লূকে লেখ্যে গম্ হবর্ 17:25 - Chakma Bible

²⁵ মাত্তর্ পত্তমে তাত্তুন্ বোউত্ দুঘ্ ভুগো পুরিবো। সিয়েন বাদে একালর্ মানুচ্চুনে তারে এলাফেলা গুরিবাক্।

লূকে লেখ্যে গম্ হবর্ 17:25 Iomraidhean Croise

যিশাইয় 53:3

মান্‌জ্যে তারে ঈচ্ গরদন আর এলাফেলা গোজ্যন্; তে যন্ত্রনাত্ ভুগের্ আর পিড়েগান লগে তার পরিচয় এলঅ। মান্‌জ্যে যিবেরে দেগিলে মুয়োন্ ফিরেন তে তা ধোক্ক্যেন ওইয়্যে; মান্‌জ্যে তারে ঈচ্ গোজ্যন আর আমি তারে সর্মান ন-গুরিই।

মথি লেখ্যে গম্ হবর্ 16:21

সে অক্তত্তুন্ ধুরি যীশু তা শিচ্চ্যগুনোরে গমেডালে কুয়ো ধুরিলো, মত্তুন্ হামাক্কায় যিরূশালেমত্ যাহ্ পড়িবো আর বুড়ো নেতাগুনো ইধু, আজল্ ধর্মগুরুগুনো ইধু আর ধর্ম-মাষ্টরুনোত্তুন্ বোউত্ দুঘ্ পাহ্ পড়িবো। মত্তুন্ মরা পড়িবো আর তিন দিনোত্ মরণত্তুন্ জেঈ উদো পড়িবো।

মথি লেখ্যে গম্ হবর্ 21:42

সেক্কে যীশু তারারে কলঅ, “তুমি কি পবিত্র বোইয়ো ভিদিরে কনদিন্অ ন-পড়অ, ‘রাজমিস্ত্রিগুনে যে পাত্তর্‌বো বাদ্ দুয়োন্, সিবেই বেগত্তুন্ দরকারী পাত্তর্ ওই উদিলো; প্রভুই ইয়েন্ গুরিলো, আর সিয়েন্ আমা চোগোত্ অমকদ আমক্ লাগে’?

মার্ক 10:33

“শুনো, তে তারারে কলঅ, আমি যিরূশালেমত্ যের্। সিধু মান্‌‌‍জ্য পুয়োবোরে আজল্ ধর্মগুরুগুনো ইধু আর ধর্ম-মাষ্টরুনো আঢত্ ধুরি দিয়্যে অবঅ। তারা তা বিচের্ গুরিনে তারে মরণর্ যগাজ্যে বিলি থির্ গুরিবাক্ আর অযিহূদীগুনো আঢত্ দিবাক্।

মার্ক 12:10

তুমি কি পবিত্র বোইবোত্ ন-পড়অ, ‘রাজমিস্ত্রিগুনে যে পাত্তর্‍‍‍বো বাদ্ দুয়োন সিবেয়ই বেগত্তুন্ দরকারী পাত্তর্ ওই উদিলো;

মার্ক 8:31

পরেদি যীশু তা শিচ্চ্যগুনোরে ইয়েন কোইনে শিক্ষ্যে দিয়্যে ধুরিলো, মান্‌জ্য পুয়োবোত্তুন্ বোউত্ দুঘ্ পাহ্ পুড়িবো। বুড়ো নেতাগুনে, বেগ দাঙর্ ধর্মগুরুগুনে আর ধর্ম মাষ্টরুনে তারে এলাফেলা গুরিবাক্। তারে মারে ফেলা অবঅ আর তিন দিন পরে তারে মরণত্তুন্ আরঅ জেঈ উদো পুড়িবো।

মার্ক 9:31

কিয়া সেক্কে তে তা শিচ্চ্যগুনোরে শিক্ষ্যে দের্। তে তারারে কোইয়্যেদে, “মান্‌‌‍জ্য পুয়োবোরে মানুচ্চুনো আঢত্ ধুরি দিয়্যে অবঅ। তারা তারে মারে ফেলেবাক্ আর তিন দিনোত্ তে জেঈ উদিবো।”

লূকে লেখ্যে গম্ হবর্ 18:31

যীশু তার্ বারজন শিচ্চ্যরে এক কিত্তেদি ডাগিনে কলঅ, “শুনো! আমি যিরূশালেমত্ যের্‌। মান্‌জ্যপুয়োবো পৌইদ্যেনে ভাববাদীগুনে যিয়েনি যিয়েনি লিগি যেইয়োন্ সিয়েনি সত্য ঘুদিবো।

লূকে লেখ্যে গম্ হবর্ 18:33

অমকদ চাবুক্ মারানার্ পরেদি তারা তারে মারে ফেলেবাক্, আর তিন দিনোত্ তে জেঈ উদিবো।”

লূকে লেখ্যে গম্ হবর্ 9:22

তে তারারে আরঅ কলঅ, মান্‌জ্য পুয়োবোত্তুন্ বোউত্ দুঘ্ ভুগো পড়িবো। বুড়ো নেতাগুন, আজল্ ধর্মগুরুগুন আর ধর্ম-মাষ্টরুনে তারে এলাফেলা গুরিবাক্। তারে মারে ফেলা অবঅ আর তিন দিনোত্ তারে মরণত্তুন্ জেঈ উদো পড়িবো।

যোহন 1:11

তে নিজো দেজত্ এলঅ, মাত্তর্ তা নিজো মানুচ্চুনে তারে মানি ন-ললাক্।

যোহন 12:38

ইয়েন ওইয়্যেদে যেন ভাববাদী যিশাইয় কোইয়্যে এ কধাগান্ পূরোণ্ অয়: প্রভু, আমার দিয়্যে হবরান্ কন্না বিশ্বেজ্ গোজ্জ্যে কা ইধু বা প্রভুর্ খেমতাবলা আঢ্‌তান্ ফগদাং ওইয়্যে?

১ শমূয়েল 10:19

শমূয়েলে আরঅ কলঅ, “মাত্তর্‌ তমার গোজেন, যিবে বেক্‌ দযা আর দুর্দজাত্তুন্‌ তমারে উদ্ধোর গোজ্যে, এচ্চ্যে তারেই তুমি এলাফেলা গরর্‌ আর কর্‌, ‘আমা উগুরে এক্কো রাজা নেযা।’ সেনত্তেই ইক্কিনে তুমি যে যার গুট্টি আর বংশ মজিম্ লগেপ্রভুর মুজুঙোত্‌ আঝিল্ অ।”

১ শমূয়েল 8:7

সেক্কে লগেপ্রভু তারে কলঅ, “মানুচ্চুনে তরে যিয়েনি কদন্‌ তুই সিয়েনই গর্‌। তারা তরে এলাফেলা ন-গরন্‌, আজলে মরেই এলাফেলা গোজ্যন্‌ যেনে মুই তারা উগুরে রাজাগিরি ন-গরং।