লূকে লেখ্যে গম্ হবর্ 16:2 - Chakma Bible

² সেক্কে থাগোইয়্যে মানুচ্চো তারে ডাগিনে পুজোর্ গল্ল, তঅ পৌইদ্যেনে মুই ইয়েনি কি শুনঙর্? তঅ কামঅ ইজেব্‌পান দে, কিয়া তুই আর আজল্ চাগর্ ইজেবে থেই ন-পারিবে।

লূকে লেখ্যে গম্ হবর্ 16:2 Iomraidhean Croise

উপদেশক 12:14

গোজেনে বেক্ কামানির, এমন্ কি, বেক্ গুমর কধানি পৌইদ্যেনে বিচের্ গুরিবো-সিয়েন্ গম্ ওক্ বা ভান্ন্যেই ওক্।

মথি লেখ্যে গম্ হবর্ 12:36

মাত্তর্ মুই তমারে কঙর্, মান্‌জ্যে যেদক্কানি বাজে কধা কন্, বিচের দিনোত্ সিয়েনির পত্তি কধার্ ইজেব্ তারার্ দিয়্যে পড়িবো।

মথি লেখ্যে গম্ হবর্ 20:8

পরেদি সাজোন্যে অলে আংগুর খেদ গিরোজ্‌সো তা চাগর্‌বোরে কলঅ, কাম্ গুরিয়্যেগুনোরে ডাগিনে বেগ যেরেদি মানুচ্চোত্তুন ধুরি আরাম্ভ গুরিনে পৌইল্যাবো সং পত্তিজনরে বেতন দে।

লূকে লেখ্যে গম্ হবর্ 12:20

মাত্তর্ গোজেনে তারে কলঅ, ‘ও ভুলো, এইচ্চ্যে রেদোত্ তত্তুন্ মরা পুরিবো। সালে যেদক্কানি জিনিস্ তুমি থুবেইয়ো সিয়েনি কন্না ভোগ্ গুরিবো?’ ”

লূকে লেখ্যে গম্ হবর্ 12:42

জোবত্ প্রভু যীশু কলঅ, সেই বিশ্বেজি আর বুদ্ধিবলা চাগর্‌‌‌বো কন্না, যিবেরে তা গিরোজ্‌‌‌সো তার্ অন্য চাগরুনোরে ঠিগ্ সময়োত্ হানা ভাগ্ গুরি দিবার ভারান্ দিবো?

লূকে লেখ্যে গম্ হবর্ 16:1

যীশু তা শিচ্চ্যগুনোরে কলঅ, কনঅ এক্কো থাগোইয়্যে মান্‌জ্যর আজল্ চাগর্‌বোরে ইয়েন কোইনে দুচ্‌ দিয়্যে অলঅ যে, তে তার গিরোজর্ ধন-সোম্বোত্তিগানি বর্‌বাদ্ গরের্।

লূকে লেখ্যে গম্ হবর্ 16:3

সেক্কে সে চাগর্‌বো মনে মনে কলঅ, মুই ইক্কে কি গুরিম্? মঅ গিরোজ্‌সো দঅ মরে চাগরিত্তুন্ ধাবেই দের্। মাদি কাবিবার বল্ মত্তুন্ নেই, আরঅ ভিক্ষ্যে মাগিবার্-অ লাজ্ গরে।

রোমীয় 14:12

সালে দেগা যাত্তে, আমা বেক্কুনোর্ নিজো পৌইদ্যেনে গোজেন ইধু ইজেব্ দিয়্যে পড়িবো।

১ করিন্হীয় 1:11

মর্ ভেইয়ুন, তমা পৌইদ্যেনে ক্লোয়ীর ঘরর্ মানুচ্চুনো ইধু এ হবরান্ পেলুং, তমা ভিদিরে কোল্-কোজ্জ্যে আঘে।

১ করিন্হীয় 4:2

যিগুনো উগুরে ভারান্ দিয়্যে ওইয়্যে তারারে দেগা পরিবোদে যে, তারা বিশ্বেজ্‌বলা।

১ করিন্হীয় 4:5

সেনত্তে প্রভু এবার্ আগেদি, অত্তাৎ সেই ঠিগ্ গোজ্জ্যে সময়ানর্ আগে তুমি কনঅ কিচ্চু দুষ্ ধুরিবাত্তে ন-যেয়ো। আন্ধারত্ যিয়েন লুগেইয়্যে আঘে তেয়ই সেক্কে সিয়েন পহ্‌রত্ আনিবো আর মান্‌জ্য মনর্ গুমুরো কধানি ফগদাং গুরিবো। সেই অক্তত্ গোজেনত্তুন্ যে যার্ পাওনার্ বাঈনী পেবাক্।

২ করিন্হীয় 5:10

ইয়েনর্ কারণান্ অলঅ, খ্রীষ্টর বিচের-আসন মুজুঙোত্ আমা বেক্কুনোর্ বেক্কানি ফগদাং গরা অবঅ, যেন আমি বেক্কুনে এ কিয়্যেগানিত্ থাগদে যিয়েনি গোজ্জ্যেই, সিয়েনি গম ওক্‌ বা ভান্ন্যেই ওক্‌, সেই ইজেবে সিয়েনির পাওনা পেই।

১ তীমথিয় 4:14

মন্ডলী নেতাগুনে যেক্কে তঅ উগুরে তারার্ আঢ্‌তানি রাগেয়োন সেক্কে ভাববাদী ইজেবে কধা কনার্ মাধ্যমে যে বিশেষ্ দান তরে দিয়্যে ওইয়্যে সেই দানান্ তুই অবহেলা ন-গুরিচ্।

১ তীমথিয় 5:24

কনঅ কনঅ মান্‌জ্যর্ পাপ এদক্ গমেডালে দেগা যায় যে, তার বিচেরান আগে ওই যায়। আরঅ কনঅ কনঅ মান্‌জ্যর পাপ জেরেদি দেগা যায়।

১ পিতর 4:10

গোজেনর্ নানান্ বাবোত্যে দোয়্যে পেইনে যে মানুচ্চো বিশ্বেজ্ গুরিনে সিয়েন কামত্ লাগেয়্যে, সেবাবোত্যে মানুচ্ ইজেবে তুমি গোজেনত্তুন্ যেধোক্ক্যেন দান পেইয়ো সিয়েন একজন আরেকজনর্ সেবা গুরিবাত্যে বেবহার গরঅ।

১ পিতর 4:5

মাত্তর্ যিবে জেদা আর মরা বেক্কুনোর্ বিচের্ গুরিবাত্যে যুক্কোল্ ওই আঘে তাইধু তারার্ ইজেব দিয়্যে পড়িবো।

ফগদাং পেইয়্যে 20:12

সে পরেদি মুই দেগিলুং, চিগোন-দাঙর্ বেক্‌ মরা মানুচ্চুনে সেই সিংহাসনান মুজুঙোত্ থিয়্যেই আঘন্। ইয়েনর্ পরেদি কয়েক্কো বোই খুলো অলঅ। সে পরেদি আর এক্কো বোই খুলো অলঅ। সিবে এলঅ জিংকানি-বোই। এ মরা মানুচ্চুনোর কাম পৌইদ্যেনে সেই বোইয়ুনোত্ যেধোক্ক্যেন গুরি লেগা ওইয়্যে সেই মজিম তারার্ বিচের্ অলঅ।