লূকে লেখ্যে গম্ হবর্ 13:12 - Chakma Bible

¹² যীশু তারে চেলঅ আর তারে কায়কুরে ডাগিনে কলঅ, “মা, তঅ পিড়েনত্তুন্ তুই উদ্ধোর্ অলে।”

লূকে লেখ্যে গম্ হবর্ 13:12 Iomraidhean Croise

গীতসংহিতা 107:20

তার কধা পাদেইনে তে তারারে গম্ গুরিলো; তে গোরত্তুন্ তারারে উদ্ধোর্ গুরিলো।

যিশাইয় 65:1

লগেপ্রভু কোইয়্যেদে, মুই এ মানুচ্চুনোরে মইদু কোজোলী গুরিবার সুযোগ দুয়োং, মাত্তর্ তারা মইদু কনঅ কোজোলী ন-জানান্; মুই তারা ইদু এলুং, মাত্তর্ তারা কনঅ সাহায্যত্তে মইদু ন-এজন্। মুই এ জাদর্ মানুচ্চুনোরে কোইয়োং, এইয়্যে দঅ মুই, এইয়্যে দঅ মুই, মাত্তর্ তারা মইদু তবনা ন-গরন্।

যোয়েল 3:10

তমার্ নাঙল ফালুন্ পিদেইনে লাম্বা ছুরি আর চারিলোই ঝাদি বানঅ। বল্‌‌পোজ্যে মানুচ্চো কোক্, ‘মুই বোলী।’

মথি লেখ্যে গম্ হবর্ 4:23

গালীল রেজ্যর্ বেক্ জাগানিত্ ঘুরি ঘুরি যিহূদীগুনোর নানান্ সমাজ-ঘরত্ যীশু শিক্ষ্যে দিয়্যে ধুরিলো। ইয়েনি বাদেয়ো তে স্বর্গ-রেজ্যর্ গম্ হবরানি ফগদাং গুরিবাত্তে আর মানুচ্চুনোর নানান্ বাবোত্যে পীড়ে গম্ গরা ধুরিলো।

মথি লেখ্যে গম্ হবর্ 8:16

সাজোন্যে অলে পরেদি মানুচ্চুনে ভুদে পেইয়্যে ভালোক্ জনরে যীশু ইধু আনিলাক্। তে মুয়ো কধালোই সেই ভুত্‌তুনোরে ধাবেল আর যিগুনে অসুগ্ এলাক্ তারারে বেক্কুনোরে গম্ গোরেল।

লূকে লেখ্যে গম্ হবর্ 13:11

সিধু এমন্‌ এক্কো মিলে এলঅ যিবেরে এক্কো ভান্ন্যেই আত্মায় আদার বজর্ ধুরি অসুগোত্ ভুগোর্। তে গুজোং এলঅ আর এক্কুবারে উজু ওই ন-পারিদো।

লূকে লেখ্যে গম্ হবর্ 13:13

এ কধাগান্ কোইনে যীশু তা উগুরে আঢ্‌তান্ থলঅ, আর সেক্কেনে তে উজু ওইনে থিয়্যেল আর গোজেনরে বাঈনী গরা ধুরিলো।

লূকে লেখ্যে গম্ হবর্ 13:16

সালে অব্রাহাম বংশর্ এই যে মিলেবোরে আদার বজর্ ধুরিনে শদানে বানি থোইয়্যে, সেই বান্যেত্তুন্ জিরেবার্ দিনোত্ কি তারে উদ্ধোর্ গরানা উচিত নয়?