লূকে লেখ্যে গম্ হবর্ 15:10 - Chakma Bible

¹⁰ মুই তমারে কঙর্, ঠিগ্ সেবাবোত্যেগুরি এক্কো পাপী পাপত্তুন্ মন্ ফিরেলে গোজেন দূত্‌তুনো ইধু হুজী অয়।”

লূকে লেখ্যে গম্ হবর্ 15:10 Iomraidhean Croise

যিহিষ্কেল 18:23

পাজি মান্‌জ্যর মরনত্ কি মুই হুজি অং? বরং তে যেক্কে তা ভান্ন্যেই পধত্তুন ফিরি এইনে বাঁজে সেক্কেয়ই মুই হুজি অং।

যিহিষ্কেল 18:32

মুই কারঅ মরণত্তে হুজি ন-অং। তুমি মনান্ ফিরেইনে বাঁজঅ। মুই প্রভু লগেপ্রভু এ কধাগান কঙর্।”

যিহিষ্কেল 33:11

তুই তারারে কঅ, মুই প্রভু লগেপ্রভু, মর্ জিংকানির নাঙে কঙর্, পাজি মানুচ্চুনোর মরণত্তে মুই কনঅ হুজি ন-অং, বরং তারা যেন ভান্ন্যেই পধত্তুন্ ফিরিনে বাঁজন্ সিয়েন্দোই মুই হুজি অং। ও ইস্রায়েল জাদ্, তুমি ফিরো, তমা ভান্ন্যেই পধত্তুন্ তুমি ফিরো। কিত্তে তুমি মুরি যেবা?

মথি লেখ্যে গম্ হবর্ 10:32

যে কনজনে মান্‌জ্য মুজুঙোত্ মরে স্বিগের্ গরে মুইয়ো মর্ স্বর্গর বাবা মুজুঙোত্ তারে স্বীগের্ গুরিম।

মথি লেখ্যে গম্ হবর্ 18:10

চেয়ো, তুমি যেন এ চিগোন্ গুরোগুনো ভিদিরে একজনরেয়ো ঈচ্ ন-গরঅ। মুই তমারে কঙর্, স্বর্গত্ তারার্ দূত্‌তুনে নিত্য মঅ স্বর্গর্ বাপ্পো মুয়োন্ দেগদন্।

মথি লেখ্যে গম্ হবর্ 18:14

ঠিগ্ সেবাবোত্যেগুরি, তমা স্বর্গর্ বাপ্পোর্ আওজ্ নয় যে, এ চিগোন্ গুরোগুনো ভিদিরে একজন্অ বর্‌বাত্ যায়।

লূকে লেখ্যে গম্ হবর্ 12:8

“মুই তমারে ঘেচ্চ্যেকগুরি কঙর্, যে কেঅ মান্‌জ্য মুজুঙোত্ মরে স্বীগের্ গরে মান্‌জ্য পুয়োবোয়ো তারে গোজেন দুত্তুনো মুজুঙোত্ স্বীগের্ গুরিবো।

লূকে লেখ্যে গম্ হবর্ 12:9

মাত্তর্ যে কেঅ মরে মান্‌জ্য মুজুঙোত্ অস্বীগের্ গরে তারে গোজেন দূত্তুনো মুজুঙোত্ অস্বীগের্ গরা অবঅ।

লূকে লেখ্যে গম্ হবর্ 13:5

মুই তমারে কঙর্, সিয়েন নয়; মাত্তর্ পাপত্তুন্ মনানি ন-ফিরেলে তুমিয়ো বেক্কুনে ভস্ত অবা।”

লূকে লেখ্যে গম্ হবর্ 15:11

সে পরেদি যীশু কলঅ, এক্কো মানজ্যর্ দ্বিবে পুয়ো এলঅ।

লূকে লেখ্যে গম্ হবর্ 15:7

একই সময়োত্, মুই তরে কঙর্, ঠিগ্ সেবাবোত্যেগুরি যিগুনে পাপত্তুন্ মনানি ফিরেবার্ দরকার্ মনে ন-গরন্ সেবাবোত্যেগুরি নিরেনব্বইজন ধার্মিক্ মান্‌জ্যত্তুন্ বরং এক্কো পাপী পাপত্তুন্ মনান্ ফিরেলে স্বর্গত্ আরঅ বেশ্ হুজি অয়।

লূকে লেখ্যে গম্ হবর্ 15:9

যেক্কে তে সিবে তোগেইনে পায় সেক্কে তা সমাজ্জ্যেগুনোরে আর পাড়াল্ল্যেগুনোরে ডাগিনে কয়, ‘মঅ সমারে ফুত্তি গরঅ, কিয়া যে টেঙাবো আঝি যেয়্যে সিবে পেয়োং।’

লূকে লেখ্যে গম্ হবর্ 7:47

সেনত্তে মুই তরে কঙর্, তে বেশ্ কোচ্‌পানা দেগেয়্যে বিলি বুঝো যাত্তে, তার্ পাপ বেশ্ অলেয়ো সিয়েনি খেমা গরা ওইয়্যে। যিবের্ থরা খেমা গরা অয় তে থরা কোচ্‌পানা দেগায়।”

প্রেরিত্‌ 11:18

এ কধাগান্ শুনিনে যিহূদিয়ার বিশ্বেজিগুনে আর্ আবিত্তি ন-গুরিনে গোজেনরে বাঈনী গুরিনে কলাক্, “সালে গোজেনে অযিহূদীগুনোরেয়ো জিংকানি পেবাত্যে পাপত্তুন্ মনানি ফিরেবার সুযোগ্ দিলো।”

প্রেরিত্‌ 5:19

মাত্তর্ রেদোত্ প্রভুর এক্কো দূত্ জেলো দোরানি খুলিনে তারারে বারেদি আনিনে কলঅ,

২ করিন্হীয় 7:10

গোজেনে যে দুঘ্ দে সেনত্যে পাপত্তুন্ মন ফিরে আর সিয়েনত্যে পাপত্তুন্ উদ্ধোর্ পাহ্ যায়, আর সিয়েনত্যে দুঘ্ গুরিবার কিচ্চু ন-থায়। মাত্তর্ জগদর্ দিয়্যে দুঘ্ মান্‌জ্যর মরণান্ ডাগি আনে।

ফিলীমন 1:15

তুই যেন উমরত্যে তারে ফিরেই পেই পারচ্, অয়ত সেনত্যে তে কিজু দিনোত্যে তত্তুন্ ফারক্ ওই যেয়্যে।

ইব্রীয় 1:14

স্বর্গদূত্‌‌‌তুনে কি বেক্কুনে সেবাগুরিয়্যে আত্মা নয়? যিগুনে পাপত্তুন্ উদ্ধোর্ পেবাক্ তারারে সেবা গুরিবাত্যে দঅ তারারে দিপাধা অয়।