লূকে লেখ্যে গম্ হবর্ 14:11 - Chakma Bible

¹¹ যে নিজরে অজল্ গরে তারে তলে ফেলা অবঅ, আর যে নিজরে তলে গরে তারে অজলত্ তুলো অবঅ।”

লূকে লেখ্যে গম্ হবর্ 14:11 Iomraidhean Croise

২ শমূয়েল 22:28

তুই দুখীগুনোরে রোক্ষ্যে গুরি থাচ্‌, আর বার্বোগুনোরে তলেন্দি লামেবাত্তে তঅ চোক্কুন্‌ তারার্‌ ইন্দি আঘে।

ইষ্টের 6:10

সেক্কে রাজা হামনরে উগুম দিলো, “তুই ইক্কিনে যেইনে রাজপোজাক্‌ আর ঘোড়াবো নেযেইনে যেধোক্কেন্‌ কলে রাজঘরর্‌ গেদোত্‌ বোস্যে সেই যিহূদী মর্দখয়র উগুরে সেধোক্কেন্‌ গর্‌। তুই যিয়েনি যিয়েনি কলে সিয়েনির কনগান্ যেনে য়েলাফেলা গরা ন-অয়।”

ইয়োব 22:29

যেক্কেনে তরে চিগোন্‌ গরা অবঅ সেক্কেনে তুই কবেদে, ‘মঅ বার্‌‌বোগানত্তে সিয়েন্‌ ওইয়্যে’ তর্‌ নম্রগানত্তে গোজেনে তরে উদ্ধোর্‌ গুরিবো।

গীতসংহিতা 138:6

যুনিয়ো লগেপ্রভু বেক্কানি উগুরে আঘে তো তে তলে পোজ্যে মানুচ্চুনো ইন্দি খিয়েল্ রাগায়, মাত্তর্ বাড়্‌বো গুরিয়্যেগুনোরে তে দূরোত্তুন্ হবর্ পায়।

গীতসংহিতা 18:27

তুই দুখিগুনোরে রোক্ষ্যে গুরি থাচ্ আর বার্‌বোগুনোরে তলে লামাচ্।

গম্ উপদেজ্ 15:33

লগেপ্রভু উগুরে ভোক্তিবলা দর্ মান্‌জ্যরে জ্ঞান শিগেয়, আর নম্রতাগানে সর্মান আনে।

গম্ উপদেজ্ 18:12

মান্‌জ্যর মনর্ বাড়্‌বো গরানাগানে ভস্ত অনা ডাগি আনে, মাত্তর্ নম্রগানে সর্মান আনে।

গম্ উপদেজ্ 25:27

বেশ্ মধু হানা গম্ নয়; বাঈনী গরা হেবাত্তে চেরেস্‌‍তা গরানায়ো গম্ নয়।

গম্ উপদেজ্ 29:23

বাড়্‌বো গরানাগানে মান্‌‌‌‌‌‌জ্যরে তলে ফেলায়, মাত্তর্ নম্র স্বভাবর মান্‌‌জ্যে সর্মান পান্।

যিশাইয় 2:11

বাড়্‌বো গোজ্যে মান্‌জ্যর রিনি চানাগান্ তলে গরা অবঅ আর বার্‌বোগান্ তলে লামা অবঅ। সেদিন্যে বানা লগেপ্রভুরে সর্মান গরা অবঅ।

যিশাইয় 2:17

মান্‌জ্যর্ বাড়্ গরানাগানরে তলে লামেই দিয়্যে অবঅ আর অহংকারানরে ভস্ত গরা অবঅ। সেদিন্যে বানা লগেপ্রভুরে সর্মান গরা অবঅ,

যিশাইয় 57:15

যিবে মহান আর বাঈনী গরানালোই বর্ পুনোং, যিবে উমরত্তে জেদা, যিবে নাঙান্ পবিত্র, তে কত্তে, “মুই অজল্ আর সুদ্ধো-সাংগ জাগাত্ বজত্তি গরং, মাত্তর্ যিবের মনান্ নম্র, যিবের্ মনান্ ভাঙিনে কট্টা কট্টা ওইয়্যে মুই তা সমারেয়ো বজত্তি গরং যেনে নম্রগুনোর আর মন ভাঙি যেইয়্যে মানুচ্চুনোর্ মনানি মুই নূয়ো গুরিনে ঠিগ্ গুরি পারং।

মথি লেখ্যে গম্ হবর্ 23:12

যে কেঅ নিজোরে অজল্ গরে তারে বাদি গরা অবঅ আর যে কেঅ বাদি গরে তারে অজল্ গরা অবঅ।

লূকে লেখ্যে গম্ হবর্ 1:51

তে আঢ্ বাড়েইনে দাঙর্ খেমতার্ কাম্ গোজ্যে; যিগুনোর্ মনানি বার্বোলোই ভরা তারারে তে চেরোকিত্তে দূর্ গুরি দিয়্যে।

লূকে লেখ্যে গম্ হবর্ 1:52

সিংহাসনত্তুন্ রাজাগুনোরে তে লামেই দিয়্যে, মাত্তর্ সাধারন মানুচ্চুনোরে তুলি ধোজ্যে।

লূকে লেখ্যে গম্ হবর্ 14:12

যে তারে হেবাত্যে বোলেইয়্যে পরেদি যীশু তারে কলঅ, “যেক্কে তুই হানা-দানার্ আয়োজন গুরিবে বা হানা দিবে সেক্কে তঅ দাংগুগুনোরে বা ভেইয়ুনোরে বা ইত্ত্য কুদুম্মোগুনোরে বা থাগোইয়্যে পাড়াল্ল্যেগুনোরে হেবাত্যে ন-বোলেইবে। সিয়েন গল্ল্যে অয়ত তারায়ো ইয়েনর্ বদলে তরে হেবাত্যে বোলেইব আর এবাবোত্যেগুরি তঅ বলানাগান্ শুজোশুজি ওই যেবঅ।

লূকে লেখ্যে গম্ হবর্ 18:14

“মুই তমারে কঙর্, সেই খাজানা-তুলিয়্যেবোরে গোজেনে নিদ্দুজি বিলি মানি লল আর তে ঘরত্ ফিরি গেলঅ। মাত্তর্ সেই ফরীশীবোরে তে নিদ্দুজি বিলি মানি ন-লল। যে কেঅ নিজোরে অজল্ গরে তারে তলে গরা অবঅ আর যে নিজোরে তলে গরে তারে অজল্ গরা অবঅ।”

যাকোব 1:9

যে বিশ্বেজি ভেইবো নাঢা মানুচ্, গোজেনে তারে উগুরে তুল্ল্যে বিলিনে তে নিজোরে ভাগ্যত্যে মনে গোরোক্।

যাকোব 4:10

প্রভুর মুজুঙোত্ নিজোরে তলে গরঅ, সালে তেয়ই তমারে তুলি ধুরিবো।

যাকোব 4:6

মাত্তর্ গোজেনর্ দোয়্যেগান আরঅ বেশ্। সেনত্যে বোইবোত্ লেগা আঘে, “গোজেনে বার্‌বো গুনোর্ বিরুদ্ধে থিয়্যেই, মাত্তর্ নম্রগুনোরে দোয়্যে গরে।”

১ পিতর 5:5

সেবাবোত্যেগুরি গাবুজ্জ্যেগুন, তুমি আজল্ নেতাগুনোর অধীনোত্ থাগঅ। তুমি বেক্কুনে নরম ওইনে একজন আরেকজনরে সেবা গরঅ, কিয়া পবিত্র বোইবোর কধামজিম, “গোজেনে বার্‌বোগুনোর্ বিরুদ্ধে যায়, মাত্তর্ নরম মানুচ্চুনোরে দোয়্যে গরে।”

১ পিতর 5:6

সেনত্যে গোজেন খেমতার্ মুজুঙোত্ নিজোরে তলে গরঅ, যেন ঠিগ্ সময়োত্ তমারে অজল্ গরে।

১ শমূয়েল 15:17

শমূয়েলে কলঅ, “একদিন তুই নিজোর্ চোগেন্দি চিগোন্‌ এলে, মাত্তর্‌ তো কি তুই ইস্রায়েলীয়গুনোর বেক্‌ গুট্টিগুনোর চেলা ন-অচ্‌? লগেপ্রভুই তরে ইস্রায়েল দেজ উগুরে রাজা ইজেবে অভিষেগ্ গোজ্যে।