লূকে লেখ্যে গম্ হবর্ 13:13 - Chakma Bible

¹³ এ কধাগান্ কোইনে যীশু তা উগুরে আঢ্‌তান্ থলঅ, আর সেক্কেনে তে উজু ওইনে থিয়্যেল আর গোজেনরে বাঈনী গরা ধুরিলো।

লূকে লেখ্যে গম্ হবর্ 13:13 Iomraidhean Croise

মথি লেখ্যে গম্ হবর্ 9:8

মানুচ্চুনে এ ঘটনাগান্ দেগিনে দোরেলাক্, আর গোজেনে মান্‌জ্যরে এমন্ খেমতা দিয়্যে বিলিনে গোজেনরে বাঈনী গরা ধুরিলাক্।

মার্ক 16:18

তারা আঢ উগুরে সাপ তুলি ধুরিবাক্, যুনি তারা অমকদ বিষাক্ত কিজু খান্ সালে তারার্ কনঅ ক্ষতি ন-অবঅ, আর তারা পীড়েল্যেগুনো কিয়্যেত্ আঢ্ দিলে পীড়েল্যেগুনে গম্ অবাক্।”

মার্ক 5:23

তে যীশুরে কোজোলী গুরি কলঅ, “মঅ ঝিবো মুরি যেবার্ অক্ত ওইয়্যে। তুই এইনে তা উগুরে তঅ আঢ্‌তান রাগা; সেক্কে তে গম্ ওই উদিবো।”

মার্ক 6:5

সে পরেদি তে কয়েক্কো পীড়েল্যে মান্‌জ্য উগুরে আঢ্ বাজেইনে তারারে গম্ গুরিলো, মাত্তর্ সিয়েনত্ আর কনঅ আমক্ কাম্ গরানা সম্ভব ন-অলঅ।

মার্ক 8:25

যীশু আর একবার মানুচ্চোর চোগ্‌কুনো উগুরে আঢ্ দিলো। এবারত্ তা চোগ্‌কুন্ খুলি গেলাক্ আর তে দেগিবার্ খেমতাগান্ ফিরি পেলঅ। তে গমেডালে বেক্কানি দেগা ধুরিলো।

লূকে লেখ্যে গম্ হবর্ 13:12

যীশু তারে চেলঅ আর তারে কায়কুরে ডাগিনে কলঅ, “মা, তঅ পিড়েনত্তুন্ তুই উদ্ধোর্ অলে।”

লূকে লেখ্যে গম্ হবর্ 18:43

মানুচ্চো সেক্কে লগে লগে চোগেদি দেগিলো আর গোজেনরে বাঈনী গত্তে গত্তে যীশুর্ পিজে পিজে গেলঅ। ইয়েন দেগিনে বেক্ মানুচ্চুনে গোজেনরে নাঙ্ গিনিলাক্ ।

লূকে লেখ্যে গম্ হবর্ 4:40

বেলান্ ডুবিবার্ অক্তত্ মানুচ্চুনে বেক্ পীড়েল্যেগুনোরে যীশু ইধু আনিলাক্। তারা নানান্ বাবোত্যে পীড়েত্ ভুগোদন্। যীশু তারারে পত্তিজন কিয়্যেত্ আঢ্ দিইনে তারারে গম্ গুরিলো।

প্রেরিত্‌ 9:17

সেক্কে অননিয় যেইনে সেই ঘর ভিদিরে সুমিলো আর শৌল কিয়্যেগানত্ আঢ্ দিইনে কলঅ, “ভেই শৌল, ইধু এবার্ পধত্ যে তরে দেগা দিয়্যে তে প্রভু যীশু। তেয়ই মরে পাধেয়্যে যেন তুই তর্ দেগিবার খেমতাগান্ ফিরি পাজ্ আর পবিত্র আত্মায় পরিপুরোণ অচ্।”