লূকে লেখ্যে গম্ হবর্ 13:29 - Chakma Bible

²⁹ পূগ্, পোজিম্, উত্তোর্ আর দোগিণোত্তুন্ মানুচ্ এইনে গোজেন রেজ্যত্ হেবাত্যে ববাক্।

লূকে লেখ্যে গম্ হবর্ 13:29 Iomraidhean Croise

পত্থম 28:14

তঅ বংশর মানুচ্চুনে পিত্‌থিমীর ধূল্যেকণা ধোক্ক্যেন গুণি ন-ফুরেইয়্যে অবাক্। পূগ্-পোজিমে আর উত্তোর-দোগিণে তঅ বংশগুন ছিদি পরিবাক। পিত্‌থিমীর বেক্‌ জাদ্‌তুনে তর্‌ আর তঅ বংশবো ভিদিরেন্দি বর্ পেবাক।

যিশাইয় 43:6

মুই উত্তোরেদি দেজ্‌চানিরে কোম্, ‘তারারে ইরি দে,’ আর দোগিনে দেজ্‌‌চানিরে কোম্, ‘তারারে আক্‌সোই ন-রাগেয়ো‌‌।’ মুই তারারে কোম্, ‘তুমি দূরোত্তুন্ মঅ পুয়োগুনোরে আর পিত্‌‌‌থিমীর শেজ্ দুযিত্তুন্ মঅ ঝিগুনোরে আন্।‍‌‌‌‌‌

যিশাইয় 49:6

তে কোইয়্যেদে, “বানা যাকোবর্ বংশবোরে উদ্ধোর্ গুরিবাত্তে আর ইস্রায়েলর বাঁজি থেইয়্যে মানুচ্চুনোরে ফিরেই আনিবাত্তে যে তুই মর্ চাগর্ অবে সিয়েন নয়; সিয়েন খুব সামান্য বেপার। ইয়েন বাদেয়ো মুই অন্য জাদ্‌তুনো ইদু তরে পহ্‌‍‍‍র ধোক্ক্যেন গুরিম যেন তঅ মাধ্যমে সংসারর বেগ্ মানুচ্চুনে পাপত্তুন্ উদ্ধোর পান‍।”

মালাখি 1:11

পূগেত্তুন্ ধুরি পোজিমেদি সং বেক্ জাদ ভিদিরে মঅ নাঙান্ মহৎ অবঅ। বেক্ জাগানিত্ মঅ নাঙে আগর্‌বাট্টি জ্বালা অবঅ আর উৎসর্ব গুরিবাত্তে সিজি জিনিস আনা অবঅ, কিত্যেই বেক্ জাদ ভিদিরে মঅ নাঙান্ মহৎ অবঅ।

মথি লেখ্যে গম্ হবর্ 8:11

মুই তমারে কঙর্, পূগে আর পোজিমেত্তুন্ বোউত্ এবাক্ আর অব্রাহাম, ইস্‌হাক আর যাকোব সমারে স্বর্গ-রেজ্যত্ হেবাত্তে ববাক্।

মার্ক 13:27

তে তার দূত্‌‌তুনোরে পাধেইনে পিত্‌‌থিমীর এক কিত্তেত্তুন্ ধুরি অন্য কিত্তেদি সং চেরোকিত্তেত্তুন্ গোজেনর্ বেক্ বেঈ লোইয়্যে মানুচ্চুনোরে এক সমারে থুবেবাক্।

লূকে লেখ্যে গম্ হবর্ 13:30

যিগুনে ইক্কিনে বেগ যেরেদি আগন্ সিগুনোত্তুন্ পত্তম্ অবাক্, আর যিগুনে ইক্কিনে পত্তম্ আঘন্ সিগুনোত্তুন্ বেগ যেরেদি পড়িবাক্।

প্রেরিত্‌ 28:28

“ইয়েনত্যে তুমি মনত্ রাগঅ, গোজেনে মান্‌জ্যরে পাপত্তুন্ কিবাবোত্যেগুরি উদ্ধোর্ গরে সে কধাগান্ অযিহূদীগুনো ইধু কুয়ো ওইয়্যে, আর তারা সে কধাগান শুনিবাক্।”

কলসীয় 1:23

খালিক্ ইয়েনত্যে খ্রীষ্ট পৌইদ্যেনে গম হবরানত্তুন্ যে ঘেচ্চ্যেকগুরি আজাগান তুমি পেয়ো সিয়েনত্তুন্ দূরোত্ সুরি ন-যেইনে তমার বিশ্বেজে থির্ থা পড়িবো। সেই গম হবরান সারা জগদত্ প্রচার গরা ওইয়্যে আর তুমি সিয়েন শুন্ন্য। মুই পৌল এ গম হবরানর্ প্রচারক ওইয়োং।

কলসীয় 1:6

এ গম্ হবরান গোদা পিত্‌থিমীত ছিদি পড়িনে ফল ধরের্ আর দিন দিন উজেই যার্। যেদিন্ন্যে তুমি এ গম্ হবরান শুন্ন্য আর গোজেনর্ দোয়্যের কধা ঘেচ্চ্যেক্ গুরি কোই পাজ্জ্য সে দিন্নোত্তুন্ ধুরি সিয়েন তমা ভিদিরেয়ো ঠিগ্ সেবাবোত্যেগুরি কাম গরের্।