্তুন্ এক্কো আর তে খ্রীষ্ট যীশুর্ চাগর্। তে নিত্য তমাত্যে তবনার্ যুদ্ধ চালার্ যেন তুমি পূর্ণতাগান্ লাভ গরঅ আর বেক্কানিত গোজেনর্ আওজ্‌চান ঘেচ্চেকগুরি হবর্ পেইনে দরমর গুরি থিয়্যেই পারঅ।

কলসীয় 4:2

তুমি কৃতজ্ঞ আর সজাগ্ ওইনে তবনা গুরিনে নিজোরে কামত্ রাগেয়ো;

১ থিষলনীকীয় 5:17

নিত্য তবনা গরঅ,

১ শমূয়েল 1:12

হান্না ভালক্কন্ সং লগেপ্রভুর ইদু যেক্কে তবনা গরের্‌ সেক্কে এলি তার মুয়োন্দি চেই রোইয়্যে।