লূকে লেখ্যে গম্ হবর্ 13:7 - Chakma Bible

⁷ সেক্কে তে বাগান চুগিদার্‌বোরে কলঅ, ‘চাহ্, তিন বজর্ ধুরিনে এ ডোমোর্ গাজ্‌চোত্ মুই ফল তগাঙর্ মাত্তর্ কিচ্চু ন-পাঙর্। সেনত্তে তুই গাচ্চো কাবি ফেলা। কিত্তে ইবে বানা বানা ভূইয়ান বরবাদ্ গুরিবো?’

লূকে লেখ্যে গম্ হবর্ 13:7 Iomraidhean Croise

যাত্রা 32:10

তুই মরে মানা নঅ গুরিচ্‌। তারা বিরুদ্ধে মর্‌ রাক্কান্‌ আগুনো ধোক্ক্যেন জুলিবো। মুই তারারে ভস্ত গুরি ফেলেম্‌। সে পরেন্দি তমা ভিদিরেত্তুন্‌ মুই এক্কো দাঙর্‌ জাত্‌ সৃট্টি গুরিম্‌।

দানিয়েল 4:14

তে রঅ ছাড়িনে কলদে, গাজ্‌‌‌‌‌চো কাবি ফেলা আর তার বাগলানি ছাজি ফেলেই দে; তার পাদানি ঝারি ফেলা আর গুলোগুলিগুন্ ঝোড়েই দে, তার তলানত্তুন্ য়েমানুনে আর ডেলাগুনোত্তুন্ পেগ্‌‌‌‌‌কুনে ধেই যাদোক্,

লেবীয় 19:23

তমা দেজত্‌ যেইনে যুনি তুমি কনঅ ফল গাজ্‌ লাগঅ সালে ফলুন্‌ তমার্‌ তিন বজর্‌ সং মানা গোজ্যে ফল বিলি ধরা পুরিবো। উই সময়ো ভিদিরে সেই ফলুন্ হানা তমার্‌ ন-চলিবো।

লেবীয় 25:21

ইয়েনর উত্তোর্‌ অলঅ ছয় বজরত্‌ মুই তমারে এমনগুরি বর্ দিম যেনে সে বজরত্‌ তিন বজর্‌ চুলি পারদে ধোক্ক্যেন ফসল অয়।

মথি লেখ্যে গম্ হবর্ 7:19

যে গাজত্ গম্ ফল ন-ধরে সিবে কাবিনে আগুনোত্ ফেলেই দিয়্যে অয়।

লূকে লেখ্যে গম্ হবর্ 13:8

বাগান চাগর্‌বো জোব্ দিলো, ‘বাবু, এ বজর্‌অ সিবে থেবাত্তে দে। মুই সিবের্ চেরোকিত্ত্যেদি গাঢ্ খুড়িনে সার্ দিম।

লূকে লেখ্যে গম্ হবর্ 3:9

গাজ গড়াত্ কুড়োল্ বাজেয়্যে আঘে। যে গাজত্ গম্ ফল ন-ধরে সিবে কাবিনে আগুনোত্ ফেলে দিয়্যে অবঅ ।”

যোহন 15:2

মর্ যিদুক্কুন্ ডেলাত্ গুলো ন-ধরন্ সিগুন তে কাবি ফেলায়, আর যিদুক্কুন্ ডেলাত্ গুলো ধরন্ সিগুন তে ছাজিনে সাব্ গরে যেন আরঅ ভালোক্কুন্ গুলো ধুরি পারন্।

যোহন 15:6

যুনি কেঅ মঅ সমারে ন-থায় সালে কাপ্প্যে ডেলা ধোক্ক্যেন্ তারে বারেদি ফেলেই দিয়্যে অয় আর সিবে শুগেই যায়। সেক্কে সেই ডেলাগুন্ কুড়েইনে আগুনোত্ ফেলে দিয়্যে অয় আর সিগুন পুড়ি যান্।