লূকে লেখ্যে গম্ হবর্ 13:11 - Chakma Bible

¹¹ সিধু এমন্‌ এক্কো মিলে এলঅ যিবেরে এক্কো ভান্ন্যেই আত্মায় আদার বজর্ ধুরি অসুগোত্ ভুগোর্। তে গুজোং এলঅ আর এক্কুবারে উজু ওই ন-পারিদো।

লূকে লেখ্যে গম্ হবর্ 13:11 Iomraidhean Croise

ইয়োব 2:7

ইয়েন পরেদি শদান্‌নো লগেপ্রভুর মুজুঙোত্তুন্‌ নিগিলি গেলঅ‌ আর ইয়োবর মাধাবো তাল্লোত্তুন্‌ ধুরিনে টেঙঅ‌ পাদা সং চুলোনি-পড়ানি ঘালোই তারে দুঘ্‌ দিয়্যে ধুরিলো।

গীতসংহিতা 145:14

যিগুনে পড়দন্ লগেপ্রভু তারারে ধুরি রাগায়; যিগুনে লুঙি পোজ্যন্ তারারে তে তুলিনে ধরে।

গীতসংহিতা 146:8

লগেপ্রভু কান্ মানুচ্চুনোরে রিনি চেবার খেমতাগান দে; যিগুনে লুঙি পোজ্যন্ লগেপ্রভু তারারে তুলি ধরে; লগেপ্রভু গম্ মানুচ্চুনোরে কোচ্‌পায়।

গীতসংহিতা 38:6

মুই গুজোং ওই যেইয়োং, এক্কুবারে ঢুলি পোজ্যং; পুরো দিন্নো মুই মনত্ দুখ্ গুরিনে বেড়াং।

গীতসংহিতা 42:5

ও মর্ পরাণান্, কিত্তেই তুই আজা আরেয়োজ্? কিত্তেই এদক্ চোত্‌‌পোত্যে ওইয়োচ্? গোজেন উগুরে আজা রাগা, কিত্যে তেয়ই মরে উদ্ধোর্ গুরিবো; সেনত্তে মুই আরঅ তার বাঈনী গুরিম।

গীতসংহিতা 6:2

ও লগেপ্রভু, তুই মঅ উগুরে দোয়্যে গর্, কিয়া মুই বলপোজ্যে। ও লগেপ্রভু, মরে গম্ গর্, কিয়া দরে মর্ আড়ুনোত্ গির্‌গিরেনি ধোজ্যে,

মথি লেখ্যে গম্ হবর্ 4:23

গালীল রেজ্যর্ বেক্ জাগানিত্ ঘুরি ঘুরি যিহূদীগুনোর নানান্ সমাজ-ঘরত্ যীশু শিক্ষ্যে দিয়্যে ধুরিলো। ইয়েনি বাদেয়ো তে স্বর্গ-রেজ্যর্ গম্ হবরানি ফগদাং গুরিবাত্তে আর মানুচ্চুনোর নানান্ বাবোত্যে পীড়ে গম্ গরা ধুরিলো।

মার্ক 9:21

যীশু তা বাব্‌‌পোরে পুযোর্ গুরিলো, “কয়দিন অলঅ তার্ এবাবোত্যে ওইয়্যে?” মানুচ্চো কলঅ, “চিগোনত্তুন্ ধুরি।

লূকে লেখ্যে গম্ হবর্ 13:12

যীশু তারে চেলঅ আর তারে কায়কুরে ডাগিনে কলঅ, “মা, তঅ পিড়েনত্তুন্ তুই উদ্ধোর্ অলে।”

লূকে লেখ্যে গম্ হবর্ 13:16

সালে অব্রাহাম বংশর্ এই যে মিলেবোরে আদার বজর্ ধুরিনে শদানে বানি থোইয়্যে, সেই বান্যেত্তুন্ জিরেবার্ দিনোত্ কি তারে উদ্ধোর্ গরানা উচিত নয়?

লূকে লেখ্যে গম্ হবর্ 21:28

এ বেক্ ঘটনাগানি ঘদতে আরাম্ব গল্লে পরেদি তুমি উদিনে থিয়্যেইয়ো আর মুয়োনি তুল্ল্য, কিয়া তমার্ উদ্ধোরর্ সময়বো কায়কুরে এচ্চ্যে।”

লূকে লেখ্যে গম্ হবর্ 8:27

তে যেক্কে নগানত্তুন্ লামিলো সেক্কে সিদুগো আদামর্ এক্কো মানুচ্ তাইধু এলঅ। সে মানুচ্চোরে ভালোক্কুন্ ভান্ন্যেই আত্মায় পেইয়্যে বিলি তে ভালোক্ দিন ধুরিনে কাবড়-চুগোড় ন-পিনিদো আর ঘরত্ ন-থেইনে চিদাখলাত্ থেদঅ।

লূকে লেখ্যে গম্ হবর্ 8:43

তারা ইত্তুন্ এক্কো মিলে বার বজর্ ধুরি মিলেপীড়েত্ ভুগের্। ডাক্তরুনো পিজেদি তে তার্ বেক্কুন্ খরচ্ গোজ্যে, মাত্তর্ কনজনে তারে গম্ গুরি ন-পারন্।

প্রেরিত্‌ 3:2

মানুচ্চুনে পত্তিদিন এক্কো মান্‌জ্যরে বুয়োই আনিনে উবোসনা-ঘরর দোল্ নাঙে দোরান কুরে থদাক্। তে জর্মত্তুন্ ধুরি লেং এলঅ। যিগুনে উবোসনা-ঘরত্ যেদাক্ তারা ইধু ভিক্ষ্যে মাগিবাত্যে তারে সিয়েনত্ থুয়ো অদঅ।

প্রেরিত্‌ 4:22

যে মানুচ্চো আমক্ অইদ্যে ধোক্ক্যেন গুরি গম্ ওইয়্যে তা বয়স্‌চান এলঅ চল্লিশ বজরত্তুন্অ বেশ্।